पतरसे
लिखो दोकी चिट्ठि
प्रभु यीशु मसीहे खास चेला शमौन पतरसे अपु जिन्दगी अन्तर सुआ चमत्कारे कम भुन्ते काओ थिए। तेन अपफ बि कत चमत्कारे कम किओ थिए। पर साते सात तस सुआ दुख तकलीफ त मेह्णु के भुंजाण बि सीढ़ुण आउ। तेसे बारे तुस “प्रतिनिधि के कम” कताब अन्तर पढ़ बटते। जपल तसे मरणे टेम नीड़ा आ त तेन सोबी विश्वासी भाई भेणि जे अपु अखिरि बोके लेई।
कुछ पुराणि परम्पराई हेसाब जोई, रोमी सपाही शमौन पतरस उमले क्रूस पुठ ढनाई कइ मौती सज्जा दुतो थी। त इस दोकी त अखिर चिट्ठि अन्तर से विश्वासी भाई भेणि जे चेता दिआई कइ शिच सलाह देन्ता। होर से अखिर दिनि अन्तर कीं कइ गलत शिक्षा देणे बाड़े एन्ते त मेह्णु के विश्वास मुकान्ते तेस बारे बि लिखता। से अपु मरण केआं पता, प्रभु यीशु दुबारी एणे बारे जे सवाल खड़िन्ते, तसे बारे बि इस चिट्ठि अन्तर लिखो असु।
त चले, प्रभु यीशु मसीहे खास चेला शमौन पतरसे लिखो इस दोकी चिट्ठि पढ़ कइ पता लान्ते कि तेन विश्वासी त मसीहे सतसंग जे की की बोके लिखो असी।
विषय सूची
नमस्कार (1:1-2)
परमेश्वरे चुणुण त भिआण पक्का करुण (1:3-21)
गलत शिक्षा देणे बाड़े त तेन्के सज्जा (2:1-22)
प्रभु एणे रोज (3:1-13)
अखिरि बोके त अशुश (3:14-18)