इफिसुस शेहरे मेह्णु जे
प्रतिनिधि पौलुसे चिट्ठि
धरती अन्तर सुआ धरम असे। तेन्हि बिचा कुछ धरम मेह्णु बांटते, त कुछ मेह्णु बुछ जे जात-पाते लकीर असी, तस मिटाणे कोशिश कते। केहि बोते कि अस होरी केआं खरे असे, त तेन्हि जुए ना बिश्ते। होर केहि बोते कि अस सोब पापी असे त हें सोबी के अखिर फल यके असा। परमेश्वरे बारे त अपु बारे मेह्णु के बुछ कत अलग अलग विचार असे, जे कदी यक ना भोई बटते। से जीं यके केणे बाड़े बुटे के ईं असे, जे बाहरीआ त यके लगते, पर तेन्के जड़ अलग अलग भुन्ति त से फल बि होरा ईं फलते। जात-पाते जे भिथ मेह्णु के बुछ असी, से कि मुक घेन्ति ना? कोउं एस लकीर मिटाई बटता? कीं कइ ए खतम भोई घेन्ति, त सोब जेईं बराबर भुन्ते?
ई चिट्ठि यीशु मसीहे प्रतिनिधि, पौलुसे लिखो असी। एथ अन्तर तेन जात-पाते भिथ टोड़ुणे बारे, त परमेश्वरे चमत्कारी योजना बारे लिखो असु। परमेश्वर मेह्णु बचाण जे त तेन्के जिन्दगी अन्तर अशुश देण जे की की योजना बणो असी, तेस बारे बतो असु। इस चिट्ठि लिखणे टेम से रोमी मेह्णु के जेहेल अन्तर कैद थिआ।
इस चिट्ठि पढ़े त पता करे कि जाते-पाते बारे पौलुस की बोता, होर परमेश्वरे से योजना की असी। होर ईं बि पता करे कि असी कीं कइ जीण चहिए।
विषय सूची
नमस्कार (1:1-2)
मसीह अन्तर अशुश (1:3-14)
पौलुसे प्रार्थना (1:15-23)
मसीहे बेलि जीण (2:1-10)
मिआणे बाड़ा - यीशु मसीह (2:11-22)
गैर यहूदी बुच पौलुसे सेवा (3:1-21)
यक जिसम बणुण (4:1-16)
विश्वासी चाल चलण (4:17-32)
टगड़ियारी गभुर भुण (5:1-21)
धाणि जुएली (5:22-33)
गभुर त ई बोउ (6:1-4)
गुलाम त मालिक (6:5-9)
लड़ाई जे हथियार (6:10-20)
अखिरि बोके त नमस्कार (6:21-24)