मामला नेणे बाड़ा जक्कई
19
1 यीशु यरीहो शेहर अन्तर घेण लगो थिआ। 2 तठि जक्कई नओएं यक मेह्णु थिआ, जे तेस इलाके अन्तर मामला नेणे बाड़ी के मुखिया थिआ त सुआ अमीर बि थिआ। 3 से यीशु हेरण चहन्ताथ कि यीशु कोउं भो। पर किस कि से कलजुग थिआ, त हुसुड़े बझई जुए तेस ना हेर बटताथ। 4 तिखेईं से तस हेरण जे अगर घेई कइ गुलेरेa बुटे पुठ चढ़ि गा, किस कि यीशु तेन बते बइ घेण बाड़ा थिआ। 5 जिखेईं यीशु तेस जगाई पुजा त तेन खड़िया हेर कइ तस जे बोलु, “ए जक्कईए, झट भीं आई! किस कि आज मोउं तें गी बिशुण असु।” 6 से झट भीं एई कइ बड़े खुशी जुए तस अपु गी घिन गा। 7 ईं हेर कइ सोब मेह्णु घुश-घुशात कर कइ बोलुण लगे, “हेरे, हेरे एस, ए कीं पापी मेह्णु गी जे गो असा।”8 पर गी पूज कइ जक्कई सोबी के साम्हाणि खड़ भुआ त प्रभु जे बोलु, “ए प्रभु, हेर! अउं अपु आधी संपत्ति कंगाली कें धे देन्ता, त अगर केसेरी कुछ बि जब्बरदस्ती कर कइ नीओ असु त तसे धे अउं चोउ गुणु वापस दी छता।” 9 तिखेईं यीशु तस जे बोलु, “आज एस टब्बरे मेह्णु बच गे। किस कि एन बि अपु कमे बेलि हरालो असु कि ए अब्राहमे कुआb भो।c 10 किस कि मनखे कुआ जे गड़ो असे, तेन्हि तोपुण जे त बचाण जे अओ असा।”d
यीशु त जक्कई
सुन्ने सिक्के कथा
11 जपल हुसुड़े मेह्णु एस बोक शुणु लगो थिए त यीशु यक कथा तेन्हि शुणाई। किस कि मेह्णु सोचतेथ, जिखेईं यीशु यरुशलेम शेहर पुजियेल त से राजा बणि घेन्ता। तेस टेम यीशु यरुशलेम शेहरे भेएड़ पुजी गो थिआ। 12 त तेन तेन्हि जे बोलु, “यक राजे खानदाने मेह्णु राजा बणुण जे यक सम्राट केईं गा। 13 तेन घेण केआं पेहले अपु नौखरी अन्तरा दस नौखर भिए त तेन्के धे दस सिक्केe दिते त बोलु, ‘में एण तकर तुस लेण देण करे।’ 14 पर कुछ मेह्णु तस अपु राजा ना बणण देण चहन्तेथ। त तसे पिठ पतूं दूत लंघाई कइ सम्राट जे बोलु कि अस ना चहन्ते कि ए असी पुठ राज करियेल।”
15 “जपल से राजा बण कइ वापस आ त ईं भु कि तेन जेन्हि नौखरी कें धे सिक्के दुतो थिए, से नौखर भिए त तेन्के कमाई बारे पुछु। 16 यक नौखरे एई कइ बोलु, ‘ए मालिका! तें सिक्के बइ दस सिक्के होरे कमाओ असे।’ 17 तेन तस जे बोलु, ‘खरी, तु खरा नौखर असा! तु सुआ घट चीज पुठ यकीन लेएक निसा, त अब दस शेहरी के हाकिम बण’। 18 दोके नौखरे बोलु, ‘ए मालिका! तुं सिक्के बइ पंज सिक्के होरे कमाओ असे’। 19 त तेन तस जे बि बोलु, ‘गा त तु बि पंज शेहरी के हाकिम बण’। 20 टेका नौखरे एई कइ बोलु, ‘ए मालिका! हेर तुं सिक्का इठि असा। मेईं ए बन्हि कइ रखो थिआ। 21 किस कि अउं तोउ हेर डरताथ। तु बोडा सक्त मेह्णु असा : जे तेईं नेईं छोओ तेस तु घिन घेन्ता। त जे तेईं नेईं बोओ तस तु काट छता।’ 22 ईं शुण कइ राजे तस जे बोलु, ‘ए दुष्ट नौखरा, अउं तेन्धेरी मुंहे बइ तें पंची कता। तोउ पता थिआ कि अउं यक सक्त मेह्णु असा त जे मेईं नेईं छोओ तस अउं घिन घेन्ता त जे मेईं नेईं बोओ तस अउं काट छता।f 23 त तेईं में सिक्के सहुंकार केईं किस ना छड़े, ताकि अउं एई कइ ब्याज जुएई नी बटुं?’ 24 त राजे भेएड़ जे नौखर खड़ खड़ थिए तेन तेन्हि जे बोलु, ‘एस केआं एस सिक्के छुड़कइ कइ नीए, त जेस केईं दस सिक्के असे तसे धे दी छड़े।’ 25 होरे मेह्णु तस जे बोलु, ‘मालिका! पर एस केईं दस सिक्के त असे।’ 26 त राजे बोलु, ‘अउं तुसी जे बोता कि जेस केईं असु, तसे धे हउ बि दीइन्तु। जेस केईआं नेईं तेस केआं जे बि असु, से बि नीइन्तु।’g 27 अपु इन्हि नौखरी जुए हिसाब निपटाई कइ तेन बोलु, ‘में दुश्माण, जे ना चहन्तेथ कि अउं तेन्हि पुठ राज करुं, तेन्हि इठि अण्हे त मार छड़े।’”h
यरुशलेम शेहर अन्तर यीशु
(19:28—21:38)
यीशु यरुशलेम शेहर घेण
28 ई सोब बोक कर कइ यीशु यरुशलेम शेहरे कना जे अपु चेले त हुसुड़ा के अगर अगर हंटा। 29 जिखेईं से जैतुन नओएं यक फाट पुठ बैतफगे त बैतनिया ग्रां भेएड़ पुजा त तेन अपु चेली बुचा दुई जेईं ईं बोल कइ लंघा, 30 “सामणि ग्रां घिए। तठि तुसी यक खोतुड़ु बच्चा बन्हो मेता, जेस पुठ आज तकर कोई नेईं चढ़ो।i तस खोल कइ घिन एईए। 31 अगर कोई तुसी केआं पुछियाल कि किस खोलुण लगो असे, त तुस बोले ‘प्रभु एसे जरूरत असी।’”
32 जे चेले लंघो थिए, तेन्हि घेई कइ जीं तेन्हि जे बोलो थिउ, तिहांणि मेउ। 33 जपल से खोतुड़ु बच्चे खोलुण लगो थिए त खोतुड़ु मालिके तेन्हि केआं पुछु, “एस बच्चे किस खोलुण लगो असे?” 34 त तेन्हि बोलु, “प्रभु असे जरूरत असी।” 35 त तेन्हि से यीशु केईं अण्ह छोउ त अपु अपु फुलो टलिड़ तेस खोतुड़ु बच्चा पुठ छइ कइ यीशु तस पुठ बिशाण छड़ा। 36 जपल से घेण लगा त तसे अगर अगर मेह्णु अपु अपु फुलो टलिड़ बथ टड कइ तसे अग्रोईए।j
37 यरुशलेमे भेएड़ एन्ते एन्ते जिखेईं से जैतुन नओएं फाटे रैहि पुठ पुजा त तसे चेली के सुआ बोडा हुसुड़ा यीशु सोब कमे बझई जुए जे तेन्हि अपु टीरे बइ काओ थिए याद कइ कइ जोरी जोरी परमेश्वरे गुणगान करण लगे।
38 “हें परमेश्वरे जे राजा असी जे लंघो असा
से राजा बोडा महान असा!k
मेह्णु बचाणे ताकत सिर्फ तसेरी भो त अम्बर पुठ तसेरी महिमा भो!”
बोडे शान जोई यीशु यरूशलेम शेहर घेण
39 ईं शुण कइ तिखेईं हुसुड़े अन्तरा कुछ फरीसी तस जे बोलुण लगे, “ए गुरु, अपु चेली जड़काण दिए।”l 40 त तेन बोलु, “अउं तुसी जे बोता अगर ए चुप बिशियेल त घोड़ लियार दी दी कइ परमेश्वरे गुणगान कते।”
यरुशलेम जे रोलुण
41 जिखेईं यीशु यरुशलेमे भेएड़ आ त शेहर हेर कइ रोलु 42 त बोलु, “तुस, ए यरुशलेम शेहरे मेह्णुओ! काश कि इस रोज अन्तर तुस समझ घेन्तेथ, कि तुसी केस बोके बइ शान्ति मेती। पर से अभेईं तुं टीरी केआं नियको असा। 43 किस कि ईं बि रोज एन्ते जिखेईं तुं दुश्माण तुसी बटेरते। 44 त तुसी त तुं गभुर जे यरुशलेम शेहर अन्तर असे, तेन्हि मार छते त तुं शेहरे घोड़ी पुठ घोड़े बि बिशुण ना देन्ते; किस कि तुसी इस टेम जिखेईं तुसी पुठ परमेश्वरे कृपा भो थी से ना पिछाणी।”
यरूशलेम शेहर जे यीशु रोलुण
देहेर केआं दुकानदार बाहर लाण
45 तोउं, यीशु देहेर अन्तर घेई कइ जे तठि भकत चढ़ाण जे जानवरी बेचतेथ त होरे सामान बेचतेथ, तेन्हि सोबी बाहर किढ़ण लगा, 46 त तेन्हि जे बोलु, “परमेश्वर जे नियम मूसा धे दुतो थिआ तठि लिखो असु, ‘में गीm सद प्रार्थना करणे गी भो’n पर तुसी ए डाकु के कुड बणाई छओ असी।”o
47 तढ़ेया पता, से हर रोज देहेर अन्तर शिचालताथ; त मुख्य पुजारे, धर्मशास्त्री त टजे स्याणे तस खतम करणे मौका तोपुण लगे।p 48 पर तेन्हि कुछ ना बुझु कि तेन्हि की करुं। किस कि जे से बोलुण लगो थिआ, सोब मेह्णु बोडे चह जुए तसे शुणतेथ।
यीशु देहेरे दुकानदार नशाणण