Onah osi Paskwa
9
Ze pli pseke psi olur opugzan kero bopun ze Ejitu, NYEEK lado na Moises zolaal Sinai, jaklo: 2 “Boisraelita ka pdo mnlelniin Paskwa zokil polo. 3 Onhoi ze ŋnu 14 ze pli pndaapi, ze montna . Nde pbaap a ze ilul olo na mhagzin olo.” 4 Hunkran Moises jakdun bowk Israel bo baap Paskwa. 5 Bo tep onah osi paskwa zolaal Sinai ze ŋnu 14 ŋnsi pli pseke, ze montna. Bowk Israel do ŋun uzuuz ze mi NYEEK jakmunk Moises.6 Oka boloŋ bonzopki zokont bo dapro kliks ña ankezi, un ominzi kaun bozi hilun pka kfah zonah osi Paskwa zonu ominzun; onkanun ka boya ñog zurun Moises na Aroŋ, 7 ka bo jak boko: "Ndo zopi zonkont ndo dapro kliks ña ankezi, ka ezi kaa, ndo neeno phul un onhaloi osi NYEEK zonu ondai, zuram uloŋ na bowk Israel?" 8 ka Moises jak boko: "Nde yooŋun ande kint nde te un NYEEK oi pjak nde, nde do."
9 Ka NYEEK jak Moises 10 Antom alado na bowk Israel, a jak boko: "Ze ña ze psoof nde o ze iiñ nde, zop zonkont adapro kliks, o alooro na nde zonkont uyaas, ze minzmun ahilun pdol onah osi Paskwa psi NYEEK. 11 Ze ŋnu 14 ŋnsi pli pugzan bo hilun pbaap onah, bo de ompalalu osi Paskwa na opoŋ onhani pka iferment na otun onhai. 12 Bozi hilun phutun oyemz ominzun an onu kint ojiinz; ka bozo pkita pmoon ploŋ uz. Bo pdol onah osi paskwa ze mi oiimna Paskwa okndoloi jaki. 13 Ze ñiinz jiinzi, ze azi ya uyaas, ka azi baap Paskwa, a puno ze psoof bopugi nin, zonkont azi hul NYEEK un onhaloi ze kleh olo. Ñiinz aminzun a phya na pjwa lo. 14 Ze nya zoo ze psoof nde jeu pka kfah zonah osi Paskwa psi NYEEK, aka pdo ze mi oiimna na ilul isi Paskwa jaki. Oiimna o pho zoloŋ ze nde, nya injaka nmbukno osaak uz.
Inzun ya zurun
15 Zonu oku uzoñnor nazni, knzun yeto antom ler olo, duzu oku kmatir; zurim knzun kminzkun aka huglo injaka uroo an onu kint kjiinz. 16 Hunkran ozañdun: inzun aka ler a; zurim knzun a khuglo knaam na uroo. 17 Zoyaar knzun an soli, bowk Israel aka duko ze kfez kolo; zun knzun nazunzi, bowk Israel akzoñnor za. 18 Ze mi NYEEK jakmi boko bo do, bowk Israel a kpun ksol; ze mi NYEEK jakmi, hunkra bo a na khank nku boko; ze ŋnu uzuuz knzun nazki duzu oku uzoñnor, bo a kzo zun ze minzun. 19 Ze knzun jon duzu oku uzoñnor, bowk Israel akzo za ŋnu ŋnsumŋi kdo un NYEEK jaki boza kya na urun. 20 Uyaas uloŋ knzun a ka ŋnu ŋmpozŋi duzu oku uzoñnor; bo a ksiink prim NYEEK antom phyooŋ; bo sa aksiink uz zoyaar lo anjak boko bosol antom ol bo solun. 21 Ze knzun nazi ze montna anka onu kint jiinzi, zotoomr kolo pnazo bo a kpun ksol. Ŋanun kot nazo ze pnak o zurim boka pnazo psol. 22 Ze knzun naz duzu oku uzoñnor ŋnu 2, pli, o olura, ze knzun kozi soli, bowk Israel aka duko za, bozi a kya zurun, ze knzun soli, bo a knazo ksol. 23 Ze mi NYEEK jakmi boko bo a kduko kzoñnor; bo a kdo un bo kai pdo NYEEK, ze mi NYEEK jakmi boko bo aknazo ksol. Bo akte un NYEEK ladoi na boko ze mntuum Moises.