Wojun usi pjwa ze kpaaŋ
4
NYEEK pot jak Moises: 2 azuup bowk Israel ilul ze ña anjwi ŋiimna NYEEK ze kpaaŋ, dol un oiimna jaki aki kdo. 3 Ze nmpenen Uzi, ankiroi jwi, bina khuzin duzu bopugi, ze pjwa adopunk, aka pbina owai okal zurun NYEEK onhani pka kzeu, injaka un onhaloi osi pjwa. 4 A pbina owai okal zoneeji oku uzoñnor zurun NYEEK. Apzu kñen lo duzu ween owai okal ominzun, apfiŋa zurun NYEEK. 5 Antom nmpenen Uzi ankiroi apjek pñaak mpozpi psi owai okal ominzun, phya na polo zoku uzoñnor. 6 Apñoyun pkoñ lo ze pñaak, apgur pa ŋhyas 7 zurun NYEEK, zurun knoŋt zun ze iimna. 7 Nmpenen Uzi ophas pñaak pnduklopunk psi owai okal ze itin isi pkak nsensu iknñeelhi un onliili, phopi zoku uzoñnor, zurun NYEEK, pkak phopi zurun oku uzoñnor; pñaak pnduklopunk psi owai okal aphas pa zeu pkak psi wojun unturowi, phopi zoneeji oku uzoñnor. 8 Apunun mnira uzuuz mnsi owai okal osi un onhaloi osi pjwa, na mnira mnlermunk omez o mnira mnkoulormi na olo, 9 Kozkoz 2 uzuuz, na mnira mhomi duzu kolo zopik, na ojir onleri oreu, osi ai punun na mnkozkoz. 10 Apunun mnira injaka mi akdomunk na oiit okal osi wojun usi phyoŋ. Antom nmpenen Uzi tur ojir ominzun duzu pkak psi wojun unturowi. 11 Knjand owai okal ominzun, na oyemz olo uzuuz, ween olo na izim olo , omez olo na oziip, 12 oyemz uzuuz osi owai okal, apunun na, zun unaam uzoñnor phyana olo zun ze njinzi zun ofoou ai ka lisna, aptura duzu imul zuroo zun ofoou onkaunk mnira klisunzi.Wojun usi pjwa kpaaŋ ksi bopugi
13 Zuzoñnor Boisraelita uzuuz jwi ze kpaaŋ, do un oloŋ ontuuntoi osi oiimna NYEEK jaki bo ki kdo, ŋanun bam pme bo do khuzin, bo pka pjwa. 14 Zoyar boko anhikran pjwa bo dopunk, uzoñnor bopugi ophya na owai okal injaka un onhaloi osi pjwa; bo psoonda zoneeji oku uzoñnor. 15 Boyeek uzoñnor ka pzu iñen boko duzu ween owai okal zurun NYEEK; bo pfiŋa zurun NYEEK. 16 Nmpenen Uzi, ankiroi na mnsitidos aphya na pñaak mpozpi psi owai okal ominzun zoku uzoñnor; 17 apñoyun pkoñ lo ze pñaak pminzpun, agur polo ŋyas 7 zurun NYEEK, zurun knoŋt. 18 Apzu pñaak ploŋ ze ptoomi pkak phopi zurun NYEEK zoneeji oku uzoñnor. Pñaak uzuuz pnduklopunk, a phas pa ze pluzi pkak psi wojun unturowi phopi zoneeji oku uzoñnor. 19 Apunun mnira uzuuz zowai okal, aptur ma duzu pkak; 20 apdo na owai okal ondaun injaka mi adomunk na owai okal osi un onhaloi osi pjwa. Hunkran nmpenen Uzi oun pdo wojun usi pjwa psi bopugi; antom bo jouro polo. 21 Antom apunun owai okal zun unaam uzoñnor, aptura injaka mi aturmunk owai okal oseke. Uni oun un onhaloi osi pjwa osi uzoñnor usi bopugi.
Wojun usi pjwa kpaaŋ ksi Nmbuli
22 Ze nmbuli jwi ze kpaaŋ, a do un ŋiimna NYEEK, Uzi lo, jaki lo aki kdo, atuunto, duko na pjwa. 23 Zasoondo pjwa adopunk, aka phya na un onhaloi osi opi okal ompozi onhani pka kzeu. 24 Apzu kñene lo duzu ween opi okal oroou, apfiŋa zun ŋnsaam ai ka fiŋna injaka wojun unturowi zurun NYEEK. Uni oun un onhaloi osi pjwa. 25 Antom nmpenen Uzi, ñoyun pkoñ lo, apjek pñaak mpozpi psi un onhaloi osi pjwa, apzu pa ze ptoomi pkak psi wojun unturowi. Pñaak pnduklopunk aphas pa zeu pkak. 26 Aptur mnira uzuuz ze pkak, injaka mi aturmunk un onhaloi osi phyoŋ. Hunkran nmpenen Uzi oun pdo wojun usi pjwa psi ñiinz aminzun; ol ajouroun pjwa.
Wojun usi pjwa ña ze kpaaŋ
27 Ze ña ze bopugi jwi ze kpaaŋ, do un oloŋ osi oiimna NYEEK jaki ña ki kdo, atuunto, ka pjwa. 28 Ze asoondo pjwa pminzpun psi adopi, aka pbina un onhaloi osi pjwa, injaka opi ohaz onhani pka kzeu. 29 Apzu kñen lo duzu ween un onhaloi osi pjwa, apfiŋa zun un onhaloi osi wojun unturowi. 30 Antom nmpenen Uzi, na pkoñ lo, apñoyun pñaak mpozpi pminzpun, apzu pa ze ptoomi pkak psi un onhaloi onturoi; pñaak pnduklopunk, aphas pa zeu pkak. 31 Apunu mnira uzuuz, injaka mi mnira anka ka punun ze un onhaloi osi phyoŋ. Nmpenen Uzi optura duzu pkak, antom ohilun pñeel un onliili osi NYEEK. Hunkran nmpenen Uzi oun pdo wojun usi pjwa ña aminzun, antom ol ajouroun.
32 Zabi na owk ompalalu ohaz injaka un onhaloi osi pjwa, aka pbina ohaz onhani pka kzeu. 33 Apzu kñen duzu ween olo, afiŋ olo injaka un onhaloi osi pjwa, ze pkak psi wojun osi un onhaloi osi wojun unturowi. 34 Antom nmpenen Uzi, na pkoñ lo, apñoyun pñaak mpozpi psi un onhaloi osi pjwa, apzu pa duzu itin isi pkak psi wojun unturowi; pñaak pnduklopunk, aphas pa zeu pkak. 35 Apunun mnira olo uzuuz, injaka mi mnira mnsi owk ompalalu osi un onhaloi osi phyoŋ anka ka punun. Nmpenen Uzi optura ze pkak, duzu un onhaloi, onturoi osi NYEEK. Hunkran nmpenen Uzi, oun pdo wojun usi pjwa psi ña aminzun dopi; antom apjouro pjwa lo.