Pkak un onhaloi onturoi
27
NYEEK jak Moises: lempun uz pkak psi mndera akasya; psi ŋmetru 2,20 ŋnliiŋi ŋnjir uzuuz okañr na ohanr ometru oloŋ 1,30 ohalr. 2 Ze ijok 4 wo pnazun itin 4 yoi pho ze pluzi ploŋ na pkak; antom uler yolo na bronsi. 3 Lempun uz ithunin uzuuz isi bronsi: isya ihuli ofoou isi bronsi, ŋmpah, igarfu na ŋnfugaderu; yun itihunin uzuuz lempun ya na bronsi. 4 Usa poto plemp uz kdeki ksi bronsi knaamki na onteni, ksi woi plemp na insawaŋ 4 isi iferu ze ijok yolo 4. 5 Wo pzu ya zeu pkak onteni hilun pjau ze psoof pkak. 6 Usa oplemp uz ilaankun mndera mnsi akasya, antom uler yolo na bronsi. 7 Ilaankun opzwo ze insawaŋ, ze ŋnjir uzuuz ŋnsi pkak, zolapr boko polo. 8 Usa o plemp uz pkak psi mndera, pozo pka un oloŋ ze mezu; ze mi ujaŋomunk polo zonkuŋ, hunkran boukun plemp polo.Unaam oku
9 Usa oplemp uz unaam (zeu oku), unaam opka knoŋt ksi mmuz miknjilmi mnlahomi; okañr zojira, oka pka ŋmetru 44. 10 Isap 20 uz isi olo na isap 20 isi bronsi; insawaŋ iluzi na irarm olo yo pho isi prat. 11 Hunkran uz, duzu, opka inoŋnt isi ŋmetru 44 zokañr na iluzi 20 isi olo yo pho bronsi; insawaŋ isi iluzi na irarm olo yo pho isi prat. 12 Zohanr unaam pten zojir phyour onu, opka inoŋnt isi ŋmetro 22 zokañr, na iluzi 10. 13 Ohanr unaam zojir pmair onu, opka ŋmetru 22. 14 Inoŋnt zojir oneejr opka ŋmetru 6,75 ŋnsi ohanr, na iluzi 3 na isap yolo 3 15 Zojir oloŋ osi oneejr opka ŋmetru 6 ŋnsi inoŋnt, na iluzi 3 na isap yolo 3 16 Zoneeji unaam opka knoŋt ksi ŋmetru 9 ŋnsi okañr, na mmuz nfulamul, purpura, karmesin na mmuz miknjilmi mnlahomi, utihun ña ankai ulipl; opka iluzi 4 na isap yolo 4. 17 Iluzi uzuuz infoyohi unaam yopka irarm isi prat; Insawaŋ yolo opho isi prat, iluzi yolo opho isi bronsi. 18 Okañr unaam opka ŋmetru 44, ohanr olo opka ŋmetru 22 ze ŋnjir uzuuz , ohalr olo opka ŋmetru 2,20; Inoŋnt olo yo pho isi mmuz miknjilmi mnlahomi; iluzi yolo opho isi bronsi. 19 Izij uzuuz isi oku zutihun olo uzuuz , na iriiŋi olo uzuuz isi unaam, yo pho isi bronsi.
Mnsitidos mnsi okandel
Oiimna 24:1-4
20 Wi urinanu jakun bowk Israel bobi na mnsitidos mnsi oliveira mani pgumlor, mnlonomi, mnsi okandel antom okandel duka seh onzañi. 21 Aroŋ na bowk bo pka onkont nkandel ze zun uzoñnor zojirun inoŋnt inhoi zurun pkak piimna, antom okandel duka seh zurun NYEEK ptep ze montna ampjau ze nfa. Ominzi opho oiimna osi bowk Israel onzañi.