4
Dolang tuan! Ihkam alah noh adil khavun jujur mbak dolang jihpon mik. Arak nolingau ah ngindoi ihkam halik tepun Tuan nuk surga. aAjar barak Paulus ahkan paring ulun jok pocayak
2 Tuhit noh bodoa khavun ihkam alah bojaga-jagak noh tahtup bosukur noku Hotalak. 3 Bodoa noh kak ahkan kai, supayak Hotalak nongak jalan jok pios supayak ihkai touk ngesah Tarung Pios mongenai Kristus jok was pomokarah Hotalak ahkan tok. Kotului ngesah Tarung Pios erih noh ahkuk huntuh kongipos noku luvang ponjara. 4 Bodoa noh supayak ahkuk touk ngesah ah mbak jelas, kotului erih noh jok alah kuk nguai ah.
5 Bolum noh mbak horahtik nuk tohu-tohun ulun jok jaham pocayak mbak Yesus. Khavun hatiu ah noh waktu mbak pios, supayak ihkam touk marak ahkan doh mongenai Kristus. b 6 Ngindoi ihkam bokesah mbak ulun bohkon, inon jok pomarak mik erih alah noh nguan ulun ngandah khavun tamam konihai ah. Sohinggak ihkam taꞌai bohkolo mutah kisok ulun mbak hinut.
Salam tahkan jolahan Paulus jok hicok polayanan
7 Paring kesah mongenai ahkuk ahkan pomarak Tikhikus ahkan mik, iyok arok noh jolahan tok harik jok kongasih nuk luvang Tuhan. Iyok halik jolahak kuk korejak iyok sotia khavun ihkai hicok humbak molayan Tuhan. cd 8 Ahkuk nyuhuk iyok tulak noku ihkam, supayak ihkam taꞌai kesah mongenai ihkai khavun supayak iyok ngohibur ahtoi mik. 9 Homboh mbak iyok, ahkuk nyuhuk barih jok hicok kopocayak mbak ihtok, yok erih Onesimus jok kongasih tok. Onesimus sotia mbak Tuhan Yesus, iyok arok noh jomaat Kolose havoi mbak ihkam. Dorok ahkan marak ahkan mik paring aꞌang jok was torjadik nuk ohtoi. e
10 Aristarkhus motiang salam ahkan mik, kai korok havo-havoi pomonjara. Khavun Markus jok harik hicok tahtuk mbak Barnabas, iyok halik motiang salam kak ahkan mik. Ahkuk was motiang tanjik mongenai Markus, supayak ihkam norimak iyok mbak pios ngindoi iyok lombut noku ihkam. f 11 Salam kak tahkan Yustus jok ngarai bohkon iyok noh Yesus.g Tahkan paring ulun Yahudi jok was pocayak, idoh toluk kiyak jok jadik jolahak kuk ngesah Tarung Pios mongenai korajaan Hotalak. Idoh toluk noh jok nguan ahkuk ngandah.
12 Epapras motiang salam ahkan mik, iyok arok noh icok behtik tahkan holang ihkam nuk jomaat Kolose jok molayan Kristus. Iyok nulo bodoa ahkan mik. Iyok tuꞌuk-tuꞌuk nyavot mbak Hotalak supayak somakin borohon kopocayak mik, somakin horahtik luvang Kristus khavun tuꞌuk-tuꞌuk taꞌai mongenai paring kokanin Hotalak. h 13 Ahkuk bongok was nohtok ah bohkolo Epapras was korejak mahto-mahtoi ahkan mik khavun ahkan ulun-ulun pocayak jok arok nuk Laodikia khavun Hierapolis. 14 Lukas, dokter jok kongasih tok, iyok khavun Demas motiang salam ahkan mik. i
15 Nyapai ah noh salam kai ahkan dolang bari-basak tok jok pocayak nuk kota Laodikia. Salam kak ahkan Nimpa khavun dolang ulun pocayak jok sombayang nuk lohpo ah. 16 Ngindoi surat ihtuh was umbot ihkam ngomasak ah, mahkak motiang ah kak ahkan ulun-ulun pocayak jok arok nuk Laodikia. Supayak idoh halik ngomasak surat ihtuh. Khavun supayak ihkam halik touk ngomasak surat jok was pomotiang kuk ahkan doh. 17 Marak ah ahkan Arkhipus supayak iyok tuꞌuk-tuꞌuk ngumbot korejak jok was tonongak Tuhan ahkai ah. j
18 Salam tahkan ahkuk Paulus. Hatin longok kuk noh ahkuk nulih salam ihtuh. Nohouk ah ahkuk honong nuk luvang ponjara.
Kopion ahtoi Hotalak arok nuk holang ihkam.
Tahkan ahkuk Paulus