ङुजा पे दोष ना लावा
(लूका 6.37, 38, 41, 42)
7
1 ङुजा पे दोष ना लावा, ते तम्चे पे वी नरीकार दोष नी लागी । 2 aकांकि जिसे बेह्ले तम्ही दोष लावा वी; जुही तम्चे पे वी दोष लागी; ते जिसी नापी लारे तम्ही ङुजा वास्ते नापा वी, वेही नापी लारे तम्चे वास्ते नरीकार वी नापी ।3 “तू का आपणे भावा ची आंखी मां कख ङेखी वी, ते तनु आपणी आंखी चा गन्ढ़ाहा ना सुझी ? 4 जिसे बेह्ले दुधी ही आंखी मां गन्ढ़ाहा छै ते तू आपणे भावा नु किवें कहे सगी, ‘आ में दुधी आंखी महु कख काढ़े’ ? 5 ओ कपटी, पेहले तू आपणी आंखी मु ते गन्ढ़ाहा काढ़ती गे, बल्ति तू आपणे भावा ची आंखी मु कख आच्छी तरांऊ लारे काढ़ती गिहे ।”
6 पवित्र चिज कुता नु ना ङिहां, कङी इसड़े ना हो कि पलटती कने तम्हानु फाड़ती नाखो । ते आपणे मोती सुरा चे सामणे ना नाखा । इसड़े ना हो कि वानु आपणे पगा तले लताड़ती नाखो, ।
नरीकारा कनु मांगा ते तम्हानु मिली
(लूका11.9 -13)
7 “नरीकारा कनु मांगा ते तम्हानु ङिले जहि, सोधा ते तम्हानु लाभती जहि; खड़कावा ते तम्चे वास्ते खुलती जहि । 8 अगर जको कुई मांगे ओह्नु मिली, ते जको कुई सोधे वे, ओह्नु लाभे वे, ते जको खड़कावे वे, ओह्चे कले खोड़ले जहि ।
9 “तम्चे मु इसड़ा किसा ब़ा छै ? अगर ओह्चा पुत ओकनु रोटी मांगे, ते ओ ओह्नु पत्थर ङिऐ । 10 या ते माछली मांगे ते ओ ओह्नु नाग ङिऐ । 11 जिसे बेह्ले तम्ही बुरी हुती कने, आपणे ब़ाला नु आच्छीया चीजा नु ङे सगा, ते तम्चा स्वर्गीय ब़ा नरीकार आपणे मांगणे आला नु आच्छी चीज के वास्ते नी ङिही ? ।
12 bऐही वजह कनु जको तम्ही चावा कि बन्दी तम्चे लारे का करो, तम्ही वी वांह्चे लारे उसड़े ही करा कांकि व्यवस्था ते भविष्यवक्ता ची शिक्षा हाओ छै ।”
सुकड़े ते चोड़े फाटक
(लूका13.24)
13 सुकड़े दरवाजे कनु पार करा । कांकि जको चोड़ा छै, ओ फाटक आसान छै, ओ रस्ता जको नाशा सनु गेहती जाऐ, ते घणे सारै ओह्चे सनु जई । 14 कांकि सुकड़े छै, ऊं दरवाजे जको मुशिकल छै । ओ रस्ता जको जिन्दगी सनु गेहती जाऐ, ते थोड़ी छी जको ओह्नु सोधी ।
जिसड़े झाड़ ऊसड़े ही फल
(लूका 6.43,44)
15 “झुठे भविष्यवक्ता कनु सावधान रिहा, जिसे भेङा चे रुपा मां तम्चे गोढु आवी पर बादा मां वे, फाड़ने आले गिदड़ा जिसड़े छी । 16 वांह्चे फला लारे तम्ही वानु पिछाणती गिहा । का बन्दी झाड़ियां मु अंगुर, का जंगली पोधा मु अंजीर पटी वी ? 17 जुही हर हेक आच्छे पेंड आच्छे फल गेहती आवी, ते बुरे पेंड बुरे फल आणे । 18 आच्छे पेंड बुरा फल ना आण सगी, ते ना निकमे पेंड आच्छे फल गेहती आवे वै । 19 cजिसे – जिसे पेंड आच्छा फल ना आणी, ऊ बाढ़ती ते जाखते मां नाखले जहि । 20 dऐ वास्ते वांह्चे फला लारे तम्ही वानु पिछाणती गिहा ।
सच्चे ते कुड़े चेले
(लूका13.25-27)
21 “जिसे मुंह हे 'प्रभु, ! हे 'प्रभु, ! किही” वांह्चे मु हर हेक स्वर्ग चे राज मां नी जा सगी, पर ऊंही जको माऐ स्वर्गीय ब़ा ची मर्जी पे टुरी । 22 ओ ङियो घणी बन्दी मनु किहे, “हे – प्रभु हे – प्रभु का अम्ही दुधे नावां लारे भविष्यवाणी कोह्नी करली, का दुधे नावां लारे अम्ही शैताना नु कोह्नी काढ़ले, का दुधे नावां लारे अम्ही अचम्भे चे काम कोह्नी करले” ? 23 eबल्ति में वानु खुलती कने केहेती ङीही, ‘मैं तम्हानु कङी वी कोह्नी जाणले । ओ गंदे काम करने आले, माकनु दुर चाहले जवा ।’ ”
ङु घरा ची नीम
(लूका 6.47-49)
24 “ऐ वास्ते जको कुई माया ये बाता सुणती कने मने, ऊ औ समझदार बन्दे चे रोक हुवी जाणे आपणे घर चट्टान चे ऊपर बणाले ।
25 “ते मिही बरसला ते बाढ़ आली, पर घर कोह्नी ढे़ले, कांकि ओची नीम चट्टानी पे खोधली गेलती ।
26 पर जको कुई माई हा बात सुणे ते वांह्चे पे ना चली, ऊ औ नासमझ बन्दे चे रोक छै, जाणे आपणे घर बालू ची रेत पे बणाले । 27 ते मिही बरसला, ते बाढ़ आली, ते अन्धारिया चड़लिया, ते ओ घरा पे टकरा लागलिया ते ऊ घर ढे़हती ते सत्यानाश हुती गेले ।”
ईशु चा हक्क