Ʉlʉsekelo lwa mundʉ ʉngolofu
112
Muntuufyege ɄNTWA!Asajiigwe ʉjʉ ikʉntiila ɄNTWA,
ʉjʉ ikwikyela fiijo ʉkʉsikonga ɨndagɨlo syake.
2 Abaa ndʉjungu lwake aabikʉjaga na maka pakiisʉ,
abaana baa ngolofu aabikʉsajigwa fiijo.
3 Nnyumba syake bʉlimo ʉbʉkabi nɨ kyʉma,
ʉbʉgolofu bwake bwa bwila na bwila.
4 Ʉngolofu, ʉgwa kɨsa, ʉgwa ipyana nʉ mwelu,
ikʉmulɨkɨligwa nʉ lʉmuli mu ngiisi.
5 Asajiigwe ʉjʉ ikʉkopesya kʉ booloolo,
ʉjʉ ikʉbomba ɨmbombo syake kʉ bʉgolofu.
6 Ʉngolofu atikwisa kʉjʉngaanika sikʉ,
ʉjo ikwisa kʉkʉmbʉkigwa bwila na bwila.
7 Lɨnga ikʉpɨlɨka ɨnongwa ɨmbiibi, atikʉtiila,
ʉlwitɨko lwake lʉlɨ na maka, ikʉnsʉʉbɨla ɄNTWA.
8 Ɨndumbula jaake jiitotiike, atikʉtiila,
mpaka ababone abalʉgʉ baake bo batoliigwe.
9 Ʉmooloolo ikʉbatʉʉla abalondo,
ʉbʉgolofu bwake bwa bwila na bwila,a
ʉmundʉ ʉjo ikwɨmɨkigwa fiijo.
10 Ʉmundʉ ʉnniongafu ikʉsibona ɨsyo nʉ kʉkalala,
ikʉsyegetula amiino nɨ lyojo nʉ kʉsookapo,
ɨsi ikʉlonda ʉnniongafu sikʉfuba.