Eghitabhu no Omoona o Ngʼöndu
5
Nekamara nekamööhërëri,
mo‑kubhökö gho kwiro kwo wuure are ikeere mo‑ghetumbe ghe ghitëmi nekarighi eghitabhu.
Eghitabhu kiyo nkeere kyandëkuru chambaara chombe,
wiiki nkeere kibhöhuru ne emehuuri mohungate ghe nyaghame.
2 Wiiki nekarighi marayika uno anyi na changuru,
araraghani kwo riiraka ikoro,
arabhugha,
“N‑niwe arëngʼaaniire ghoghinaanura emehuuri ghino ghe nyaghame na kohunyura eghitabhu kino?”
3 Amare tabhönëkiri omooto wowoose iyo Mwishaaro,
koru mo‑se,
koru nyaari uno arëngʼaaniire ghokehunyura na ghoghisöma.
4 Mbe,
neghasëëma korera chwee,
gho kubha tabhönëkiri omooto wowoose uno arëngʼaaniire ghokehunyura koru ghoghisöma.
5 Niho umu o bhagharuka bhaare akamboorera akabhugha,
“Tigha korera!
Mööhi!
Aka e rwibhoro ro Yuuta,
a ino enyi orwibhoro orokoro ro mutëmi Tawuti,
nakindiri.
Iwe niwe akurëngʼaanera kunaanura emehuuri ghe nyaghame mohungate mo‑ghitabhu kiyo na ghokehunyura.”
6 Mbe,
haghuhe ne eghetumbe kiire ghe ghitëmi,
nekarighi Omoona o Ngʼöndu imeeriire.
Naare inaariiru ne ebhetyenyi bhiire bhine na abhagharuka bhaare miröngö ebhere na bhane.
꞉Naarighiibhu anga kinya asinchuru.
Naare na chahëmbë mohungate na amiisho mohungate.
Amiisho ghayo n‑Chaakörö mohungate che Ryobha chino cheere chetomuru mo‑se yoose.
7 Omoona o Ngʼöndu uyo aghaye,
akiimoki eghitabhu kiire koru mo‑kubhökö gho kwiro kwo uno are ikeere mo‑ghetumbe ghe ghitëmi.
8 Hano akiimokiri eghitabhu kiyo,
ebhetyenyi bhiire na abhagharuka bhaare bhaaghagho kebhuuma ambërë yaache.
Omooto woose naare ne eritingo na ebhetibha bhe sahaabhu bhiichwire ebheneeso.
Ebheneeso bhiyo nigho amasabhi gha bhatööbhiyu.
9 Bhakamwembera Omoona o Ngʼöndu omwembo omuhë uno ore orabhugha,
“Iye nokurëngʼaanera kwimoki eghitabhu kiyo,
na kunaanura emehuuri gheeche ghe nyaghame,
gho kubha iye ꞉noosinchuru.
Amasaahë ghaacho,
ghakareghorera Eryobha
abhaato bha matöngö ghoose,
na bha bhighambo bhyose,
na abhahiiri bhoose na chaase choose.
10 Iye ꞉noobhaköriri abhaato bhayo
bhabhe abhachaama mo‑bhutëmi bhoocho,
bharihökëri Eryobha,
mbakoyikangata ase ino.”
11 Mbe,
nekooghu na korighi wiiki,
bhamarayika bhaaru chwee,
ebheku ne ebheku,
koru omooto taaghotora kobhabhara.
Bhamarayika bhayo mbaare bhiinaariiri eghetumbe kiire ghe ghitëmi,
ne ebhetyenyi bhiire na abhagharuka bhaare.
12 Nekabhatëghëërëra bhareemba kwo riiraka,
bharabhugha,
“Omoona o Ngʼöndu uno asinchuru,
nakurëngʼaanera ghosongʼaana obhotoro,
no obhwame na amangʼiini.
Changuru,
na asooko,
no obhokumi obhokoro,
na aghongo m‑bhebheeche!”
13 Niho nekooghu ebhetyenyi bhyose iyo Mwishaaro,
na mo‑se,
na nyaari,
na mo‑nyancha bhereemba haghirohamu,
“Uyo ikeere mo‑ghetumbe ghe ghitëmi,
no Omoona o Ngʼöndu,
bhaghongibhu,
na bhasooku,
na bhabhe no obhokumi obhokoro no obhotoro
emiishe ne emiishe!”
14 Ebhetyenyi bhiire bhine bheghagharokeri bherabhugha,
“Hawubhaabha!”
Abhagharuka bhaare ibho bhaaghagho kebhuuma,
bhaghasëngëra Eryobha no Omoona o Ngʼöndu.