Obhohunyurëru 1

Obhohunyurëru

bho Yesu Kirisito kwo Yohana

Amaraghereri gha ghitabhu kino

Bhuno n‑obhohunyurëru bho Yesu . ꞉Naahaabhuru obhohunyurëru bhuno ne Eryobha, kubha abhëërëki abhatamishi bhaache amangʼana ghano ghakwëndëru korwera ghano matiko. Yesu woose aghatoma waache kurëëta obhohunyurëru bhuyo kwo mutamishi waache Yohana. 2 Yohana aghasiikëra amangʼana ghoose ghano ꞉arooche. Ghayo nigho Eryobha ꞉reesiikiire na Yesu Kirisito aghaghasiikërëra.

3 Ngʼoni abhaato bhano bhaghusömëra abhaghëndi bhaabho amangʼana gha bhurööti bhuyo. Eryobha ndekobhiitabheri bhano bhaghoghatëghëërëra na ghoghatambana ghano ghaandëkuru‑mu, gho kubha, eriibhagha re korwera kwo mangʼana ghayo ˆreghatingʼi.

Amakëërani

4 Eni Yohana ˆnekabhaandëkëra anyaarubha ino abhaghëndi bha Yesu bha makanisa mohungate ghano ghaanyi mo‑mukööwa o Asiya.

Nëköbhëëndëra aghareeya no omurëmbë, koru kwo Waryobha uno anyi‑ho, na korwera simoka naare‑ho, na naakubha‑ho, na koru gho Chaakörö mohungate chino cheenyi ambërë e ghetumbe ghe ghitëmi, 5 na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se.

Yesu niwe atosiighiri aghatusaasura koru mo‑masari ghiito gho nchëra e masaahë ghaache. 6 Natuköriri itu tubhe obhutëmi bho kubha torihökëri Eryobha, Ishe waache. Obhokumi obhokoro no obhotoro bhubhe kwo Yesu, emiishe ne emiishe. Hawubhaabha.

7 Mumööhi! Nakuucha mo‑mashaaro!

Abhaato bhoose mbakomorighi,

koru abhaato bhaare ꞉bhaamongʼuutiri eriitimo.

Amatöngö ghoose mo‑se ngakwihiinyërëra

gho ghiri yaache.

Hëënë, neekubha hangʼu. Hawubhaabha.

8 Omutëmi Waryobha nakobhugha kubha, “Eni neeni Simoka na Antenero, uno anyi‑ho, na korwera simoka naare‑ho na naakubha‑ho. Eni n‑Eryobha re Bhotoro Bhoose.”

Yohana ˆakarighi Kirisito mo‑marighi

9 Eni Yohana n‑omokumi omughëndi waanyu neenyi. Nighöötiine na niinyu ghoghumereri kunyaaka gho ghiri e Yesu Kirisito no obhutëmi bhooche. Neere nihööchëriiru mo‑gheghinga ke mo‑nyancha kino ghekobherekeru Bhaatimo. ꞉Niihööchëriiru iyo gho ghiri e kuraghani angʼana e Ryobha, na koruusi obhwibhateri ighoro e Yesu. 10 Orosiko ro Mutëmi Yesu, Akörö Ahörëëru ekanyiikera. Hayo hayo nekooghu anyuma yaane eriiraka ikoro kinya re ntaara. 11 Eriiraka riyo rekabhugha, “Andëka mo‑ghitabhu amangʼana ghoose ghano okorighi. Oramara otome eghitabhu kiyo mo‑makanisa ghano ghaanyi mo‑meghya mohungate. Emeghya ghiyo nighyo ghino, Ebheeso, na Simurina, na Bherighamo, na Tiyatira, na Sariti, na Bhirateribhiya, na Rawotikiya.”

12 Mbe, neghiishoorori kumööhi uno aghosiikëra na neeni, nekarighi ebheghiro mohungate bhe sahaabhu bhe ghotoorera‑mu ebhemore. 13 Ghateghate e bhemore bhiyo, nekarighi omooto kinya . Abheekiri andachana indë no oruköbha rughare runo ruköruru gho asahaabhu mo‑ghekubha. 14 Chanchweri cheeche ncheere cheero chayi, kinya amachööki meero, wiiki, kinya obhorobha. Amiisho ghaache ngaare ghararëngaari kinya orumëmi ro mororo. 15 Amaghoro ghaache ngaare ghararëngaari chwee kinya ashabha ino ꞉yeeghuru mo‑mororo. Eriiraka reeche ndeere kinya amanche maaru ghano ghaghughëri mo‑makörörömë. 16 Naare na chanchöta mohungate mo‑kubhökö gho kwiro. Ekinyamiino ekyeghi, nkeere keraru mo‑monu waache. Obhosho bhooche mboore bhorarëngaari kinya omu omororo.

17 Hano nemorooche, neghagho mo‑maghoro ghaache kinya nekuure. Amare aghantoorera okubhökö kooche gho kwiro ighoro yaane, akamboorera akabhugha, “Otatiina! Eni neeni o Mumbërë no o Ntenero. 18 Eni neeni obhuhöru! Neere nekuure amare ibheere, umööhi, muhöru neenyi koru emiishe ne emiishe! Wiiki eni neenyi na chahunguru che roko na .

19 “Ibheere andëka amangʼana ghano orooche, ghano ghaghuköru ibheere, na ghano ghakuucha ghuköru eriibhagha rino re kuucha. 20 ꞉Noorooche chanchöta mohungate mo‑kubhökö koone gho kwiro, ne ebheghiro bhe sahaabhu bhe ghotoorera‑mu ebhemore. Nekweghi ebheteemoro bhe bhebhisere bhino. Ebheghiro mohungate bhe sahaabhu bhe ghotoorera‑mu ebhemore, n‑amakanisa ghaare mohungate, na chanchöta mohungate m‑bhamarayika bhaabho.”