Ghochonga abhaato bha Ryobha
5
Ibheere neghosiikëra na niinyu abhagharuka bha riikanisa.
Eni n‑omugharuka mughëndi waanyu neenyi,
na nerooche kwo miisho ghaane bhuno Kirisito anyaakiru.
Wiiki,
eni neghusanga na niinyu mo‑bhokumi obhokoro bhuno ˆbhoghatingʼi korighibhu.
Gho ghayo ˆnekabhasasaama inyu,
2 morechonge erikinda re Ryobha rino muhaabhuru.
Wiiki morechonge kinya bhuno Eryobha rekwënda,
taanyi gho kuhaamereru,
amare gho kwënda koonyu inyu bheene.
Motaköra emeremo gheenyu gho ghwighomba chambiiri,
amare mubhe no omukörö o ghwiköngʼi.
3 Motabha abhariishi abhahaari kwo bhano moghukangata,
amare mo‑riimanya reenyu,
mubhe eghetuubhaani ghichömu ghokoobho.
4 Hano Omoriishi Omokoro o riikanisaa akuucha korighibhu haheero,
nakobhatuha chaatuho che bhokumi obhokoro.
Chaatuho chiyo chetaakobhusha naabha.
5 Bhuure bhuure na niinyu abhabhureni,
mokwëndëru mobhasooke abhagharuka bha riikanisa.
Na niinyu bhoose mubhe abhaato abhanyööhu na mubhe moratoorani.
Mukörë hangʼu,
gho kubha Amandëkö Amatööbhiyu ngakobhugha,
“Bhano bhakwihacha,
Eryobha ndehaabhaanga,
amare abhanyööhu,
ndehaabhaha aghareeya.”b
6 Mbe,
mubhe moritoora haase e bhotoro bho Ryobha,
naryo ndekobhatiiri eriibhagha reeche rerahika.
7 Moretighere Eryobha ahaho yaanyu yoose,
gho kubha ndekobhatereera chwee.
Kwanga Erishambu gho ghokumi Eryobha
8 Mwikabhaahe,
wiiki mubhe miisho eriibhagha ryose,
gho kubha omobhisa waanyu,
Erishambu,
ndehaghëndaghënda kinya aka ino eghwitima eratabhara omooto emure.
9 Mbe,
moryange Erishambu gho kwimeerera muköngʼiiri gho komokumi Waryobha.
Mumënyë kubha,
abhakumi abhaghëndi bhaanyu mo‑se yoose,
mbakunyaaka kinya inyu.
10 Eryobha rino reenyi na aghareeya yoose,
ndebhabherekiire ghusanga obhokumi bhooche obhokoro bho miishe ghyose,
gho ghughöötana na Kirisito.
Amare moramara kunyaaka kwo riibhagha ighuhe,
iryo eryene ndekobhaköngʼi,
ndekobhaha changuru,
na kobhaköngʼëërëri.
11 Eryobha ribhe no obhotoro emiishe ghyose!
Hawubhaabha.
Amangʼana gha kuragha
12 ˆNekabhaandëkëra anyaarubha ino inguhe,
kwo bhotoorereri bho Sirwano.
c Eni nyeeche bhoheene kubha,
n‑omokumi omuhëënë.
Kino nekwënda,
n‑kobhatoora omukörö na kobhahëënëhëri kubha amangʼana ghano mahëënë n‑aghareeya e Ryobha.
Kurëngʼaana na aghareeya iyo,
mwimeerere muköngʼiiri!
13 Abhakumi bha riikanisa rino reenyi Bhabheeri,
d abhaahöru abhaghëndi bhaanyu,
mbakobhakëëri.
Na Maariko woose,
omoona waane mo‑bhokumi,
nakobhakëëri.
14 Mukëërani kwo bhosiighani bho Kirisito.
Abhakumi bha Kirisito,
omurëmbë ubhe na niinyu bhoose.