4
Inyu abhatëmi,
mobhakörërë abhasësë bhaanyu kwo bhuhëënë na ghano gharëngʼaaniire,
mubhe morahiita kubha inyu bhoose moonyi no Omutëmi Mwishaaro.
Amëërëkërëri na amasabhi gha Bhawuro
2 Mubhe morasabha chaasiko choose,
mughanye na koriitabheri Eryobha.
3 Motusabhere na niitu kubha Eryobha retukörërë anchëra e kuraghani angʼana yaache,
na ghosiikëra amangʼana ighoro e Kirisito ghano ꞉ghaare mo‑kebhisere.
Eni nibhöhuru gho ghiri e kuraghani amangʼana ghayo.
4 Mubhe morasabha kubha nibhe na changuru che kuraghani haheero kinya ekwëndëru ghosiikëra.
5 Mubhe na amangʼiini mo‑bhoghwani bhoonyu na abhaato bhano bhataamara bhamokumi Yesu,
wiiki muhökëri eriibhagha reenyu bhoheene.a
6 Eriibhagha ryose amangʼana ghaanyu ghabhe amachömu na gha ghotegheri,
kubha mumënyë komugharokeri bhoheene omooto woose.
Amangʼana gha kuragha
7 Omohiiri wiito omosiighani Tikiko,
nakobhaha amangʼana ghaane ghoose.
Iwe n‑omutamishi omuhëënë uno tokuhöki haghirohamu nawe emeremo ghe Mutëmi Yesu.
8 ˆNekamotoma bhowaanyu,
kubha abhahë amangʼana ghiito na ghuköngʼi emetema gheenyu.
9 Nakuucha haghirohamu na Oneesimo,
mohiiri wiito omosiighani omuhëënë,
uno n‑omooto o bhowaanyu.
Mbakobhaha ghoose ghano ghaghuköru hano bhowiito.
10 Arisitaariko,
uno abhöhuru haghirohamu na neeni,
nakobhakëëri.
Maariko woose,
omohiiri o Bharinaabha nakobhakëëri.
Mosongʼaaniri amëërëkërëri ighoro yaache.
Hano akohika bhowaanyu momughënëhi bhoheene.
11 Yesub woose uno akobherekeru Yusito,
nakobhakëëri.
Mo‑Bhayahuuti bhano bhamokumiri Kirisito,
m‑bhano abheene nibho bhaghuköra emeremo ghe bhutëmi bho Ryobha haghirohamu na neeni.
Ibho mbangambisiini chwee.
12 Ebhaabhura,
omutamishi o Yesu Kirisito,
no omooto o bhowaanyu,
nakobhakëëri.
Eriibhagha ryaru naghwiköngʼi kobhasabhera inyu kubha muköngʼëri,
na muköngʼë mo‑chaakörö na kubha bhasubhesubhe gho ghoose ghano Eryobha rekwënda.
13 Nekomughambera kubha,
naghuköra emeremo gho ghwiköngʼi gho ghiri yaanyu na mo‑bhaato bha meghya ghe Rawotikiya na Hiherabhoori.
14 Ruuka omughabho wiito omosiighani,
na Tema mbakobhakëëri.
15 Mobhakëëri abhahiiri bhiito mo‑bhokumi bha Rawotikiya.
Wiiki momukëëri Nimubha omosubhaati wiito,
ne eriikanisa rino rehaatëmëëranera mo‑nyumba yaache.
16 Mbe,
moramara ghusöma anyaarubha ino bhowaanyu,
mutabhare anchëra yoyoose yiire,
moyehiki mo‑riikanisa re Rawotikiya ryose reyisömë.
Inyu bhoose mutabhare anchëra e ghusöma anyaarubha ino nebhatomiire ibho.
17 Momobhoorere Arikibho kubha,
ahiki bhoheene emeremo ghino Omutëmi amoheere.
18 Eni Bhawuro nabhaandëkiire amakëërani ghano gho kubhökö koone eni mwene.
Mohiite kubha nibhöhuru mwighërëcha.
Aghareeya e Ryobha ibhe haghirohamu na niinyu.