Kwegha obhunyööhu bho Yesu Kirisito
2
Mbe,
erabha motooruru omukörö kubha inyu na abhaato bha Kirisito moonyi,
erabha wiiki moghughambisanu no obhosiighi bhooche,
wiiki erabha moonyi no obhughöötani na Akörö Ahörëëru,
ne erabha wiiki mosiighiru na korigheru changori na Kirisito,
2 mbe,
mohikeerani ghuchömëru koone,
gho kubha no obhoghwani no obhosiighi inyu abheene kwi inyu bheene.
Wiiki mubhe no obhumu mo‑metema gheenyu na mubhe na angʼana imu.
3 Motaköra angʼana yoyoose gho körö e kuhakaana koru gho kwihacha.
Amare mubhe no obhunyööhu na kobhabhara abhande kubha ngʼoni ghokera inyu bheene.
4 Omooto woose atiheeebhera amangʼana ghaache omwene,
amare wiiki ihëëbhërë amangʼana gha bhande.
5 Amënda ghaanyu ghabhe ghaare ghaare are nagho Kirisito Yesu.
6 Nangabha iwe naare arëngʼiine ne Eryobha,
akarighi taanyi bhoheene asaaghe aghöötëriire riyo.
7 Iwe ꞉naatighiri ghayo ghoose,
aghitoora haase,
akabha kinya omusësë,
akiibhoru gho ghisösö ke mooto,
akarighibhu kinya omooto.
8 Hano are kinya omooto,
꞉niinyööhiri,
akaresooka Eryobha,
aghiishereri ghoku,
koru ghoku mo‑musarabha!
9 Gho ghayo,
Eryobha rekamotiiri Yesu ighoro
ghokera ebheghiro bhyose,
rekamuha eriina ikoro ghokera amariina ghoose,a
10 kubha gho sooko e riina re Yesu,
ebheghiro bhyose bhino ꞉bhiitëëmuru,
bhebhune ebheru ghokooche,
bhibhe bhe Mwishaaro,
na bhe mo‑se na bhe nyaari.
11 Wiiki omooto woose ishereri kubha,
yesu kirisito n‑omutëmi,
b
kwo bhokumi obhokoro, bho Waryobha Taata wiito.
Abhakumi bhabhe kinya obhwero mo‑se
12 Mbe,
abhasiighani bhaane,
hano neere bhowaanyu,
moore moraresooka Eryobha chaasiko choose.
Hangʼu hangʼu,
koru ibheere hano neenyi kurë na niinyu mwiköngʼi ghuköra ghano gharëngʼaaniire mo‑bhaato bhano bhatooriibhu ne Eryobha.
Mukörë ghayo gho ghosingisa kuno ghokorwera gho koretiina Eryobha.
13 Mbe,
mukörë hangʼu gho kubha Eryobha niryo reghuköra emeremo moose yaanyu,
kubha mosiighe na ghuköra amangʼana ghano resiighiri ghaköru.
14 Amangʼana ghoose ghano moghuköra,
moghakörë motaanyi ne erihakaana koru kwirereeri.
15 Gho ghayo,
mubhe abhaana bha Ryobha bhano bhaghörörökiri na bhataanyi ni isörö.
Wiiki mubhe abhaato bhano bhataaghughambu kobhe ghateghate e bhaato bhi ibheere bhano bhiichwire amabhe no obhuröngö.
Ghateghate e bhaato bhayo,
inyu morighibhu kinya emirëngaari ghino ghe kurëngaari mo‑se.
16 Wiiki mobharaghaneri abhaato bhakumi Angʼana e Kirisito ino ekobhaha obhuhöru bho miishe ghyose.
Mukörë hangʼu kubha nibhönë ghe kwihachera mo‑rosiko ruure Kirisito aghugharuka gho kubha emeremo ghino ꞉niiköngʼiri ghuköra ghateghate yaanyu ghetaare ghe bhoowa.
17 Koru erabha obhuhöru bhoone bhoraruusibhu kinya amaruusi gha kunywebhu,
c haghirohamu no obhokumi bhoonyu bhuno bhoghuköru amaruusi ambërë e Ryobha,
eni neghuchömëru,
oghuchömëru kuyo ngoghusanga haghirohamu na niinyu bhoose.
18 Na niinyu hangʼu hangʼu muchömëru,
wiiki muchaghane haghirohamu na neeni.
Ghotomu gho Timotewo na Ebhabhurotiito
19 Omutëmi Yesu arasiigha,
neghwitëngʼëra komotoma Timotewo ghano matiko,
ache bhowaanyu,
kubha hano aghugharuka ino,
na neeni netooru omukörö hano akubha araaha amangʼana ghaanyu.
20 Nteenyi no omooto wonde uno akobhatereera inyu kwo bhuhëënë kinya Timotewo.
21 Abhande bhoose mbaghotereera amangʼana ghaabho agheene,
bhataaghotereera ghuköra ghano Kirisito Yesu akwënda.
22 Amare mweche kinya Timotewo ꞉iyëërëkiini kubha m‑mooto muchömu.
Nahökiri na neeni mo‑meremo ghe kuraghani Angʼana Anchömu,
kinya omoona ni ishe.
23 Gho ghayo,
neghwitëngʼëra kubha,
nekomotoma bhowaanyu bhwango,
hano nekumënya amangʼana ghaane bhuyo ghaakubha hano.
24 Wiiki neghwitëngʼëra kubha Omutëmi Yesu nakonyisherereri niiche bhowaanyu ghano matiko.
25 Ibheere nerighi m‑bhoheene komotoma bhowaanyu omokumi mughëndi waane Ebhabhurotiito,
omuhöki o meremo ghe Ryobha haghirohamu na neeni,
no omoshirikare mughëndi waane gho kuröönëra Angʼana Anchömu.
Wiiki niwe ꞉mootomiri ghokoone ghontoori na kunyaakera mo‑bheghiro bhino ꞉neesuuhiiru.
26 ˆNekamwisherereri ache gho kubha,
iwe naanyi na amiigha gha korighani na niinyu bhoose,
wiiki omotema waache witumatiri,
gho kubha ꞉mooghwire amangʼana kubha,
naare mubhabharu.
27 Mahëënë naare mubhabharu,
n‑omoko are.
Amare Eryobha ndemorochiire changori,
rekamuhöri.
Taanyi kubha Eryobha ndeere na changori ghokooche omwene,
amare ndeere na changori koru ghokoone,
kubha netiitumata bhobhe.
28 Gho ghayo,
nichömiiru chwee komotoma ache bhowaanyu,
kubha hano mokomorighi,
muchömëru,
wiiki no omotema waane uhörëërë.
29 Momoturungʼanere gho ghuchömëru chwee,
kinya omokumi mughëndi waanyu.
Omooto wowoose uno anga kinya iwe,
nekwëndëru momosooke,
30 gho kubha ꞉naatingʼiri ghoku gho ghiri e meremo ghe Kirisito.
Wiiki ꞉naatingʼiri kwirëëtëra atabhaaribhaari mo‑bhuhöru bhooche kubha ahiki obhotoorereri bhuno inyu motaatoriri kobhohiki ghokoone gho kubha n‑kurë neere na niinyu.