Yoona ˆakamusabha Omutëmi Waryobha
2
Hano Yoona are mo‑nda e su iyo, akamusabha Omutëmi Waryobha waache arabhugha,2 “Hano neere mo‑nyaako, ꞉neeghusabhiri iye Omutëmi Waryobha waane, oghantoori.
Hano neere haghuhe ghoku, nekoreriire iye, okanyoghwera.
3 ꞉Nuundëkiire ghateghate e nyancha, obhukama bhuhaari bhokanyinaareri,
emekunda mekoro ghekaheta ighoro yaane.
4 Nekamënya kubha, nuntëërë netabha haghuhe na niiye,
koru hangʼu nekoryërëkëra wiiki Erisëngërö reecho Eritööbhiyu.
5 Amanche ꞉ngaanyiinaariiri, na anyancha ekaameri, neghasirera‑mu!
Ebhinënti bhe mo‑manche bheghankundekeri a‑mutu.
6 Nkiimeri haase, mbagha mo‑matina gha bheghoro, mo‑se ino ebhisëku bheeche bhigheere emiishe ghyose.
Amare Oo Omutëmi Waryobha waane, nontiiriri neenyi muhöru koru mo‑roko.
7 Hano akörö yaane ere ereenda kondu, ꞉neeghusabhiri iye Omutëmi Waryobha waane.
Na amasabhi ghaane ghaghakohikera Ahatööbhiyu haacho.
8 Abhaato bhano bhaghusëngëra chasanaamu che misambu mbakorumeeri aghareeya yaacho ghokoobho.
9 Amare eni neekubha nerakwembera emyembo ghe ghoghutöghösi
na neekubha nerakoruuseri amaruusi.
Wiiki nekorehikeerani eriiraheri reene,
gho kubha Omutëmi Waryobha, obhotoori mbookoru ghokoocho.”
10 Akamara, Omutëmi Waryobha akahatëka asu iyo, emoroke Yoona amwambuko mo‑se ayoomu, yoose eghaköra hangʼu.