Eghitabhu ke Yoona
Obhukangati bho ghitabhu
Yoona naare murööti o koru mo‑moghya o Ghaati‑hebheri o iyo Isiraeri. Iwe mwërëëti o Amitaayi are o ritöngö rino reere rerabherekeru Sabhurooni. Iwe naare‑ho eriibhagha rino Yerobhowaamu o kabhere are omutëmi o se e Isiraeri e masaabha (2 Abhatëmi 14:25). Kwo riibhagha irë, ase e Asiiriya neere no obhobhisa na ase e Isiraeri e masaabha. Niho, Eryobha rekamotoma Yoona ghuye mo‑moghya omokoro o mo‑se e Asiiriya, uno ore orabherekeru Ninaawi. Abhaato bha moghya uyo mbaare bha masari, Yoona aghatomu ghuye kobhashaangʼi. Eghitabhu kino ngeghotweghi kubha amiitabheri gha Ryobha n‑kwo matöngö ghoose. Wiiki ngeghotweghi kubha, angʼana ino Eryobha ryëndiri teeghotora kuhööchërëru na mooto. Ekimbërë Yoona akaanga Angʼana e Ryobha, amare antenero aghatomu, aghaye na ghuköra kinya Eryobha reere rërëënda. Hano are iyo, Yoona aghakararibhu chwee, gho kubha Eryobha ndebhaghweriire bheghongi abhaato bha Ninaawi bhano ꞉bhaare abhabhisa bha se e Isiraeri.
Amëërëkërëri ighoro ekingʼöchö ghe nchöta *
Hano okubha orasöma nooghotora korighi kubha, mo‑mangʼana aghamu nkeenyi‑ho ekingʼöchö ghesuuhu ghe nchöta kenga kino *. Ekingʼöchö kiyo ngekwërëki kubha, umööhi haase mo‑mandëkö ghano oghusöma nokubhöna amëërëkërëri ghaghoghusakeri kumënya ahaghiro hayo bhoheene.