13
Niho Abhuramu akaru Miisiri,
haghirohamu na mukaache,
ne ebheghiro bheeche bhyose bhino are nabhyo na Rooti woose aghaye nabho.
Bhaghagharuka wiiki eribhaara re Neghebhu.
Abhuramu na Rooti ˆbhaghataana
2 Kwo riibhagha riyo,
Abhuramu naare mwame chwee o chaatugho,
no o bhikörë bhe chasahaabhu na bhe chambiiri.
3 Niho akaru Neghebhu,
akabha araghe gho ghusaamasaama mbagha mo‑moghya o Bheteeri.
Akahika ahaghiro hano are abhëkiri eriibhuru reeche ekimbërë,
ghateghate e Bheteeri na Ayi.
4 Hayo niho ꞉haare a hambërë komwabhëkëra Omutëmi ahaghiro ha koruuseri amaruusi.
Hayo wiiki akamusëngëra Omutëmi Waryobha.
5 Mbe,
Rooti uno are araghëndani na Abhuramu,
woose naare ne erikinda ikoro chwee re changʼöndu,
chambërëtë na changʼömbë,
wiiki naare na amabhuru maaru.
6 Omubharo o chaatugho cheebho,
noore mwaru chwee,
koru ase yiire e Kanaani tiishiri kwo Abhuramu na Rooti ghwikara haghirohamu.
7 Hakarwera eriihë ghate e bhariishi bha Abhuramu na bha Rooti,
gho kubha ase iyo neghutehiri gho ghwisangerani na Abhakanaani na Abhabhereesi abhiikari bha mo‑se iyo.
8 Mbe,
Abhuramu akamobhoorera Rooti akabhugha,
“Itu m‑bhamu toonyi!
Wiiki tekurëngʼaanera tubhe no obhutamani ghate yiito,
koru na abhariishi bhiito.
9 Mööhi ase ino yoose ambërë yaacho kinya enyi ingare.
Ntutaane!
Aribha oraghe eribhaara re kumosi,
eni neeghuye okwiro.
Aribha oghuye eribhaara re kwiro,
eni neeghuye okumösi.”
10 Rooti akamööhi chambaara choose.
Akarighi ömöörö o mo‑ghitaaro ke Yorotaani,
akarighi kubha haanyi na amanche gha ghwisha,
kinya ekinyaweera ke Mutëmi Waryobha kino keere kerabherekeru Eteeni,
na kinya ase e Miisiri,
eribhaara re mo‑moghya o Sowaari.
(Amangʼana ghano,
꞉ngaarweriire hano Omutëmi are akeere ghosireekereri emeghya ghe Sotoma na Ghomora.)
11 Niho Rooti akiyaahurera ömöörö woose o mo‑rooche ro Yorotaani,
akëërëkëra eribhaara re roghoro.
Hangʼu niho Abhuramu na Rooti ꞉bhaataaniri.
12 Abhuramu aghasaagha mo‑se e Kanaani.
Amare Rooti iwe aghaye kumanya haghuhe ne emeghya ghe mo‑möörö,
aghatoora amabhuru ghaache haghuhe no omoghya o Sotoma.
13 Abhaato bha iyo Sotoma mbaare bhabhe chwee,
mbaare bharaköra amabhe chwee ighoro e Mutëmi Waryobha.
14 Hano Rooti ataaniri na Abhuramu,
Omutëmi Waryobha akamobhoorera Abhuramu akabhugha,
“Ibheere ghëgha amiisho ghaacho,
umööhi chambaara choose.
15 Ase iyo yoose ino okorighi,
neghokuha,
iye no orwibhoro roocho ibhe eyaanyu emiishe ghyose.
16 No orwibhoro roocho,
nekoruköra rubhe rwaru chwee kinya orotu ro se.
Aribha anyi‑ho omooto wowoose aghotora kubhara orotu ruyo mbe,
orwibhoro roocho ndokubharu.
17 Mbe,
ibheere bhooka ughëndë ohetere chambaara choose che se ino,
gho kubha ino yoose,
neghokuha iye!”
18 Niho Abhuramu akamambura amabhuru ghaache,
aghaye kumanya mo‑se e Hebhurooni,
haghuhe ne emete emekoro ghino ꞉bhaare bharasëngërëra iyo Maamure.
Hano ahikiri iyo,
akamwabhëkëra Omutëmi Waryobha ahaghiro ha koruuseri amaruusi.