Omutëmi Waryobha ˆakamobherekera Abhuramu
12
Orosiko rumu,
Omutëmi Waryobha akamobhoorera Abhuramu akabhugha,
“Nooru mo‑se yaacho.
Otighe abhahiiri bhaacho no orwibhoro rwi iso,
ughëndë mo‑se ino neghokwërëki.
2 Neghoghuköra ubhe omwibhori o ritöngö ikoro chwee,
na neghoghwitabheri!
Nekorekori eriina reecho,
na niiye nookubha orubhango kwo bhaato abhande.
3 Nekobhiitabheri bhano bhaghoghwitabheri,
na abhaato bhano bhaghokwihiima,
eni woose nekobhiihiima.
Gho kohetera ghokoocho,
nekobhiitabheri abhaato bha amatöngö ghoose gha mo‑se!”
4 Niho,
Abhuramu akaru mo‑se e Haraani,
aghaye Kanaani,
kinya Omutëmi Waryobha are amwërëkëriiri,
na Rooti omoona o ömööbhö,
woose bhakahinana nawe.
Kwo riibhagha riyo,
Abhuramu naare ne emeeka miröngö mohungate ne etaano.
5 Abhuramu akamwimoki Saraayi mukaache,
na Rooti omoona o ömööbhö,
na abhatamishi bhano are abhwine iyo Haraani,
haghirohamu ne ebheghiro bheebho bhyose bhino ꞉bhaabhwine iyo.
Niho bhakëëndërëra no orughëndö mbagha bhakahika Kanaani.
6 Hano bhasöhiri Kanaani,
Abhuramu na abhaato bhaache bhaghaati ghateghate mo‑se e Kanaani,
mbagha bhakahika mo‑mote omokoro uno ꞉bhaare bharasëngërëra iyo Moore,
haghuhe no omoghya o Shekeemu.
Kwo riibhagha riyo,
Abhakanaani nibho ꞉bhaare abhiikari bha mo‑se iyo.
7 Niho Omutëmi Waryobha akamorwera Abhuramu,
akamobhoorera akabhugha,
“Ase ino,
nekobhaha orwibhoro roocho.”
Abhuramu,
hano oghwire hangʼu,
akamwabhëkëra hayo ahaghiro ha koruuseri amaruusi,
gho kubha Omutëmi ꞉naamorweriire‑ho.
8 Niho Abhuramu akaru hayo,
akëërëkëra mo‑bheghoro bhino bheenyi eribhaara re roghoro re Bheteeri.
Aghatoora hayo eriibhuru reeche,
ghate e moghya o Bheteeri,
eribhaara re bhonyaacha,
no omoghya o Ayi,
eribhaara re roghoro.
Hayo wiiki akamwabhëkëra Omutëmi Waryobha ahaghiro ha koruuseri amaruusi,
na komusëngëra.
9 Akamara Abhuramu akabha araköra orughëndö na abhaato bhaache gho ghusaamasaama mbagha akahika eribhaara re Neghebhu.a
Abhuramu mo‑se e Miisiri
10 Kwo riibhagha riyo mo‑se iyo e Kanaani,
ekarwera‑ho aghëëcha ihaari chwee.
Niho Abhuramu aghaghööta anchëra e kohiringitera mo‑se e Miisiri,
kubha aghi ghwikara iyo kwo riibhagha.
11 Hano are ˆaghatingʼi ghusöha Miisiri,
akamobhoorera mukaache Saraayi akabhugha,
“Nyeeche kubha,
iye m‑moghiikoro mumangi chwee onyi!
12 Abhamiisiri bharaacha ghokorighi,
mbakobhugha,
‘Uno m‑kaache.’
Gho ghayo,
mbakoonyita,
amare iye mbaghokwimoki onyi muhöru.
13 Ibheere ˆneghaghusasaama uche obhabhoorere kubha iye n‑omwito onyi,
kubha bhankörërë amachömu bhataanyita gho ghiri yaacho.”
14 Mbe,
Abhuramu na Saraayi hano ꞉bhaahikiri Miisiri,
abhiikari bha hayo bhakamorighi Saraayi kubha m‑mukari mumangi chwee.
15 Abhakangati bha mo‑moghya o Bharaawob hano bhamorooche,
bhaaghaye komoghongi o‑Bharaawo.
Niho Bharaawo akahatëka kubha bhaghi bhamurëëtë.
Mbe,
Saraayi akahiru mo‑nyumba e Bharaawo kubha abhe mukaache.
16 Ibheere gho ghiri e Saraayi,
omutëmi akamukörëra Abhuramu amangʼana machömu chwee.
Akamuha changʼöndu,
na changʼömbë,
chaatikere,
changamiya,
na abhatamishi bha ghesubhe na bha ghikari.
17 Hano ahiruru o‑Bharaawo,
Omutëmi Waryobha akamunyaaki Bharaawo chwee kwo mabhabharu gha ghwakeri,
haghirohamu na abhaato bhoose bha mo‑nyumba yaache e ghitëmi gho ghiri e Saraayi muka Abhuramu.
18 Niho,
Bharaawo akamobherekera Abhuramu akamobhoori,
“Kana woori!
Neke kino unköriire?
Ngwake otatobhooriire kubha Saraayi m‑kaacho?
19 Ngwake ꞉otobhooriire kubha iwe n‑ömöönyu,
koru nekamwimoki abhe mukaane?
Ibheere mukaacho kauno,
omwimoki oghi nawe awaacho!”
20 Akamara Bharaawo akabhahatëka abhaato bhaache bhamuhërëëkërërë Abhuramu aru hayo,
haghirohamu na mukaache ne ebheghiro bheeche bhyose.