Eryobha ˆreghaköra eriiraghano na Nuhu
9
Niho,
Eryobha rekamwitabheri Nuhu na abhaana bhaache,
rekabhabhoorera rekabhugha,
“Mwibhore,
na mwaruhe,
na mwichori ase.
2 Chatyenyi choose che mo‑se,
ebhinyönyi,
chaasu choose che mo‑nyancha na bhino bhekwingʼuurera chanda haase,
nchekobhatiina,
gho kubha nechetooriri mo‑mabhökö ghaanyu.
3 Ibheere chatyenyi choose ncheekubha ekiinyakurë keenyu.
ˆNekabhaha ebheghiro bhyose,
kinya neere nebhaheere chaanyi.
4 Amare motasaki kurë anyama e tyenyi ino itasinchiri,
na amasaahë ghwitëka,
gho kubha obhuhöru bho tyenyi mo‑masaahë bhoonyi.
5 Nëghöghëënda amasaahë koru mo‑mooto woose uno aghwita mughëndi waache.
Mahëënë nëghöghëënda amasaahë koru gho tyenyi yoose na mo‑mooto woose uno aghwita amasaahë gha mooto,
6 gho kubha eni ꞉niitëëmiri abhaato gho ghisösö keene.
Mbe,
omooto wowoose ariita amasaahë gha mooto,
woose amasaahë ghaache ngaghwitu no omooto.
7 Mbe,
inyu ibheere,
mwibhore,
na mwaruhe na mwichori ase,
mubhe bhaaru chwee.”
8 Rekamara Eryobha rekamobhoorera Nuhu na abhaana bhaache rekabhugha,
9 “Muntëghëërërë!
Eni ˆneghaköra eriiraghano na niinyu no orwibhoro roonyu runo rokuucha,
10 ne ebhetyenyi bhyose bhino bheenyi no obhuhöru,
ne ebhinyönyi,
na chaatugho na ebhetyenyi bhe mwiteregho,
bhino bheruure haghirohamu na niinyu mo‑safina.
11 ˆNekahëënëhi eriiraghano reene na niinyu kubha,
nteghosoreekereri wiiki ebhetyenyi bhyose gho ghwichoreru kwo amanche.
Ghotaakubha‑ho wiiki oghwichoreru kwo manche maaru ghano ghaghosireekereri ase.”
12 Mbe,
rekamara Eryobha rekabhugha,
“Kino nikyo ekyërëkërëri ke riiraghano rino neghuköra ghate yaane na niinyu,
na atyenyi yoose ahöru ino enyi haghirohamu na niinyu.
Eriiraghano rino ndekubha‑ho gho chanyiibhoro choose chino chekuucha.
13 Netooriri eriita reene re bhaasi Mwishaaro,
iryo ndeekubha ekyërëkërëri ke riiraghano ghate yaane ne ebhetyenyi bhyose mo‑se.
14 Hano nekurëëta amashaaro mo‑se,
ne eriita re bhaasi rerarighibhu mo‑mashaaro,
15 eni nekorehiita eriiraghano reene rino netooriri ghate yaane na niinyu ne ebhetyenyi bhyose bhino bheenyi no obhuhöru.
Oghwichoreru kwo amanche ghotakuucha wiiki ghosireekereri bhyose bhino bheenyi no obhuhöru.
16 Mbe,
hano eriita re bhaasi riyo rekorighibhu mo‑mashaaro,
niho na neeni nekorehiita eriiraghano re miishe ghyose rino reenyi ghate yaane ne ebhetyenyi bhino bheenyi no obhuhöru bhe manga ghoose mo‑se.”
17 Niho Eryobha rekamobhoorera Nuhu rekabhugha,
“Kiyo nikyo ekyërëkërëri ke riiraghano rino netooriri ghate yaane ne ebhetyenyi bhyose bhino bheenyi no obhuhöru mo‑se.”
Abhaana bha Nuhu
18 Abhaana bha Nuhu bhano bharuure mo‑safina n‑Sheemu,
na Haamu na Yabheeti.
Haamu niwe are ishe Kanaani.
19 Abhaana bhayo bhatato nibho ꞉bhaare abhaana bha Nuhu,
na ase eghiichora abhaato korwera mo‑rwibhoro ro bhaana bhayo.
20 Nuhu naare omoremi,
niwe abheere o mumbërë kwemi emisabhiibhu.
21 Orosiko rumu,
akanyo adivaayi,
akareewu,
akamisi kingʼaabhi mwibhuru reeche.
22 Haamu,
ishe Kanaani,
akarighi ekingʼaabhi ghi ishe,
akahoroka anche,
aghaye kobhabhoorera bhaömööbhö Sheemu na Yabheeti.
23 Niho Sheemu na Yabheeti bhaghasambeka angibho,
bhaaghaye kehutatiri,
bhakamokundekeri ishe,
ino amiisho ghaabho gharamööhi rubhareka kubha bhatarighi ekingʼaabhi ghi ishe.
“Kanaani niiihiimuru!
Naakubha omusësë o bhatamishi bha bhahiiri bhaache.”
26 Nuhu akëëndërëra kobhugha kubha,
“Aghongibhu Omutëmi Waryobha,
Eryobha re Sheemu!
Kanaani abhe omusësë o Sheemu.
27 Eryobha remwengere Yabheeti orwibhoro,
amanye kwo murëmbë mo‑mabhuru gha Sheemu,
Kanaani abhe omusësë o Yabheeti.”