Amabhe gha bhaato
6
Abhaato hano bhaasëëmiri kuhëra mo‑se,
na abhaana bha ghiike ꞉mbiibhwiru ghokoobho,
2 abhaana bha Ryobhaa bhakarighi abhaakë bha bhaato kubha m‑bhamangi,
bhakiyahurera abhaakë bhoose bhano ꞉bhaare kwënda,
bhaakabha abhakari bhaabho.
3 Niho Omutëmi Waryobha akabhugha,
“Omwika o bhuhöru toghwikara mo‑mobhere o mooto emiishe ghyose,
gho kubha iwe n‑o ghoku.
Gho ghayo,
emeeka gheebho ghe kumanya ghetaghokera eriighana rimu na miröngö ebhere.”
4 Mo‑chaasiko chiyo,
koru ne eriibhagha erende,
amaatob ngaare mo‑se.
Niho,
abhaana bha Ryobha bhakamisi na abhaakë bha bhaato bhayo,
na kwibhora nabho.
Bhano ꞉bhiibhwiru,
mbaare abhasubhesubhe,
na ꞉mbaamënyuru chwee mo‑chaasiko chiyo che kare.
5 Omutëmi Waryobha akarighi kubha amabhe gha bhaato ngaare ghaghaghasha bhobhe mo‑se,
na ghyokyose kino ꞉bhaare kwihëëbha mo‑metema gheebho nkeere kebhe chaasiko choose.
6 Omutëmi Waryobha aghiitëma amasörö,
ngwake ꞉amuutëëmiri omooto mo‑se,
akörö yaache eghiitumata.
7 Omutëmi Waryobha akabhugha,
“Nekobhasireekereri abhaato bhano ꞉niitëëmiri mo‑se,
neghosireekereri chaatugho,
na chatyenyi che mwiteregho,
na bhino bhekwingʼuurera chanda ne ebhinyönyi.
Ngiitumata kubha ꞉neebhitëëmiri.”
8 Amare Nuhu,
akabhöna aghareeya kwo Mutëmi Waryobha.
Eryobha ˆrekamobhoorera Nuhu akörë asafina
9 Ghano ghakuucha n‑amangʼana ighoro e Nuhu.
Nuhu naare muhëënë,
omooto uno are ariisherereru mo‑bhaato bhoose bha riibhagha reeche,
꞉naamanyiri bhoheene ambërë e Ryobha.
10 Nuhu naare na abhaana bhatato bha ghesubhe,
Sheemu,
Haamu na Yabheeti.
11 Kwo riibhagha riyo,
ase ekabha yichwire amabhe ne ekabha isarekiri mo‑miisho gha Ryobha.
12 Eryobha rekarighi kinya ase ere isarekiri,
gho kubha omooto woose naare ariigheera gho nchëra yaache ambe ino ere eramotegheri.
13 Niho Eryobha rekamobhoorera Nuhu rekabhugha,
“ˆNekamara ghotena ekiina kubha,
neghosireekereri abhaato bhoose,
gho kubha bhaghiichori amabhe mo‑se.
Mahëënë neghosireekereri abhaato na ase yoose!
14 Ibheere nooghi otene emete ghe mobhinje,
ukörë asafina.
Mo‑safina muyo,
otoore ebhyumba,
uhake araami moose na anche.
15 Hangʼu nibhu okoyiköra,
obhurambe bhooche,
bhubhe amaghoro eriighana rimu na miröngö etato na kende.
No obhughare bhooche bhubhe amaghoro miröngö ebhere na ataano,
no obhurë bhooche ghuye ighoro bhubhe amabhökö ikomi na ataano.c
16 Asafina iyo oyikörë ibhe anyumba e marëngö atato,
eribhaara erimu otoore orwighe,
ukörë eghisara,
oramara otighe omweya,
eriiteneka re kubhökö kumu,
riyo ribhe ghate e ghisara ne erirëngö.
17 “Obhuhëënë,
nekurëëta oghwichoreru kwo manche,
kubha nesireekereri bhino ꞉niitëëmiri mo‑se bhyose.
Na ghetyenyi kyose ke mobhere no omwika o bhuhöru,
ngeghosireekereru.
18 Amare neghuköra eriiraghano haghirohamu na niiye.
Noghusöha mo‑safina,
haghirohamu no omukari waacho,
na abhaana bhaacho na abhakari bhaabho.
19 Noghusöhi ghyokyose kino keenyi no omwika o bhuhöru,
chatyenyi ibhere ibhere ansubhe na ankari,
otindeke obhuhöru bhoobho haghirohamu na niiye.
20 Noghusöhi amanga ghoose gha bhinyönyi,
na amanga ghoose gha chatyenyi,
na amanga ghoose gha chino chekwingʼuurera chanda haase,
bhyose mbekuucha bhibhere bhibhere,
ubhe nacho.
21 Wimoki amanga ghoose gha bhiinyakurë bhino bhekoreebhu,
bhibhe amamba yaacho ne eyaabho.”
22 Mbe,
Nuhu aghaköra ghoose kinya Eryobha reere remuraghëriiri.