Ataamu na Haawa ˆbhaghaköra amasari
3
Mbe,
mo‑chatyenyi choose chino Omutëmi Waryobha ꞉atëëmiri,
anchöka niyo ere na amangʼiini ghokera echende.
Orosiko rumu,
anchöka ekabhoori omukari ekabhugha,
“Ango mahëënë,
Eryobha ꞉ndeebhughiri motarë amakorobhese gha mete ghyose ghino gheenyi mo‑kinyaweera?”
2 Omukari aghagharokeri akabhugha,
“Tiyaanyi,
amakorobhese gha mete ghino gheenyi mo‑kinyaweera,
ntwishereriiru ghoghare.
3 Amare Eryobha ndebhughiri,
‘Motasaki kurë amakorobhese gha mote o ghateghate koru kowoturi.
Moraköra hangʼu,
mooghoku!’”
4 Niho anchöka ekamobhoorera omukari uyo ekabhugha,
“Obhuhëënë motaaghoku!
5 Eryobha ꞉ndeebhughiri hangʼu,
gho kubha ndyeche moraacha kurë amakorobhese gha mote uyo,
mokubhöna amangʼiini na mookubha kinya iryo,
gho kumënya amachömu na amabhe.”
6 Omukari uyo,
hano arooche kubha eriikorobhese re mote uyo n‑ichömu gho koreebhu na ndeghotegheri mo‑miisho,
naryo ndengamoheere amangʼiini,
aghatu akarë.
Akamara akamuha omosubhe waache,
woose akarë.
7 Hayo bhakabhöna amangʼiini gha kumënya amachömu na amabhe,
bhaghatookera kubha bhoose n‑kingʼaabhi bhaanyi.
Niho bhakahaghura amato gha mote,
bhaghiikörëra amaghööti,
bhakiinata mo‑bheribhichi.
8 Hano ehikiri omughörööbha omu ˆokahiinyeka,
bhakooghu emetiti ghe Mutëmi Waryobha mo‑kinyaweera kiyo.
Hano bhooghwire hangʼu,
bhaaghaye kwibhisa ghateghate e mete ghe kinyaweera kiyo kubha atabharighi.
9 Amare Omutëmi Waryobha akamobherekera Ataamu akamobhoori,
“Hayi onyi?”
10 Ataamu akamugharokeri akabhugha,
“Nekoghwire onyi mo‑kinyaweera neghatiina,
nekiibhisa,
gho kubha n‑kingʼaabhi neenyi.”
11 Omutëmi Waryobha akamobhoori akabhugha,
“N‑niwe akobhooriire kubha n‑kingʼaabhi onyi?
Ghasi noriire amakorobhese gha mote uno ꞉neekurëkiri otare?”
12 Ataamu akamugharokeri akabhugha,
“Omukari uno ꞉oheere abhe haghirohamu na neeni,
niwe aheere amakorobhese gha mote uyo,
neekare.”
13 Niho Omutëmi Waryobha akamobhoori omukari uyo akabhugha,
“Iye,
neke kino uköriri?”
Omukari uyo akamugharokeri akabhugha,
“Anchöka niyo ꞉engʼiiniri,
neekare.”
Eriihiimo re Eryobha ighoro e masari
14 Akamara Omutëmi Waryobha akayebhoorera anchöka akabhugha,
“Gho kubha nuköriri ghayo,
ˆneghakwihiima iye ghate e chatyenyi choose che ghotugha,
na chi ibhara.
Noghughëndëra anda,
nookubha orare orotu,
gho chaasiko choose che riimanya reecho.
15 Neghotoora obhobhisa ghate yaacho no omukari uno,
na ghate e rwibhoro roocho na rorooche.
Orwibhoro rooche ndoghoghutëma omutu,
na niiye nokororoma eghetingiro.”
16 Rekamara rekamobhoorera omukari uyo rekabhugha,
“Neghokwengera obhosongo,
eriibhagha re kwibhora.
Nookubha oriibhora kwo bhosongo bhuhaari chwee.
Koru hangʼu,
amiigha ghaacho ngaakubha kwo mosubhe waacho,
nawe naakubha araghukangata.”
17 Rekamara rekamobhoorera Ataamu rekabhugha,
“Gho kubha nomutëghëriire omukari waacho,
okare amakorobhese gha mote uno ꞉neekurëkiri otare,
eriiröbhë rekiihiimu gho ghiri yaacho.
Nokubhöna ebhiinyakurë gho ghuköra emeremo miköngʼu,
chaasiko choose che riimanya reecho.
18 Eriiröbhë ndeghokwibhorera amaho ne emichöngöma,
na niiye nookurë chaanyi choose che mo‑meghondo.
19 Nookubha orabhöna ebhiinyakurë gho ghoghirimora,
mbagha hano oghugharuka mwiröbhë,
gho kubha nimu orweriire.
Iye n‑orotu onyi,
na mo‑rotu ruyo noghugharuka‑mu wiiki.”
20 Akamara Ataamu akamoroka omukari waache Haawa,
a gho kubha iwe niwe nyina o bhaato bhoose.
21 Omutëmi Waryobha akabhakörëra Ataamu no omukari waache changibho che mashëërö akabhabheeki.
Ataamu na Haawa ˆbhakahëëbhu mo‑kinyaweera
22 Akamara Omutëmi Waryobha akabhugha kubha,
“Ibheere omooto uno ˆakabha kinya umu wiito,
neeche amachömu na amabhe.
Nekwëndëru nemuhööchërërë ataacha kurë amakorobhese gha mote o kobhaha abhaato obhuhöru,
gho kubha ararë,
nakumanya emiishe ghyose.”
23 Gho ghayo,
Omutëmi Waryobha akabhahëëbha mo‑kinyaweera ke Eteeni,
kubha Ataamu aghi korema eriiröbhë rino arweriire‑mu.
24 Hano rimariri kobhahëëbha mo‑kinyaweera kiyo,
reghatoora bhamarayika eribhaara re roghoro re kinyaweera ke Eteeni.
Wiiki reghatoora ne ekinyamiino ke mororo,
uno ore oriigharuragharura chambaara choose ino na ino,
ghochonga anchëra ino eghuye mo‑mote o kobhaha abhaato obhuhöru.