Go tla ga Moya wo Mokgetwa ka Pentekoste
2
Ho letjatji la Pentekoste le segele, ke ho ba le ka moka polekeng ka yiyoshe 2 Ka go yakgoswa ba kwa modumo wa go tjwa legedimong wa go tshwana le ledimo lo le tjutlang ka maatla wa tlala ntlo ka moka yo ke ho ba dule ga yona. 3 Ba bona go nyarela maleme wo nkareng ke dikgabo tsa mollo, tso di yaroganneng di dula gedimo ga yemongwana le yemongwana wa bona. 4 Ka moka ga bona ba tlatsiwa ka Moya wo Mokgetwa, ba thoma go bolabola ka maleme ya mangwana go ya ka ho Moya ke ho ba kgonisa ka gona.5 Byalo ke ho go na le Bajuda ba go tjhaba Modimo bo ke ho ba dula Jerusalema, ba tjwa ditjhabeng tse dingwana tso di leng ka tlase ga legedimo. 6 Ho ba kwele modumo wone, batho ba go tlala ba kgobakana ba makele, ba gakanegiye ka gore yemongwana le yemongwana ke ho a ba kwa ba bolabola ka polabolo ya gabo. 7 Ho ba sa tlabegiye ba makele ka wona mokgwa wone, ba botsisana ba re: “Batho bo ka moka ba bolabolang a ye Bagaleliya naa? 8 Byalo go tla byang gore ye mongwana le ye mongwana wa rune a ba kwe ka polabolo ya gabo? 9 Re na le, Baperesiya, Bameda le Baelamo, badudi ba Mosopotamiya, Juda le Kapadokiya, Pontose le Eshiya, 10 Frijiya le Phamfeliya, Egepeta le karolo tse dingwana tsa Lebiya thina le Sirene, le bayeng bo ba tjwang Roma, 11 Bajuda ba Arabuya ba ba ngwana ke Bajutale ba bangwana ka ba ditjhababo ba sokologeleng tumelong ya Sejuda, Bakereta le Baarabiya, mara re ba kwa ba bolabola dimakatso tsa Modimo ka dipolabolo tsa rune!” 12 Ba makele ba biye ba gakanegiye, ba botsisana ba re: “Naa so se ra gore ke ying?”
13 Ba bangwana ba thoma go ba kwera ba re: “Batho bo, ba tlayila.”
Peterose wo bolabola le leshaba
14 Ke moka peterose a yema le balesometeye, a thoma go bolabola le leshaba a re: “Bajuda bageshu, le lune bo le dulang ho Jerusalema, yemang ke le tlhaloseleng so, theyetselaneng gabutji so ke se bolabolang. 15 Batho bo a ba tlayili, go ya ka ho le naganang ka gona. Ye sa le ka boshego gore ba ka tlayila! 16 Awowa, so ke so se bolabodiyeng ke moporofeta Jowele ho a re:
17 `Matjatjing ya mafelelo,
ke nyoko tshollela moya waka bathong ka moka, go bolabola Modimo.
Barwayi le barwediya ba lune ba nyoko porofeta,masogana ya lune ba nyoko bona dipono, ba bagolo ba nyoko lora ditoro.
18 Le gedimo ga batlhanka baka ba banna le basadi,
ke nyoko tshollela moya waka matjatjing wone, ke moka ba nyoko porofeta.
19 Ke nyoko shupetsa dimakatso kuwa gedimo lefawufawung,
le ditjhupetso lefaseng,
madi le mollo, le go bilogana ga mushi.
20 Letjatji le nyoko fifala,
le ngwedi wo nyoko hubala go tshwana le madi,
pele go tla letjatji le legolo la go makatsa la Morena.
21 Ye mongwana le ye mongwana ye a bitsang lebitso la Morena,
wo nyoko pholosiwa.’
22 Banna ba geshu ba Israyele, theyetselaneng so! Jesu wa Nasareta ke ho yele motho ye Modimo a mo tlhatseleng ho ga lune ka mmereko wa maatla le dimakatso le ka metlholo ye a ye makiyeng ho ga lune, yo le lune beng le ye tjibang. 23 Monna ye wo gafediwuwe ga lune go ya ka go beyakanya ke Modimo le ka ho Modimo a tjibiyeng ka gona, pele le maka gore baditjhaba ba mmapole sefapanong ba mmolaye. 24 Mara Modimo wo mo tsosiye bahung, a mo lokolla matlhokong ya lehu, ka gore ke ho go sa kgonege gore lehu le mo tleme. 25 Dafida wo yitse ka yene:
`ke bonna Morena a le matlhong yaka dinako ka moka,
ka lebaka la gore wo ka letsogong laka la letsogotsogo,
nka sa tekatekisiwe.
26 Ke moka pelo yaka ye thabiye le leleme laka le bolabola tsa go reta Modimo,
le mmele waka wo nyoko phela ka kholofelo,
27 ka taba la gore wo ka sa ntshiye bodulabahu, kela wa maka gore Mokgetwa wago a sa bole.
28 Wo ntjibisiye tsela ya bophelo, wo nyoko ntlatsa ka lethabo bogoneng byago.’
29 Banabeshu ba Israyela, nka le botsa ka sebete gore kokwane wa rune Dafida wo hwile a bolokiwa, le lebitla lage le sa le gona le lehono. 30 Mara ke ho yele moporofeta, a biye a tjiba gore Modimo wo mo tshepesiye ka keno gore wo nyoko beya ye mongwana wa batlogolo bage setulong sage sa bogoshi. 31 Dafida ka go bona tso di sa tlang, wo bolabodiye ka go tsoga ga Kriste ho a re: `A ka sa lesetsiwe a le bodulabahu, setopo sage se ka sa bole.’ 32 Modimo wo tsosiye Jesu ye gore a phele, rune ka moka re ditlhatse tsa taba yo. 33 wo rotosediwe letsogong la letsogotsogo la Modimo, wo yamogele Moya wo Mokgetwa wo a wo tshepisiwuweng go tjwa ga Papa, ke sona so le se bonang fote le se kwang. 34 Ka gore a ye Dafida ye a rotogeleng legedimong,
mara wo yitse: `Morena wo yitse ga Morena wa ka:
“Dula ka letsogong laka la letsogotsogo.
35 go segela ke maka manaba yago bogato bya mawoto yago.”’
36 Ka gona, setjhaba ka moka sa Israyele se tshwanele se tjibe gore Modimo wo makiye Jesu ye le mmapodiyeng go ba Morena le Kriste.”
37 Ho batho ba kwele so, ba tlhabega dipelo ba re ga Peterose le baapostola ba bangwana: “Banabeshu, re make ying?”
38 Petrose a ba fetola a re: “Sokologaneng, yemongwana le ye mongwana wa lune a kolobetsiwe lebitsong la Jesu Kriste gore le lebalediwe dibe tsa lune. Ke moka le nyoko yamogela mpho ya Moya wo Mokgetwa. 39 Tshepiso yo ke ya lune le bana ba lune le ka moka bo ba leng kgole bo Modimo wa rune a ba bitsang.”
40 Peterose a ba kgotatsa ka mantsu ya go tlala a re: “Tepholoseng ka bolune le tjweneng molokong wo wa bababe!” 41 Bo ba yiyeng ba yamogela molayetsa wage, ba yiye ba kolobetsiwa ka go tlungwetsiwa ka meetjing, palo ya badumedi ye yiye ya yeketsega ka batho bo ye ka bang ba dikete ka di tharo ka letjatji lone.
Go tlhakanela ga Badumedi
42 Ke ho ba fetsa nako ya bona ya gotlala ba tjhutisiwa ke baapostola, ba tlhakanela dilong ka moka le go ngatheng ga sekgwa ba rapela goshi. 43 Ye mongwana le ye mongwana a tlala ka gol tjhaba Modimo ka dimakatso le di ditjhupetso tso ke ho di maka ke baapostola 44 Badumedi ka moka ke ho ba le ga woshu ba tlhakanela dithoto tsa bona ba tshwana. 45 Ba rekisa mashemo ya bona le tso ke ho ba le natso ke moka ba yabelana tjhelete ka go neya ye mongwana le ye mongwana go ya ka ho a tlhokang ka gona. 46 Badumedi ke ho ba tlhakana malapeng ya Tempele letjatji le lengwana le lengwana. Ke ho ba yedya goshi ka malapeng ya bona, ba dyabolela go tlhakanela tsagodyeng ka dipelo tsa lethabo, 47 ba reta Modimo ba rata ke batho ka moka. Letjatji ka letjatji Morena a yeketsa bo ba pholosiwang setlhopeng sa badumedi.