Ebangedi ya Jesu ka Luka
Luka
Makeno
1
Theyofilose wa go tlhompega, batho ba go tlala ba leketsiye go ngwala pego ya dilo tso di phetegiyeng ho gare ga rune go ya ka go latelana ga tsona, 2 byalo ka ho di tlisiwuwe ga rune ke bo ke ho yele ditlhatse tsa mathomo tso di bonneng ditaba tso ka matlho, yebiye yele barutiwa ba Jesu. 3 Byalo nna ka morago ga ho ke nyakisisiye gabutji ditaba tso ka moka ga tsona go tloga mathomong, ke bonne go tshwanele gore ke go ngwalele tsona ka go latelana ga tsona, 4 gore wo tle wo tjibe nnete ya tso wo di tjhutisiweng.Go belegiwa ga Johanese Motlungwetsi go tjibisiwa pele ga nako
5 Nakong ya kgoshi Herode wa Juda, ke ho go na le moprisita ye a bitsiwang Sakareya, wa kgoro ya boprisita bya Abiya, mosadi wage Elisabeta le yene ke ho yele wa leloko la Arone. 6 Ka babedi ga bona ke ho ba lokiye matlhong ya Modimo, ba tlhompa melawo ka moka le ditayelo tsa Modimo ba sa solege. 7 Ke ho ba se na bana, ka gore Elisabeta ke ho a sa belege, le gona ka babedi ga bona ke ho ba shele ba tsofele.
8 Ka letjatji le lengwana ho Sakareya a maka mmereko wage wa boprisita ka tempeleng, ka ho ye be yele beke ya kgoro ya gabo go tjhuba diworelo, 9 go ya ka setlwayedi sa boprisita, ke ho a kgetiwuwe ka matengwa go kena tempeleng. 10 Ho nako ya go tjhuba diworelo ye segele, phutego ka moka ya barapedi ke ho ye rapela ka tawong.
11 Lengeloyi la Morena la teponagatsa ga Sakareya, le yemme ka thokong ya letsogotsogo la altara ya diworelo. 12 Ho Sakareya a mmona, wo yiye a tjhoga a ba a tlhagasela. 13 Mara lengeloyi la re gage: “Wo sa tshoge, Sakareya, thapelo yago ye kwagele. Mosadi wago Elisabeta wo nyoko go belegela morwayi, wo mo reye lebitso la Johanese. 14 Wo nyoko thaba wa ba wa tepsyina ka matla ka yene, ba go tlala ba nyoko dyabola ka go belegiwa gage, 15 ka gore wo nyoko ba ye mogolo matlhong ya Modimo. A a tshwanela go nwa beyine kela mokgete, wo nyoko tlala ka Moya wo Mokgetwa go tlogela go belegiweng gage. 16 Wo nyoko bosetsa ba Israyele ba go tlala ga Morena Modimo wa bona. 17 Wo nyoko sepela matlhong ya Morena, ka moya le matla ya go tshwana le ya Eliya, go boyelanya dipelo tsa batswadi ga bana ba bona, a sokolla dipelo tsa batho ba go sa kwe Modimo a ba bosetsa tseleng ya botlhale le go loka, gore a lokisele Morena setjhaba sage.”
18 Sakareya a botsisa lengeloyi a re: “Nka di tjiba byang gore tso wo di bolabolang ke nnete? Nna ke mokgalabye le mosadi waka ke mokgekolo.”
19 Lengeloyi la mo fetola la re: “Ke nna Gabareyele, ke yemme bogoneng bya Modimo, ke romiwuwe go bolabola le wene ka ditaba tso tse dibutji. 20 Byalo wo nyoko ba semumu wa sa kgone go bolabola go segela letjatji lo dilo tso di makegang, ka gore a wa dumela mantsu yaka wo a nyoko bang a nnete ka nako yo ye tshwaneleng.”
21 Ho yele leshaba lona ke ho le yemele Sakareya, le makele gore go makega ying ka yene ka tempeleng. 22 Ho a yetjwa, ke ho a sa kgone go bolabola nabo. Ba lemoga gore wo bonne pono ka tempeleng, ka gore ke ho a fo tjwela pele a bolabola nabo ka diyatla hela.
23 Ho nako yage ya mmereko ye fediye, a boyela gaye 24 Ka morago ga so, mosadi wage Elisabeta a yima, a fetsa dikgwedi tse tlhano a dule ka gaye a sa tjwe. 25 Elisabeta a re: “Morena wo mmakele so matjatjing wo, wo nshupetsiye kgawugelo, a tlosa go poyilega gaka matlhong ya batho.”
Go belegiwa ga Jesu go tjibisiwa pele ga nako
26 Ka kgwedi ya botshelela ho Elisabeta a yimme, Modimo a romela lengeloyi Gabareyele go ya Natsareta, motjing wa Galeliya, 27 ke ho a yisa molayetsa ga lekgareba lo ke ho le tshepisiwuwe go nyala ke monna ye a bitsiwang Josefa, wa leloko la Dafida. Lebitso la lekgareba lone ke ho yele Maria. 28 Lengeloyi le yiye gage la re: “Tama, wene wo shegofatsiwuweng ka matla! Morena wo na le wene.”
29 Go tamisa ho ga lengeloyi Gabareyele go tlhopiye Maria ka matla, fote a makatsa ke mohuta wo wa go tamisiwa. 30 Mara lengeloyi la re gage: “Wo sa tjhoge, Maria, ka gore wo gawogele ke Modimo. 31 Wo nyoko yima, wa belega morwayi ye wo nyokogo mo reyela lebitso la Jesu. 32 Wo nyoko ba ye mogolo, wo nyoko bitsiwa Morwayi wa ye Gedimodimo. Morena Modimo wo nyoko mo neya bogoshi bya papage Dafida. 33 Wo nyoko busha setjhaba sa Israyele go ya go yiye, Mmusho wage wo ka sa fele.”
34 Maria a botsisa lengeloyi a re: “So se nyoko kgonega byang, ka gore ke sa le lekgareba?”
35 Lengeloyi la mo yaraba la re: “Moya wo Mokgetwa wo nyoko thewogela gedimo gago, matla a ye Gedimodimo a nyoko dula gedimo gage. Ke ka taba lone ye mokgetwa ye wo nyoko mmelegang wo nyoko bitsiwa Morwayi wa Modimo. 36 Le Elisabeta leshaga lago wo nyoko ba le ngwana botsofading byage, yene ye ke ho ba re a a belege, wo na le dikgwedi tse tshela yele moyimana. 37 Ka gore a go na so se sa kgonegeng ga Modimo.”
38 Maria a yaraba a re: “Ke nna motlhanka wa Morena, a di mmakegele ka ho wo bolabodiyeng ka gona.” Lengeloyi la mo shiya.
Maria wo yetela Elisabeta
39 Ho lengeloyi le tlogiye, Maria a yakgoswa a telokisela go ya nageng ya dithabeng ya Juda, 40 ho a kenneng gaye ga Sakareya a tamisa Elisabeta. 41 Ho Elisabeta a yekwa go tamisa ga Maria, ngwana a thokgathokga ka mpeng ya mmane wage, Elisabeta a tlala ka Moya wo Mokgetwa. 42 Elisabeta ka go djabola a gowelela a re: “Wo shegofatsiwuwe gare ga basadi, go shegofele le ngwana ye wo nyoko mmelegang! 43 Mara nka taba la ying ke gawogediwuwe, gore le mmane wa Morena waka, a nketele? 44 Ho ke yekwa go tamisa ga lentsu lago, ngwana wo yiye a thokgathokga ka lethabo ka ho teng gaka. 45 Go shegofele mosadi ye a dumeleng gore tso Modimo a di bolabodiyeng ho gage di nyoko makega!”
Kosha ya Maria
46 Maria a re:
“Pelo yaka ye reta Morena,
47 Moya waka wo thabela Modimo Mopholosi waka
48 ka gore wo gopodiye mayemo a boyikokobetso bya motlhanka wage.
Go thoma gona byalo meloko ka moka ye nyoko mpitsa wa go shegofatsiwa,
49 ka gore Wamatlakamoka wo mmakele dilo tse dikgolo,
lebitso lage le kgetegiye.
50 Mogawo wage wo segelela bo ba mo tjhaba ka go motlhompa,
go tloga molokong wo go segela molokong wo mongwana.
51 Wo makiye dilo tse digolo ka matla ka letsogo lage,
wo tlalagannye bo ba tekganyesang ka teng ga menagano ya bona.
52 Wo thewosiye babushi ditulong tsa bogoshi,
mara a rotosa ba go tekokobetsa.
53 Wo horisiye ba go kwa tlala ka dilo tse dibutji,
a solotsa bahumi ba sena selo
54 Wo thushiye motlhanka wage Israyele,
a gopola go gawogela
55 Aborahama le batlogolo bage
go ya go yiye ka ho a be a tshepisiye.”
56 Maria a dula le Elisabeta go lekana dikgwedi ka ditharo ke moka a boyela morago gaye.
Go belegiwa ga Johanese Motlungwetsi
57 Ho go segele nako ya Elisabeta ya gore a be le ngwana, wo belegiye ngwana wa moshemanyana. 58 Ho bayagisane le mashaba yage ba kwele gore Morena wo mo gawogele ka matla, ka moka ga bona ba dyabola naye.
59 Ka letjatji la seswayi ba tlele go bolotsa ngwana, le go mo reyela lebitso la papage, Sakareya. 60 Mara mmane wage a bolabola a re: “Awowa! Wo tshwanele go bitsiwa Johanese.”
61 Ba re gage: “Ho mashageng ya genu a go na ye a nang le lebitso lone.”
62 Ke moka ba bolabola le papa wa ngwana ka go shupetsa ka matsogo go bona gore wo nyoko reyela ngwana gore ke mang. 63 Yene a kgopela sa go ngwalela gona, sa go makatsa batho ka moka, wo ngwadiye gore: “Lebitso lage ke Johanese.” 64 Ka go yakgoswa leleme lage la rarologa, a thoma go bolabola, a reta Modimo. 65 Bayagisane ka moka ba kena ke letjhogo, batho ba naga ya mmotong wa Juda ka moka, ke ho ba bolabola ka dilo tso. 66 Ye mongwana le ye mongwana ye a kweleng so, di mo makatsiye, ba ba ba botsisana ba re: “Byalo ngwana ye wo nyoko ba ying?” Ka gore letsogo la Morena ke ho le na le yene.
Kosha ya Sakareya
67 Papa wage, Sakareya, ke ho a tlele ka Moya wo Mokgetwa ke moka a porofeta a re:
68 “A go retiwe Morena, Modimo wa Israyele,
ka gore wo tlile a lopolla batho bage.
69 Wo re tsosele lenaka la pholoso
lapeng la motlhanka wage Dafida
70 go ya ka ho a tshepisiyeng ka baporofeta botala.
71 Byalo re nyoko pholosiwa manabeng ya rune
le ga bo ba re tlhoyiyeng.
72 Go shupetsa kgawogelo ga bopaparune
le go gopola kgwerano ye kgetwa,
73 keno yo a ye yeneleng paparune Abrahama,
74 go re gelepa matsogong ya manaba ya rune,
a re kgonisa go mo tlhankela re se na letjhogo,
75 ka bokgetwa le go loka matlhong yage matjatjing ya rune ka moka.
76 Ke moka wene, ngwanaka, wo nyoko bitsiwa moporofeta wa ye Gedimodimo,
ka gore wo nyoko lokisela Morena tsela.
77 Wo nyoko botsa batho bage go keraya pholoso
ka go lebalediwa dibe tsa bona.
78 Ka taba la kgawogolo ya Modimo wa rune,
ya go re tlhabisela letjatji go tjwa legedimong,
79 go bonegetsela bo ba duleng letshwifing le morithing wa lehu,
le go re tlhatlha go ya tseleng ya khutjo.”
80 Johanese a gola ka matla nameng le moyeng, a phela tlhageng go segela ho a nyarela a le mmerekong wage ga Israyele.