Ebangedi ya Jesu ka
Mareka
Johanese Motlungwetsi wo lokisela Jesu tsela
1
Taba ye Butji ya Jesu Kriste,
Morwayi wa Modimo.
Ye thoma ka mokgwa wo go ngwadiweng pukung ya moporofeta Jesaya a re:
2 “Ke nyoko roma moromiwa waka go go yeta matlhong a go lokisela tsela.
3 Lentsu la ye a yahlamelang a le tlhageng le re:
‘Lokisang pata ya Morena,
le wotlolle ditsela tsage.’”
4 Johanese Motlungwetsi wo tlele tlhageng a gowelela kolobetso ya tebalelo ya dibe le tshokologo ka go ba tlungwetsa ka meetjing.
5 Batho ka moka ba Juda le ba Jerusalema ba ya gage go kolobetsiwa,
ba tepolabola dibe,
a ba kolobetsa ka go ba tlungwetsa nokeng ya Jordane.
6 Johanese ke ho a yapere kobo ya go rokiwa ka boya bya kamela,
masekeng a tetlemme ka lepanta la mokgopa,
tsagodya tsage yele ditjiya le dinose tsa tlhaga.
7 A re:
“Ka morago gaka go tla ye mogolo ye ke sa tshwanelang le go ka yinama ka mo tlemolla dithapo tsa bo mamphashane bage.
8 Nna ke le kolobetsa ka go le tlungwetsa ka meetjing,
yene wo nyoko le kolobetsa ka go le tlungwetsa Moyeng wo Mokgetwa.”
Go kolobetsiwa ga Jesu Kriste le go lekiwa gage
9 Ka yona nako yo none Jesu a tla a yetjwa Nasareta ya Galeliya a kolobetsiwa ke Johanese nokeng ya Jordane.
10 Yitse ho Jesu a yetjwa ka meetjing,
a bona legedimo le bulegiye,
Moya wo thewogela gedimo gage byalo ka leba.
11 Lentsu la kwagala le tjwa legedimong le re:
“Wo Morwayi waka ye ke mo ratang,
ka wene ke ya thaba.”
12 Ka go yakgoswa Moya wone wa mo romela tlhageng,
13 ke ho a le tlhageng matjatji a masome a mane,
a lekiwa ke Sathane.
Ke ho a na le dipholwane,
mangeloyi a mo tlhankela.
Go bitsiwa ga barutiwa ba mathomo
14 Morago ga ho Johanese Motlungwetsi a le jele,
a tshwariwuwe,
Jesu a ya Galeliya,
a gowelela Taba ye Butji ya Modimo.
15 A re:
“Nako ye segele,
mmusho wa Modimo wo thina.
Sokologang le dumele Taba ye Butji !”
16 Ho Jesu a sepela go bapa le lewatle la Galeliya,
a bona Simone le Andreya ngwanabo ba lathlela dinete tsa bona lewatleng,
ka ho yebe yele bareyi ba ditlhapi.
17 Jesu a re:
“Tlaneng,
nlateleng,
ke nyoko le maka bareyi ba batho.”
18 Ka go yakgoswa ba shiya dinete tsa bona ba mo latela.
19 Ho a ya matlhongnyana,
a bona Jakobose morwayi wa Sebediya le Johanese ngwanabo,
ba le sekepeng ba lokisa dinete tsa bona.
20 Ka go yakgoswa a ba bitsa,
ke moka ba shiya papabona Sebediya sekepeng le babereki bage ba latela Jesu.
Jesu wo raka moya wo mobe
21 Ba ya Kapernaume,
ke moka ho Sabatha ye segele,
Jesu a ya sinagogeng a thoma go tjhutisa.
22 Batho ba makatsa ke go atjhutisa gage,
ka ho a tjhutisa byalo ka motho ye a nang le matla,
yeseng go tshwana le baruti ba molawo.
23 Ka yona nako yone monna ye ke ho a na le moya wo mobe a gowelela hone sinagogeng,
24 a re:
“Wo na le taba mang le rune wene Jesu wa Nasareta?
Wo tlele go re fedisa?
Nna ke ya go tjiba wo Mokgetwa wa Modimo!”
25 Jesu a re:
“Homolela!
Tjwang hone gage!”
26 Moya wo mobe wa mo tjukatjukisa wa tjwa hone gage ka go gowelela.
27 Batho ka moka ba makala ba ba ba botsisana ba re:
“Ke ying tsotso?
Thuto ye ntshwa ya matla!
Wo layela le memoya ye mebe ya mo kwa.”
28 Ditaba ka Jesu diya yenela naga ya Galeliya ka moka.
Jesu wo fodisa ba go tlala
29 Ho ba tjwele sinagogeng,
ba ya le Jakobose le Johanese gaye ga bo Simone le Andreya.
30 Matsala wa Simone ke ho a yetsele a lwala,
ba botsa Jesu ka yene.
31 Jesu a ya a mo tshwara ka letsogo a mo yemisa,
bolwele bya tloga a napa a thoma go ba yapegela.
32 Ka malobana ka morago ga ho letjatji le dikele batho ba tlisa balwele le ba go ba le mademone ga Jesu.
33 Batho ba motji wone ba kgobakana hone monyako,
34 Jesu a fodisa balwele bo ke ho ba na le malwele ya go fapanafapana,
le go raka mademone ya go tlala,
a sa a dumelele go bolabola ka gore ke ho a mo tjiba.
Jesu wo rapela sephiring
35 Ka letjatji lo le latelang,
Jesu a tsoga ye sa le ka boshego,
a ya tlhageng ho go senang motho a rapela.
36 Simone le bo ke ho a na le bona ba tsama ba mo nyaka,
37 ho ba mo kereyiye,
ba re:
“Batho ka moka ba go nyaka!”
38 Jesu a ba fetola a re:
“Koriyeng go gongwana metjaneng ya ho thina,
gore ke ye ke tjhutise batho.
Ka gore ke sona so ke tleleng sona.”
39 Ba tjwa,
ba ya,
ba tsama ba tjhutisa batho disinagogeng tsa Galeliya,
a tsama a fodisa le go raka mademone bathong.
Jesu wo fodisa monna wa lephera
40 Monna ye ke ho a tshwere ke bolwele bya lephera a tla ga Jesu a mo kgopela a kgotamme a re:
“Jesu wo ka kgona go mfodisa.”
41 Jesu a mo kwela go baba a re:
“Ke ya kgona,”
a yisa letsogo lage a mo kgwata a re:
“Fola!”
42 Lephera la napa la mo lesa ka yona nako yone a fola.
43 Jesu a mo laya tsebe go kwa a re:
44 “Wo bone gore a wo botse motho.
Mara ariye,
wo teponagatse ga moprisita,
wo yise sethlabelo sa go ya ka ho Moshe a layeleng ka gona gore wo fodiye,
yebe botlhatse ga batho ka moka.”
45 Mara ho monna yene a tloga ga Jesu a tsama a bolabola taba yone ka moka ga gona.
Jesu a ba a shitega go kena motjing ba mmona,
a tloga a ya a dula tlhageng,
batho ba tla ga Jesu ba ye tjwa mathokong ka moka.