Jesu wo lebalela le go fodisa moshepaditho
2
Ho go fetiye matjatjinyana,
Jesu a boyela motjing wa Kapernaume,
batho ka moka ba ye kwelela gore wo hone gaye.
2 Batho ba go tlala ba kgobokana hone gwa tlhoka le sebaka,
ye shita le ka kuwa tawong ga monyako,
a ba tjutisa lentsu.
3 Gwa tla banna ba bangwana ba bane,
ba rwele motho wa go shepaditho.
4 Ho ba shitega go mo segetsa ga Jesu ka baka la leshaba,
ba phula leshuba tlhakeng ya ntlo gedimo ga ho Jesu ke ho a le gona,
morago ga ho ba phudiye leshuba,
ba pholosela mosemo wo moshepaditho ke ho a yetsele ga wona.
5 Ho Jesu a bona tumelo ya bona,
a re ga moshepaditho:
“Morwayi,
dibe tsago di lebalediwuwe.”
6 Gona hone ke ho go dule baruti ba molawo,
bona ba yeleletsa ka seng sa bona,
7 “Ke ka ying mothaka ye a bolabola ka mokgwa wo,
wo rogelela Modimo!
Ke mang a ka lebalelang dibe ho yese Modimo a ntoshi?”
8 Ka go yakgoswa Jesu a di tjiba moyeng wage tso ke ho ba di nagana dipelong tsa bona,
a bolabola le bona a re:
“Ke ka baka la ying le nagana tsone?
9 Se se kawone ke sefe,
a ke gore ga moshepaditho,
“Dibe tsago di lebalediwuwe,
kela ke gore,
tsoga,
rwala mosemo wago wo sepele”?
10 Mara gore le tjibe gore Morwayi wa Motho wo na le matla lefaseng ya go lebalela dibe.
“A re ga moshepaditho:
11 “Ke ya go botsa,
tsoga,
rwala mosemo wago wo ye gaye.”
12 A yemelela,
a rwala mosemo wage a sepela batho ka moka ba mo lebelele.
Tso di makiye gore batho ka moka ba tumisa Modimo,
ba re:
“A re so ko bona tsa moshaga wo!”
Jesu wo dya le badiradibe ntlong ya Lefi
13 Jesu a boyela fote a ya thoko ya lewatle.
Leshaba le legolo la tla gage,
a thoma go ba tjhutisa.
14 Ho a le gare a sepela,
a bona Lefi morwayi wa Alifiyose a dule sentlwaneng sa ba go patedisa mothelo.
Jesu a re gage:
“Nlatele.”
Lefi a yemelela a mo latela.
15 Ho Jesu a sa dya tsagodya ntlong ya Lefi le ba go tlala ba go patedisa mothelo le badiradibe ke ho ba ye dya le yene le barutiwa bage,
ka gore ke ho go na le ba go tlala bo ke ho ba mo latela.
16 Ho baruti ba molawo bo ke ho yele Bafaraseyi ba mmona a ye dya le badiradibe le bapatedisi ba mothelo,
ba botsisa barutiwa bage ba re:
“Ke ying taba a ye dya le bapatedisi ba mothelo le badiradibe?”
17 Ho a ye kwa tsone,
Jesu a re ga bona:
“A ye bo ba phelegiyeng bo ba nyakang togotela,
mara ke bo ba lwalang.
A ke ya tlela go tlo bitsa bo ba lokiyeng,
mara badiradibe.”
Jesu wo botsisiwa ka go tekona tsagodya
18 Byalo barutiwa ba Johanese le Bafaraseyi ke ho ba tekona tsagodya.
Batho ba bangwana ba tla ga Jesu ba mmotsisa bare:
“Go tla byang gore barutiwa ba Johanese le barutiwa ba Bafaraseyi ba tekona tsagodya mara bago a ba tekone?”
19 Jesu a ba fetola a re:
“Bayeng ba monyadi ba ka tekona byang tsagodya ba sa na le yene?
Ba ka sa tekone,
ho ba sa fela ba le naye.
20 Mara nako ye nyoko tla ho monyadi a ko go tlusiwa ga bona,
ka letjatji lone ba nyoko tekona.
21 A gona ye a ka go rokelela setjheso ka llapi le le ntshwa ga kobo ya botala.
Ho a ka maka tsone,
setlopo sone se se ntshwa se nyo ko tlerola kobo yone ya botala,
sa maka go tleroga hone le go fetisa.
22 Le gona a gona ye a ka tjhelang beyine ye ntshwa ka teng ga dikgwatlhapa tsa botala tsa beyine,
ho a ka maka tsone,
beyine yone ye nyoko parasa dikgopa,
ka moka ga tsona beyine le dikgopa tsa beyine,
di nyoko senyega.
Awowa,
wo tjhela beyine ye ntshwa ka teng ga dikgwatlhapa tsa beyine tse dintshwa.”
Morena wa Sabatha
23 Ka Sabatha ye nngwana Jesu a feta gare ga mashemo ya korong,
barutiwa bage ba le naye ba thoma go kga motjhaga wa korong.
24 Bafaraseyi ba re ga Jesu:
“Bona,
ke ka baka la ying ba maka tse di seng molawong ka Sabatha?”
25 A fetola a re:
“Naa a le ya bala ka tso Dafeda a di makiyeng hala yene le bo ke ho a le nabo hala ba sena tsagodya ba tshwere ke tlala?
26 Matjatjing ya Abiyathara moprisita ye mogolo,
Dafida wo kenne ntlong ya Modimo a dya sekgwa so ke ho se gafediwuwe,
se tshwanele go dyiwa ka molawo ke baprisita hela.
A fa le ba bangwana bo ke ho a le nabo.”
27 Ke moka a re ga bona:
“Sabatha ye makediwuwe motho,
ye seng motho a makediwuweng Sabatha.
28 Ka gona Morwayi wa Motho ke Morena wa Sabatha.”