Jesu wo fodisa ka Sabatha
3
Ka nako ye ye latelang a kena sinagogeng,
gona hone ke ho gona le monna wa letsogo la go hunyela.
2 Ba bangwana ba Bafaraseyi ke ho ba nyaka lebaka lo ba ka solang Jesu ka lona,
ka gona ba mo lebeledisisa go bona ho nkare wo nyoko mo fodisa ka Sabatha.
3 Jesu a ra motho yela wa letsogo la go hunyela a re:
“Yemelela ho matlhong ya batho ka moka.”
4 Ke moka Jesu a ba botsisa a re:
“Ke ying so se leng molawong ka Sabatha,
ke go maka tse dibutji kela go maka bobe,
ke go pholosa bophelo kela go bolaya?”
Bona ba fo homolela.
5 A ba lebelela ka go tenega le go kwata,
ho a bona go thatafa ga dipelo tsa bona.
A re ga motho yela:
“Wolola letsogo lago.”
A le wolola,
letsogo la wolologa la boyela sekeng.
6 Ke moka Bafaraseyi ba tjwa ba ya go feka mano le ba lekgotla la Herode gore ba ka bolaya Jesu byang.
Leshaba le latela Jesu
7 Jesu a tloga hone le barutiwa bage ba ya lewatleng,
leshaba le legolo la go tjwa Galeliya la mo shala morago.
8 Batho ba go tlala bo ko ho ba kwele tso a di makiyeng,
ba tla gage ba tjwa Juda,
Jerusalema,
le Idumeya,
ba bangwana ke ho ba tjwa mosekola wa noka ya Jordane le bo ba tjwang Tiro le Sidone.
9 Ka lebaka la go tlala ga batho Jesu a botsa barutiwa bage go mo lokisela sekepe se senyana gore a be kgolenyana ga mashaba.
10 Ka gore ke ho a fodisiye balwele ba go tlala,
ba bangwana ba balwele ke ho ba kgorometsana gore ba mo kgwate.
11 Memoya ya dithila ho ye mmona,
ke ho ye wa matlhong yage ye gowa yere:
“Wo Morwayi wa Modimo!”
12 Yene a ye laya tsebe go kwa gore ye sa bolabole gore ke yene mang.
Go kgetiwa ga Baapostola ba Lesomepedi
13 Jesu a rotogela thokong ya thaba a bitsa bo ke ho a ba nyaka ba tla gage.
14 Wo kgetiye ba lesomepedi a ba maka baapostola gore ba be naye,
le gore a ba rome go ya go rereng,
15 le go re ba be le matla ya go lawola le go raka mademone.
16 Bo ke ba lesomepedi bo a ba bitsiyeng:
Simone ye a mo reyeleng la Peterose,
17 Jakobose morwayi wa Sebediya,
le ngwanabo Johanese bo a ba reyeleng la Bonagese ke gore boramedumo.
18 Andreya,
Filipose,
Baratolomeya,
Matewu,
Tomase,
Jakobose morwayi wa Alfiyose,
Thatiyose,
Simone wa boganka,
19 le Judase Iskariyote wa lemenemene ye a mo rekisiyeng.
Jesu ba mo lopetsa ka gore wo keniwuwe ke Baletsibub
20 Jesu a kena ntlong,
leshaba la batho fote la mo kgobakanela,
tsa gore Jesu le barutiwa bage ba shitege le go dya.
21 Ho bagabo ba yekwa tsone,
ba nyaka go mo tseya ka go mo gapeletsa,
ka gore ke ho ba nagana gore,
“Wo lathlegele ke monagano”
22 Baruti ba molawo bo ke ho ba yetjwa Jerusalema ba re:
“Wo keniwuwe ke Baletsibub!
Ka kgoshana ya mademone wo raka mademone.”
23 Jesu a ba bitsa a bolabola le bona ka ditshwaniso a re:
“Sathane a ka teraka byang?
24 Ho mmusho wo ka yarogana ka bo wona,
mmusho wone wo ka sa yeme.
25 Ho lapa le ka yarogana ka bolona,
lapa lone le ka sa yeme.
26 Le gona ho Sathane a ka teganetsa,
a teyaroganya yene mong a ka sa yeme,
ye koba yele mafelelo yage.
27 Ga butji,
a gona motho ye a ka kenang ntlong ya senatla a rwala dithoto tsa senatla,
a sa se tlema,
wo nyoko thoma ka go se tlema,
ke gona a ka tseyang dithoto ntlong ya sona.
28 Nyanese ke ya le botsa,
dibe ka moka le maroga ya batho di nyoko lebalediwa.
29 Mara ye a rogelelang Moya wo Mokgetwa a ka sa lebalediwe,
wo na le molato wa sebe go ya ka ho go sa feleng.”
30 Wo bolabodiye tso ka ho ba yitse:
“Wo na le moya wo mobe.”
Mmane wa Jesu le bongwanabo
31 Byalo mmane wa Jesu le bo bhute ba Jesu ba segela.
Ba yema ka tawong ba romela ye mongwana gore a kene a mmitse.
32 Leshaba lo ke ho le mo dikanetsiye,
ke moka ba mmotsa ba re:
“Mmane wago le bo bhute wago ba ka hala tawong ba go nyaka.”
33 A ba botsisa a re:
“Mmane waka le bobhute waka ke bo mang?”