Go belegiwa ga Jesu
2
Jesu wo belegiwuwe ka nako ya ho Kesara Agostose, a layele gore batho ka moka ba mmusho wa Roma ba badiwe. 2 Ke ho ye le la mathomo batho ba badiwa, ho mmushishi wa Siriya yele Khwereniase. 3 Ke moka ye mongwana le ye mongwana a boyela motjing wa gabo go ngwadiseng.4 Josefa le yene a tloga motjing wa Nasareta ya Galeliya a boyela Bethlehema ya Juda, motjing wa Dafida ka gore ke ho yele wa leloko la Dafida. 5 Wo yiye go ngwadiseng le Maria ye ke ho a mo tshepisiye go mo nyala, mara Maria ke ho a yimme. 6 Ho ba le gona hone, gwa segela nako ya gore ngwana a belegiwe, 7 ke moka a belega ngwana wa moshemanyana wa matjibula. A mo phutela ka malapi a mo yetsedisa leshakeng sedyelong sa dikgomo, ka gore ke ho ba sa keraya kamara ntlong ya bayeng.
Badisi le mangeloyi
8 Hone thina le Bethlehema ke ho go na le badisi bo ke ho ba dula tlhageng ba letiye metlhape ya bona boshego. 9 Lengeloyi la Morena la nyarela ga bona, letago la Morena la ba bonegetsela, ke moka ba tjhoga. 10 Lengeloyi la re ga bona: “Le sa tjhogeng! Ke le tlisele Taba ye Butji! ya go dyabodisa yo ye nyoko bang ya batho ka moka. 11 Lehono motjing wa Dafida le belegediwuwe Mopholosi, ke Kriste Morena. 12 So ye nyoko ba seshupo ga lune: Le nyoko keraya leseya ba le phutele ka malapi ba le yetsedisiye sedyelong sa dikgomo.”
13 Ka go yakgoswa gwa nyarela leshaba le legolo la masole ya legedimo le yemme le lengeloyi lela le reta Modimo le re:
14 “Letago a le ye ga Modimo wa magedimodimong,
ke moka khutjo ye be le bo Modimo a kgatlwang ke bona lefaseng!”
15 Ho mangeloyi a tlogiye a yiye legedimong, badisi ba botsana ba re: “Koriyeng Bethlehema re ye bona dilo tso di makegiyeng, tso Modimo a re botsiyeng tsona.”
16 Ke moka ba yakgoswa ba ya, ba kereya Maria le Josefa, le ngwana ye ke ho a yetsele sedyelong sa dikgomo. 17 Ka morago ga ho ba mmonne, ba gasha taba yone, ba botsiwuweng yona ka ngwana ye, 18 ka moka batho bo ba kweleng taba yo, ba yiye ba makatsa ke so badisi ba ba botsiyeng sona. 19 Mara Maria a beya ditaba tso ka moka pelong yage, a naganisisa ka tsona. 20 Badisi ba sologa, ba reta le go tumisa Modimo ka dilo ka moka tso ba di kweleng le tso ba di bonneng, tso di biyeng ka mokgwa wo ba botsiweng ka gona.
Jesu wo neyediwa tempeleng
21 Ka letjatji la boseswayi, ho ye le nako ya go mmolotsa, ba mo reyiye lebitso la Jesu lo lengeloyi le mo neyiyeng lona pele a yimiwa.
22 Ho nako ya go yedisiwa ga Josefa le Maria go ya ka molawo wa Moshe ye fetiye, ba mo tsere ba mo yisa Jerusalema go mo gafela ga Morena, 23 go ya ka ho go ngwadiwuweng ka gona molawong wa Morena go re: “Letjibolo la se sengwana le se sengwana le letona le gafediwe Morena. 24 Le go ntsha setlhabelo go ya ka ho go ngwadiwuweng ka gona molawong wa Morena ho wo re: ‘Mayeba ka mabedi kela mekurwanyana’”.
25 Byalo ke ho go na le monna Jerusalema ye a bitsiwang Simeyone, ye ke ho a le moloki a biye a le motho wa morapedi. Ke ho a yemele Mopholosi wa Israyele, Moya wo Mokgetwa ke ho wo na le yene. 26 Ke ho a wutulele ke Moya wo Mokgetwa gore a ka sa hwe a soko bona Motlotsiwa wa Morena. 27 A ya malapeng ya tempele, a tlhatlha ke Moya wa Morena. Ho batswadi ba tlisa ngwana wa bona, Jesu, go mo makela tso di nyakegang go ya ka molawo wa setjo sa Bajuda, 28 Simeyone a mo kakola, a mmogara a reta Modimo a re:
29 “Morena wa Matla ka moka, Go ya ka ho wo tshepisyeng ka gona.
Wo ka fo nlokolla nna motlhanka wago ka tesepelela khutjo.
30 Ka gore matlho yaka a bonne pholoso yago,
31 yo wo ye lokiseleng batho ka moka,
32 ye leng seyetjha sa kutullo go Baditjhaba,
le letago ga batho bago ba Israele.”
33 Papa le mmane wa ngwana ba makatsa ke tso di bolabodiwuweng ka yene. 34 Ka morago Simeyone a ba shegofatsa a re ga Maria, mmane wa ngwana: “Ngwana ye wo beyediwuwe gowa le go tsoga ga ba go tlala ba Israyela, le go ba seshupo sa go tjwa ga Modimo mara ba go tlala ba nyoko mo ganetsa, 35 ka taba lone go yakanya ga dipelo tsa ba go tlala go nyoko wutuluga. Ke moka sabola ye nyoko tlhaba pelo yago.
Go porofeta ga Anna
36 Fote ke ho go na le moporofeta wa mosadi, lebitso lage yele Anna, morwediya wa Fanuwele, wa setshaba sa Ashere. Ke ho a tsofele, wo phediye le monna wage mengwaga ye shupang hela ka morago ga lenyalo la bona, 37 ke moka a ba motlhologadi go segela a na le mengwaga ye masomeseswayinne. Ke ho a sa tloge tempeleng, a tekona tsagodya a rapela Modimo boshego le motshegare. 38 A tla ga bona ka nako yone, a leboga Modimo le go bolabola ka ngwana bathong bo ke ho ba yemele tokollo ya Jerusalema.
39 Ho Josefa le Maria ba makiye di tshwanelo ka moka tsa molawo wa Morena, ba boyela Galeliya motjing wa gabo wa Nasareta 40 Jesu a gola nameng, moyeng a na le matla le botlhale ka gore mogawu wa Modimo ke ho wole godimo gage.
Jesu ye sa le Moshemanyana Tempeleng
41 Ka ngwaga wo mongwana le wo mongwana batswadi ba Jesu ke ho ba ya monyanyeng wa Paseka Jerusalema 42 Ho Jesu a na le mengwaga ye lesomepedi, batswadi bage ba ya naye monyanyeng, go ya ka setlwayedi. 43 Ka morago ga monyanya, batswadi bage ba boyela gaye, Jesu a shala Jerusalema ba sa lemoga gore wo shele. 44 Ba sepediye leyeto la go lekana letjatji ka moka ba nagana gore wo na le bo ke ho ba le nabo, ka morago ba thoma go mo nyaka melokong ya gabo le bakgotseng ba bona. 45 Ho ba sa mo keraye, ba boyela Jerusalema go mo nyaka gona. 46 Ka morago ga matjatji ka mararo go fediye monyanya wa paseka ba mo keraya ka malapeng a tempele, a dule gare ga baruti ba molawo wa Moshe, a ba theyetsele a biye a ba botsisa le dipotsiso. 47 Ye mongwana le ye mongwana ye a mo kweleng ke ho a makatsa ke go kwesisa gage le dikarabo tsage. 48 Ho batswadi bage ba mmona, ba makele ka matla. Mmane wage a re gage: “Morwayi, ke ying taba wo re maka ka mokgwa wo? Nna le Papago re tlhopegiye ka matla re go nyaka.”
49 Jesu a ba botsisa a re: “Ke ying taba le nnyaka? Ke ho le sa tjibi gore ke tshwanele go ba ntlong ya Papa?” 50 Mara ke ho ba sa kwesise so ke ho a ba botsa sona.