Peterose wo fodisa mokgopedi wa mogolofadi
3
Ka letjatji le le ngwana Peterose le Johanese ke ho ba rotogela tempeleng ka nako ya thapelo ka iri ya boraro ka sethewo. 2 Byalo monna ye ke ho golofele go tloga go belegiweng gage, ke ho a fela a rwadiwa a beyiwa kgorong ya tempele yo ye bitsiwang kgoro ya go bafala, ke ho a fela a beyiwa matjatji ka moka gore a kgopele ga bo ba kenang ka malapeng ya tempele. 3 Ho a bona Peterose le Johanese ba kena, a ba kgopela tjheleta. 4 Peterose le Johanese ba mo lebelela thwii ka matlhong. Ke moka Peterose a re: “Re lebelele!” 5 Monna yene a ba lebelela a holofele gore ba nyoko mo neya se sengwananyana.6 Ke moka Peterose a re: “Silibere le gawuta a ke natso, Mara so ke nang le sona ke ya go fa. Ka lebitso la Jesu Kriste wa Nasareta, sepela!” 7 A mo tshwara ka letsogo la letsogotsogo a mo thusha go yemelela, ke moka ka nako yonone mawoto le dikokoyilane tsage diya tiyelela . 8 A yemelela a thoma go sepelasepela. Ke moka a kena le bona ka malapeng ya tempele, a sepela a tlolatlola a reta Modimo. 9 Ho batho ka moka ba mmona a sepela a reta Modimo, 10 ba lemoga gore ke yene monna yela ke ho a fela a dula kgorong ya go bafala a kgopela, ba tlala ka go makala ba tlabegiye ka so se makegiyeng ho gage.
Thero ya Peterose ka Tempeleng
11 Ho monna wa mokgopedi a sa tshwarelele ga Peterose le Johanese, batho ka moka ke ho ba tlabegiye ke moka ba tabogela ga Petrose le Johanese ba le mathuding wo ba a bitsa ng gore ke ya Solomone. 12 Peterose a bona so yele monyetla wa gore a bolabole le bona, ke mo ka a re: “Banna ba Israyele, ke ying taba so se le maketsa? Ke ying taba le re lebelele wo kare ke ka maatla le go loka ga rune tso di makiyeng gore monna ye a sepele? 13 Modimo wa Aborahama, Isaka le Jakobo, Modimo wa bopapa wa rune, wo tagafatsiye motlhanka wage Jesu. Le mo gafele gore a bolayiwe, le mo phegiye pele ga Pilato, le ho Pilato a be a nyaka go mo lokolla. 14 Le phegiye ye ye leng ye Mokgetwa le Moloki la kgopela gore le lokollelwe mmolayi. 15 Le bolayiye mong wa bophelo, mara Modimo wo mo tsosiye bahung. Re ditlhatse tsa so. 16 Ke ka tumelo ga Jesu ho monna ye ke ho le tjiba yele mogolofadi a maatlafatsiwuwe, a fodisiwuwe ka go dumela lebitsong la Jesu ka ho le mmona.
17 Byaloge, banabeshu, ke ya tjiba gore le makiye tso ka go nyatsa tjibo go tswana le bayetapele ba lune 18 Mara so, ke ka mokgwa wo Modimo a phetagatsiyeng, so a se bolabodiyeng peleng ka baporofeta ka moka, gore Kriste ye wo nyoko tlhorisiwa. 19 Byaloge, sokologaneng, le boyele ga Modimo, gore dibe tsa lune di sodiwe. 20 Ke moka nako ya go khutsisiwa ye nyoko tjwa bogoneng bya Morena, ke moka wo nyoko le romela Jesu, Mesiya wa lune. 21 Ka gore wo tshwanele go dula a le legedimong go segela ho dilo ka moka di bosetsiwuwe sekeng, go ya ka ho Modimo a tshepisiyeng ka gona ka baporofeta bage ba bakgetwa kgale. 22 Moshe wo yitse: ‘Morena Modimo wa lune wo nyoko le tsosela moporofeta ye a tshwanang le nna go tjwa ho gare ga batho ba lune. Le mo theyetseleng ka go tlhokomela ka moka tso a le botsang tsona. 23 Ye mongwana le ye mongwana ye a sa theyetseleng moporofeta yene, wo nyoko tlosiwa bathong bage.’
24 Ke nnete gore le baporofeta ka moka go thoma ka Samuwele le bo ba biyeng gona ka morago ga Samuwele, le bona ba bolabodiye ka tsona tso tsa matjatji wo. 25 Legona le badyabohwa bya baporofeta le bya kgwerano yo Modimo a ye makiyeng le bopapalune, hala a re ga Abrahama: ‘Ditjhaba ka moka tsa lefase di nyoko shegofatsiwa ka ditlogolwala tsago.’ 26 Ho Modimo a tsosa motlhanka wage, Jesu, wo moromme ga lune batho ba Israyele pele, go le shegofatsa ka go sokolla ye mongwana le ye mongwana wa lune tseleng yage ya bobe.”