Mmereko wa Baapostola
Jesu wo tseyiwa go ya legedimong
1
Theyofilase wa go ratega, ka pukung yaka ya mathomo yo ke go ngwaleleng yona, ke ngwadiye ka dilo ka moka tso Jesu a thommeng go di maka le go di tjhutisa, 2 go segela letjatji lo a tseyiweng ka lona go ya legedimong, morago ga ho a neyiye baapostola bage ditayelo, bo a ba kgetiyeng ka Moya wo Mokgetwa. 3 Ka morago ga go tlhorisiwa gage, wo teponagatsiye ga bona banna bo, ka mokgwa wa go kgotsofatsa gore wo wa phela. Wo tetjweletsiye ga bona ka ditsela tsa go fapanafapana matjatjing a masome a mane, a bolabola ka mmusho wa Modimo 4 Wo yitse ka nako ye nngwana ho a le tsagodyeng le bona, a ba fa tayelo a re: “Le sa tlogeneng Jerusalema, le letele mpho yo Papa a ye tshepisiyeng, yo le nkweleng ke bolabola ka yona. 5 Ka gore Jahanese Motlungwetsi ke ho a kolobetsa ka go tlhungwetsa meetjing, mara ka morago ga matjatjinyana le nyoko kolobetsiwa ka Moya wo Mokgetwa.”6 Ke moka ho baapostola ba na le Jesu, ba fela ba mmotsisa ba re: “Morena, naa nako ye segele ya go lokolla Israyele le go tsosolosa mmusho wa rune?”
7 Jesu a re ga bona: “A ye tsa lune go tjiba nako le matjatji tso Papa a di beyiyeng ka maatla yage. 8 Mara lune le nyoko fiwa maatla ho Moya wo Mokgetwa wo thewogela gedimo ga lune, le nyoko ba ditlhatse tsaka Jerusalema le nageng ka moka ya Juda le ya Samariya le go segela mafelelong ya lefase.
9 Ka morago ga ho a bolabodiye so, a rotosediwa ba mo lebelele, a kogela ke leru ba sa sa tlhwela ba mmona.
10 Ba yitse ba sa lebeledisisiye gedimo ho a kene a rotoga ka mokgwa wone, ka go yakgoswa banna ka babedi bo ke ho ba yapere tse ditjwewu, ba yema thoko ga bona ba re: 11 “Lune banna ba Galeliya, Ke ying taba le yemme le lebelele gedimo? Jesu ye a tseyiweng ga lune go ya legedimong, wo nyoko boya ka yona tsela yo le mmoneng a ya legedimong ka yona.”
Matiyase wo kgetiwa legatong la Judase
12 Ke moka baapostola ba tloga thabeng ya Metlhware ba boyela Jerusalema,ho ye ka bang kilometara ka yiyoshi go lekana leyeto la Sabatha 13 Ho ba segele, ba ya kamareng ya ka gedimo ya ntlo yo ke ho ba fela ba gatlhana gona.
Bo ke ho ba le gona ke Peterose, Johanes Filipose le Thomase
Jakobose le Andreyase,
Bartelemiyo le Matewu
Jakobose morwayi wa Alfiyose le Simone wa boganka,
le Judase morwayi wa Jakobose.
14 Ka moka bo, ke ho ba gatlhana dinako ka moka ba rapela, le Maria mmane wa Jesu, le bongwanabo Jesu, le basadi ba bangwana.
15 Ka wona matjatji wone ho setlhopa sa badumedi so ye ka bang lekgolo le masome ka mabedi ya bo ke ho ba gatlhanne Peterose a yema magareng ga bona a re: 16 “Banabeshu Moreneng, ke ho go tshwanele gore go phetagale lengwalo lo le bolabodiyeng ke Moya wo Mokgetwa ka molomo wa Dafida go yelana le Judase Iskariyote, ye a yetiyeng bo ke ho ba ya go tshwara Jesu, 17 ke ho yele ye mongwana wa rune a na le tema ye a ye kgatang ho mmerekong wo wa rune.”
18 Yene Judase, ka yona tjheleta yela a ye kereyiyeng ka mmereko wage wo mobe, wo rekiye tjhemo yo a yi yeng a wela ka tlhogo ga yona, a palega ka bogare, ke moka mala yage ka moka a kgotoga. 19 Yemongwana le yemongwana kuwa Jerusalema, wo kwele ka so, ke moka ba reyela tjhemo yone ka leleme la gabo ba re ke Akeldama, ke gore: “tjhemo ya madi.”
20 Peterose a re:
“Ka gore go ngwadiwuwe ka pukung ya Dipesalema gore:
`Le ntlo yage ye be leshupi go sa sa dula motho ga yona,’
ke moka mayemo yage ya boyetapele a tseye ke ye mongwana.’
21 Ka gona go nyakega gore re kgete ye mongwana wa banna bo ba biyeng le rune go tloga nakong ka moka ya ho Jesu a kena a yetjwa magareng ga rune, 22 go thoma ka nako ya ho Johanese a mo kolobetsa ka go mo tlungwetsa meetjing go segela ka nako ho a tlosiwa ga rune go ya legedimong. Ye a nyoko kgetiwang wo nyoko ba le rune byalo ka tlhatse ya go tsoga ga Jesu.”
23 Byalo ba shishinya mabitso ya banna ka babedi, la Josefa ye a bitsiwang Barabase ye leng Jastose le la Mathiyase. 24 Ke moka ba rapela ba re: “Morena wo tjiba pelo ya ye mongwana le ye mongwana. Re shupetse gore ke wofe ga bo ka babedi ye wo mo kgetiyeng 25 go tseya mmereko wo wa boapostola, wo wo shiyeng ke Judase Iskariote ho a ya ho go mo lebanneng.” 26 Ba maka dikgeto, gwa kgetiwa Matiyase, ke moka yene a napa a badiwa le baapostola bala ba lesometeye.