Jesu matlhong ya Pilato le Herode
23
Ke moka leshaba ka moka la yemelela la yisa Jesu ga Pilato 2 Ba thoma go mo sola ba re: “Re kerayiye monna ye a yarosa sechaba sa geshu ka go ba botsa gore ba sa patele mothelo wa Kesara le go bolabola gore yene Kriste, kgoshi.3 Pilato a botsisa Jesu, a re: “Naa ke wene kgoshi ya Bajuda?” Jesu a fetola a re:
“Wo bolabodiye gabutji.”
4 Ke moka Pilato a tjibisa moprisita ye mogolo le leshaba ka moka a re: “A ke keraye le selo ka soshi so nka mmonang molato ka sona.”
5 Mara leshaba la gapeletsa la re: “Wo tlhotlheletsa batho nageng ka moka ya Juda ka ditjhutiso tsage. Wo thomme Galeliya byalo wo tlile le ho.”
6 Ho Pilato a yekwa tso, a botsisa ho ye kaba Jesu ke Mogaleliya. 7 Ho a kwele gore Jesu wo ka tlase ga mmusho wa Herode, a mo romela ga Herode ye ka nako yone ke ho a le Jerusalema le yene.
8 Ho Herode a bona Jesu, a dyabola le go kgotsofala, ka gore ke ho yele botala a nyaka go ka mmona. Ka tso a di kweleng ka yene, ke ho a nabela go mmona a maka seka kela motlholo. 9 A botsisa Jesu dipotsiso tsa go tlala, mara Jesu a sa mo fetole. 10 Baprisita ba bagolo le baruti ba molawo ke ho ba yemme gona hone, ba mo phara ka matsaka ba kwatiye. 11 Herode le masole yage ba mo tserela le go mo kwera. Ba mo yapesa kobo ya bogoshi, ba mmosetsa morago ga Pilato. 12 Ka lona letjatji lone, Herode le Pilato ya ba bommata, pele ga hone ke ho yele manaba.
13 Pilato a bitsa baprisita ba bagolo le ba bushi le batho ka moka ba gatlhana, 14 a re ga bona: “Le ntlisele monna ye byalo ka ye a tlhotlheletsang batho go tsosa mmudubudu. Ke mo nyakisisiye ho matlhong ga lune, a ke ya keraya le selo ka soshi so nka mmonang molato ka sona. 15 Herode le yene a a ka a mmona molato, ke sona se makiyeng gore a mo romele morago ho ga rune, byalo ka ho le bona gore a go na so a se makiyeng go ka tshwanela ke lehu. 16 Ka yona taba yone ke nyoko mo teya ke moka ka mo lokolla. 17 Wo bolabodiye ka mokgwa wone ka gore ke ho a tshwanele go ba lokollela ye mongwana wa basinyi.
18 Mara leshaba ka moka la gowelela la re: “Monna yene a bolayiwe! Re lokollele Barabase! 19 Barabase ke ho ba mo tshwarele molato wa go nyaka go menola mmusho le go bolaya.
20 Pilato ke ho a nyaka go lokolla Jesu, a ba kgopela fote. 21 Mara ba fo tjwela pele ba gowelela ba re: “Mmapole! Mmapole!
22 A bolabola le bona la boraro a re: “Ke ying taba? Ke molato wofe wo monna ye a wo makiyeng? Nna a ke ya keraya le molato ka woweshi wa go ka mo yatlholela lehu. Byalo ke nyoko fo mo teya ke moka ka mo tlemolla.”
23 Mara ka leshata le legolo leshaba la tjwela pele le gowelela ka go gapeletsa gore ba mmapole, go gowelela ga bona gwa fenya. 24 Ka lebaka lone Pilato a fetsa a ba neyiye so ke ho ba se nyaka. 25 A ba tlemollela monna ye ke ho ba mo latlhele jele ka molato wa go nyaka go menola mmusho le go bolaya, a ba gafela Jesu go ya ka thato ya bona.
Go bapodiwa ga Jesu
26 Ho masole a sa tjwa le Jesu, ba gatlhana le monna ye ba reng ke Simone wa Serene, yene ke ho a segela motjing wone a yetjwa nageng, ba mo tshwara ka kgang, ba mo rwesa sefapano sa Jesu, ba maka gore a shale Jesu morago. 27 Leshaba le legolo la batho la mo shala morago, le basadi bo ke ho ba golola ba mo llela. 28 Jesu a sokologa, a ba lebelela a re ga bona: “Barwediya ba Jerusalema, le sa nllele, telleleng le llele le bana ba lune. 29 Nako ye yetla, ho le ko gore: ‘Go shegofele basadi bo ba sa belegeng, dipopelo tso di sakang diya belega bana le matswele wo a sakang a yangwisa!’ 30 Ke moka: ‘Ba nyoko re ga dithaba,
“Re weleng!” Le ga meboto:
“Re khurumetseng!”
31 Ka gore ho batho ba maka dilo tso ho ditlhare di khukhusha, go ko makega ying ho go womme?”
32 Banna ba bangwana ka babedi, ba dikebeka, le bona ke ho ba ba gapa le Jesu go ya go bolayiweng. 33 Ho ba segela tulong yo ba reng ke Legata, ba mmapola gona hone, a bapelanne le dikebeka tsela, ye mongwana a le ka letsogong la letsogotsogo, ye mongwana ka letsogong la sepata. 34 Jesu a re: “Papa, ba lebalele, ka gore a ba tjibi so ba se makang.” Ke moka ba yabelana dikobo tsage ka go kgana madayisi.
35 Batho ke ho ba yemme ba lebelele, ho yele babushi bona ke ho ba mo kwera, ba re: “Wo pholosiye ba bangwana, anke a tepholose le yene ho yele gore ke Kriste wa Modimo, ye a Kgetiwuweng.”
36 Masole le wona a tla, a mo kwera. Ba mo neya beyine ba ye gatlhannye le binika.” 37 Ke moka ba re: “Ho yele wene kgoshi ya Bajuda, tepholose.”
38 Ho gedimo ga sefapano sage, ke ho go na le pego yo ye balegang ka mokgwa wo: “YE KE KGOSHI YA BAJUDA.”
39 Ye mongwana wa dikebeka tsela ye ke ho a bapodiwuwe thina naye a mophara ka maroga a re: “Gale a ye wene Kriste? Tepholose wo re pholose le rune!”
40 Mara sekebeka sela se sengwana sa mo kgalemela sa re: “Naa a wo tjhabe Modimo, le ho yele gore wa bona gore re wele ke molato wa go tshwana le wage? 41 Rune re wotliwa ka molato wo wo re tshwaneleng. Mara ho yele monna ye a a na phosho yo a ye makiyeng.”
42 Ke moka a re: “Jesu, wo nkgopole ho wo tla ka mmusho wago.”
43 Jesu a mo fetola, a re: “Nyanese, ke ya go botsa, lehono lo, wo nyoko ba le nna paradeyising.”
Lehu la Jesu
44 Ke ho ye shele yele ka iri ya lesomepedi motshegare, ho naga ka moka ye wela ke letshwifi go segela ka iri ya boraro ka sethewo, 45 letjatji la fifala. Le legareteng la tempele la tlerogo ka bogare go thoma gedimo go ya fase. 46 Jesu a gowelela ka lentsu le legolo a re: “Papa, moya waka ke wo gafela matsogong yago.” Ho a bolabodiye tso, a neyela moya.
47 Letona la masole a lekgolo, ho a bona tso di makegiyeng, a tumisa Modimo a re: “Nyanisi, monna ye ke ho yele moloki.” 48 Batho ka moka bo ke ho ba tlile go bona tso ke ho di makega, ba tekgitla dihuba ba tloga. 49 Mara ka moka bo ke ho ba mo tjiba, gagoshi le basadi bo ba mo lateleng go tloga Galeliya, ke ho ba yemele kgolenyana, ba lebelele dilo tso.
Poloko ya Jesu.
50 Byalo ke ho go na le monna wa go loka ye lebitso lage ke ho yele Josefa, yele ye mongwana wa matona a lekgotla la Bajuda, 51 ye ke ho a sa kwane le sepheto sa Bajuda le tso ba di makang. Ke ho a tjwa motjing wa Juda wa Arimathiya, ke ho a letiye mmusho wa Modimo. 52 A ya ga Pilato go kgopela mmele wa Jesu. 53 Ke moka a ya a fegolla mmele wa Jesu, a wo phutela ka malapi, a wo boloka lebitleng lo ke ho le betliwuwe letlapeng, lo ke ho go so ko ba go bolokiwa motho ga lona. 54 Ka lona tjatji lone ke ho ba lokisela Sabatha ka ho ye shele ye le thina.