Jesu wo tsoga Bahung
24
Ka letjatji la mathomo la beke, ye sa le ka boshego, basadi ba tsere dinoko tso ba di lokisiyeng ba ya lebitleng. 2 Ba kerayiye letlapa le kgokolosiwuwe go tloga lebitleng, 3 mara ho ba kena, a ba keraya mmele wa Morena Jesu. 4 Ho ba sa gakanegiye, ka go yakgoswa ba bona banna ka babedi bo ba yapereng dikobo tsa go gadima go tshwana le legadima ba yemme ka thoko ga bona. 5 Ka go tjhoga basadi ba yinamisa difatlhego, mara banna bone ba re ga bona: “Ke ying taba le nyaka bo ba phelang magareng ga bo ba hwileng? 6 A a shiyo ho, wo tsogiye! Gopolaneng ka ho a le botsiyeng ka gona, hala a sa na le lune kuwa Galeliya? 7 A re: `Morwayi wa Motho wo tshwanele go gafediwa diyatleng tsa badiradibe, a bapodiwa ka letjatji la boraro a tsosiwa bahung.''` 8 Ke moka ba napa ba gopola mantsu ya Jesu.9 Ho ba boya morago go tjwa lebitleng, ba botsa ba lesometeye le ba bangwana dilo tso ka moka ga tsona. 10 Ke ho yele Maria Makgatalena, Jowanna, Maria mmane wa Jakobose, le ba bangwana bo ke ho ba na le bona bo ba botsiyeng baapostole dilo tso ka moka. 11 Mara baapostola a ba dumela tso basadi bo ke ho ba ba botsa tsona, ka gore mantsu ya bona ke ho a sa kwesisege. 12 Mara Petrose yene, a tlogamela a tabogela lebitleng. Ho a segela lebitleng, a wokamela, a bona malapi hela a tlalaganne, a boyela morago, a makele gore go ka ba go makegiye ying.
Tseleng ya go ya Emmawuse
13 Byalo ka lona letjatji lone, ka babedi ba balatedi ba Jesu ke ho ba le tseleng ya go ya motjaneng wa Emmawuse, leyeto la go ka lekana dikhilometara tse lesometeye go tloga Jerusalema. 14 Ke ho ba bolabodisana ka dilo ka moka tso di makegiyeng. 15 Ho ba kene ba sepela ba bolabodisana ka dilo tsone, Jesu ka boyene a tjwelela a sepela nabo, 16 mara ba sa kgone go mo lemoga.
17 Jesu a ba botsisa a re: “Ke ying so le sepelang le bolabodisana ka sona?” Ba yema, ba homolela, difatlhego tsa bona di nyamme.
18 Ye mongwana wa bona, ye ba reng ke Klopase, a mmotsisa a re: “Ke wene motho wo le ntoshi wo yeteleng Jerusalema, ye a sa tjibing tso di makegiyeng gona kuwa matjatjing wo?”
19 Jesu a ba botsisa a re: “Dilo dife?” Ba fetola ba re: “Ke ditaba tsa Jesu wa Natsareta, ke ho yele moprofeta, a na le maatla lentsung le mmerekong wa Modimo le bathong ka moka.
20 Baprisita ba bagolo le bo ba re bushang ba mo gafele gore a yatlholediwe lehu, ke moka ba mmapola, 21 mara rune ke ho re na le tshepo ya gore ke yene ye ke ho a nyoko pholosang Isirayele. Go feta hone, ke letjatji la boraro dilo tso di makegiye. 22 Gedimo ga hone, ba bangwana ba basadi bo ke ho re sepela nabo ba re makatsiye. Ba yiye lebitleng lehono ka boshego, 23 mara a ba kereya mmele wage. Ho ba boya morago ba re botsiye gore ba bonne pono ya mangeloyi, a ba botsa gore Jesu wa phela. 24 Ke moka ba bangwana bo ke ho re berekisana nabo ba ya lebitleng ba le keraya le le ka mokgwa wo basadi ba bolabodiyeng ka gona, a ba wo bona mmele wa Jesu.
25 Jesu a re ga bona: “Le diphokophoko tsa mafelelo, fote le shitega le go dumela diporofeto ka moka tso di bolabodiyeng ke baprofeta! 26 Gale Kriste ke ho a sa tshwanela go tlhorisiwa ka dilo tso ke moka a kene letagong lage?” 27 Go thoma ka Moshe le baporofeta ka moka, wo ba tlhalosele tso di bolabodiwuweng Mangwalong ya Makgetwa tso ke ho di mo lebanne.
28 Ho ba shele ba le thina le motjana wo ke ho ba ya ga wona, Jesu a maka wo ka re wo sa ya pelenyana. 29 Mara ba mo kgopela ka maatla, ba re: “Dula le rune, ka gore ye shele ye nyoko ba boshego.” Ke moka a ya a dula le bona.”
30 Ho a dule tafoleng le bona, a tseya sekgwa, a leboga, a se ngatha, a thoma go ba fa. 31 Matlho ya bona a bulega ba thoma go mo tjiba, ka go yakgoswa a nyamalala matlhong ya bona. 32 Ba botsisana ba re: “Naa a re ya kwa dipelo tsa rune di swa hala a bolabodisana le rune ka Mangwalo ya Makgetwa ho re sepela naye kuwa tseleng?”
33 Ba tlogamela ka go yakgoswa ba boyela Jerusalema. Gona hone ba keraya ba lesometeya le bo ke ho ba na le bona, ba kgobokanne, 34 ba re: “Ke nnete! Morena wo tsogiye wo teponagatsiye ga Simone.” 35 Ke moka bala ka babedi ba ba yanegela tso di makegiyeng tseleng, le ka ho ba kgonneng go mmona gore ke Jesu ho a ngatha sekgwa.
Jesu wo teponagatsa ga barutiwa bage.
36 Ho ba sa bolabola ka tsona, Jesu a yema magareng ga bona, a re ga bona: “Khutjo yebe le lune.”
37 Ba makala ka go tjhoga, ba nagana gore ba bona sepoko. 38 Jesu a re ga bona: “Ke ying taba le tjhogiye, ke ying taba go tsoga go dikadika menaganong ya lune? 39 Lebelelang matsogo le mawoto yaka. Ke nna! Nkgwateng le bone, sepoko a sena nama le mashapo, ka ho le bona gore nna ke na le tsona.”
40 Ho a fetsiye go bolabola tsone, a ba shupetsa matsogo le mawoto yage 41 Ho ba tjwela pele ba sa dumele ka lebaka la godyabola le go makala, a ba botsisa, a re: “Naa le na le sa godyanyana? 42 Ba mo neya setloponyana sa tlhapi ya go besiwa, 43 a ye tseya a dya ba mo lebelele.
44 Jesu a re ga bona: “Dilo tso ke tso ke le botsiyeng tsona hala ke sa na le lune. Dilo ka moka tso di ngwadiwuweng ka nna Molawong wa Moshe, Baporofeteng le Dipesalemeng di tshwanele go phetagala.”
45 Wo budiye menagano ya bona gore ba kgone go kwisisa Mangwalo ya Makgetwa. 46 A ba botsa a re: “So ke so se ngwadiwuweng, Kriste wo nyoko tlayisiwa a tsoga bahung ka letjatji la boraro, 47 tshokologo ya go lebalediwa dibe ye nyoko reriwa go thoma Jerusalema, go ya ditjhabeng ka moka tsa lefase ka lebitso lage. 48 Lune le ditlhatse tsa dilo tso. 49 Ke ya go le romela so Papa a se tshepisiyeng, mara dulang motjing go segela le tlatsiwa ka maatla ya Moya wo Mokgetwa go tjwa legedimong.”
Jesu wo rotogela legedimong
50 Ka morago ga ho a ba yetiye matlhong go tjwa tikologong ya Bethaniya, a yemisela matsogo gedimo a ba shegofatsa. 51 Ho a sa ba shegofatsa, a ba shiya a tseyiwa a ya legodimong. 52 Ke moka ba mo khunamela ba boyela Jerusalema ba dyabodiye ka maatla. 53 Ba tjwela pele ba dula tempeleng, ba reta Modimo.