Judase Iskariyote wo dumela go rekisa Jesu
22
Byalo Monyanya wa Sekgwa sa go sa womediwa, wo wo bitsiwang Paseka ke ho wo tjhutela, 2 baprisita ba bagolo le baruti ba molawo ke ho ba lebelele mokgwa wo ba ka tshwarang Jesu ka gona, ka gore ke ho ba tjhaba batho. 3 Ke moka Sathane a kena pelong ya Judase Iskariyote, ye mongwana wa ba lesomepedi. 4 Judase a ya ga baprisita ba bagolo le ga batlhanka ba go leta tempele a bolabodisana nabo ka ho a ka rekisang Jesu ka gona. 5 Ba yiye ba dyabola ka maatla, ba dumela go mo neya tjheleta 6 A dumela go yamogela thjeleta, a nyaka nako ye butji yo a ka ba rekiselang Jesu ka yona ho go senang batho.Selalelo sa Mafelelo
7 Byalo gwa tla letjatji la sekgwa sa go sa womediwa lo ka lona nku ya Paseka ye tlhabiwang. 8 Jesu a roma Peterose le Johanese a re: “Ariyeneng le re lokisele ho re yang go dya Paseka.”
9 Ba botsisa ba re: “ Ke kaye ho wo nyakang re ye lokisa gona Paseka?”
10 Jesu a fetola a re: “Ye tlore ho le kena motjing, le nyoko gatlhana le monna ye a rweleng pitsa ya meetji. Mo shaleneng morago go segela ntlong yo a kenang ga yona, 11 ke moka le re ga mong wa ntlo: ‘Moruti wo re kamara ya bayeng ye kaye yo nka dyelang Paseka ga yona le barutiwa baka ? 12 Wo nyoko le shupetsa kamara ye kgolo ya ka gedimo, ye lokisiwuwe. Le lokisele Paseka gona hone.’”
13 Peterose le Johanese ba tloga ba keraya dilo di le ka ho Jesu a ba botsiyeng ka gona, ke moka ba lokisela Paseka.
14 Ho nako ya godya Paseka ye segele, Jesu a tla a dula tafoleng le baapostola. 15 Ke moka a re ga bona: : “Ke nabele ka maatla go dya Paseka yo le lune pele ga ho ke tlayisiwa go yisa lehung. 16 Ka gore ke ya le botsa , nka sa sa dya fote le lune go segela dilo tso di phetagala mmushong wa Modimo.”
17 Morago ga ho a tsere komitji ya beyine, wo lebogiye a re ga bona: “Tseyang le yarolelaneng. 18 Ka gore ke ya le botsa nka sa sa nwa fote seyengwa so sa mobeyine go segela ho mmusho wa Modimo wo tla.”
19 A tseya sekgwa, a leboga a ngathanya, a ba neya a re: “Wo ke mmele waka wo wo gafiwang ka taba ya lune, le makeng sona so yele go ng-gopola.”
20 Ka wona mokgwa wone ka morago ga ho ba dyile tsagodya tsa ka malobana, wo tsere komitji a re: “Komitji yo ke kgwerano ye ntshwa mading yaka, wo a falalang ka taba ya lune. 21 Mara ye a yang go nrekisa ke naye ho tafoleng. 22 Morwayi wa Motho wo nyoko sepela go ya ka ho go bolabodiwuweng ka gona ka yene, mara wa madimabe ke motho ye a mo rekisang.” 23 Barutiwa ba thoma go botsisana ka bobonabeng ba nyaka go tjiba gore ke mang ye a ka makang dilo tso.
24 Fote gwa ba le go phegisana gare ga bona gore ke mang ye a ka bang ye mogolo. 25 Jesu a bolabola le bona a re: “Dikgoshi tsa Baditjhaba di busha gedimo ga batho ba tsona, ka go ba gatelela,le babushi ba tsona ba bitsiwa bathushi ba batho. 26 Mara ga lune go sa be ka mokgwa wone.Ye a nyakang go ba ye mogolo ho ga lune a be ye monyana,ye a bushang a be byalo ka motlhanka. 27 Ye yeleng ye mogolo ke wofe, naa ke ye a duleng tafoleng kela ye a tlhankelang? Naa a ye ye a duleng tafoleng? Mara ke ho ga lune byalo ka motlhanka . 28 Lune le bo ba yemmeng le nna mathatheng. 29 Ke tiyisa mmusho wo ho ga lune, go tshwana le ho Papa a tiyisele mmusho ho gaka, 30 gore le dye le nwe tafoleng yaka mmushong waka le go dula ditulong tsa bogoshi, le yatlholela meloko ye lesomepedi ya Israyele.”
31 Jesu a re ga Simone: “ Simone, Simone, Sathane wo kgopele go go fefera go tshwana le mooko. 32 Mara ke go rapelele, Simone, gore tumelo yago ye sa fele. Ho wo solokigiye wo tiyise bana ba geno.”
33 Simone a fetola a re: “Morena, ke tekemisele go ya nago jele le ho yele lehung.”
34 Jesu a mo yaraba a re: “Ke ya go botsa Peterose, lehono pele ga ho kgogo ya phooko ye leka, wo nyokoba wo ganne gararo wo re a wo ntjibi.”
35 Jesu a botsisa barutiwa bage a re: “Hala ke le roma le se na sekhwama sa tjheleta, sekhwama sa dikobo kela bomaphashene, naa le biye le so le se tlhokiyeng?”
Ba fetola ba re: “A re ya tlhoka selo.”
36 Jesu a re: “Mara byalo ho wo na le sekhwama sa tjheleta se tseye, le sekhwama sa dikobo se tseye, le ho wo se na sabola rekisa ye nngwana ya dikobo tsago wo reke sabola. 37 Go ngwadiwuwe gore: ‘Wo nyoko badiwa le basenyi, ke ya le botsa gore so se tshwanele ke go makega ho gaka.Ee, so se ngwadiwuweng ka nna se tshwanele go makega.’”
38 Barutiwa ba Jesu ba re: “Bona Morena, disabola ka dipedi ke tso.”
Jesu a re: “Di lekanne.”
Jesu wo rapela Thabeng ya Metlhware
39 Jesu a tjwa a ya Thabeng ya Metlhware byalo ka ho a tlwayele, barutiwa bage ba mo latela. 40 Ho a segele a re ga barutiwa bage: “Rapelaneng gore le sa wele molekong.” 41 A ba shiya a ya kgolenyana ga go ka lekana le go foshiwa ga letlapa, a kgotama a rapela a re: 42 “Papa, ho wo rata, tlosa komitji yo ya ditlayisego ho gaka, mara ye sa be go rata gaka yebe go rata gago.” 43 Lengeloyi la tjwa legedimong la tla la mo tiyisa. 44 A le tlalelong a rapela le go fetisa, dinepedi tsage dya tshwana le mathothi ya madi ho a thothela mobung.
45 Ho a tsoga hone go rapeleng, a boyela ga barutiwa, a ba keraya ba yetsele, ba tinwesiye ke go nyama. 46 A ba botsisa a re: “Ke ying taba le yetsele. Tsoganeng le rapeleng gore le sa wele molekong.”
Jesu wa tshwariwa
47 Ho a sa bolabola leshaba la segela le yetiye matlhong ke Judase Iskariyote ye mongwana wa ba lesomepedi. Judase a tjhutela ga Jesu a mo khisa, 48 Jesu a mmotsisa a re: “Judase naa wo rekisa Morwayi wa Morwayi wa Motho ka khisi?”
49 Ho balatedi ba Jesu ba bona so ke ho se nyoko makega ba re:“Morena naa re lwe ka disabola tso tsa rune?” 50 Ye mongwana wa balatedi ba Jesu a ntsha sabola a kopa tsebe ya letsogotsogo ya motlhanka wa moprisita ye mogolo.
51 Mara Jesu a fetola a re: “Awowa, go lekane!” A tseya tsebe ya motlhanka yela a ye mamaretsa, a fola.
52 Ke moka Jesu a re ga baprisita ba bagolo, bagolo ba go leta tempele, le bayetapele ba mmudubudu a re: “Naa ke yetiye marabele pele ho le tla le tshwere disabola le dirogo? 53 Letjatji le letjatji ke ho ke na le lune malapeng ya tempele, a le yaka la ntshwara. Mara ye ke nako ya lune, ho letshwifi le busha.”
Peterose wo gana gore wo tjiba Jesu
54 Ke moka ba tshwara Jesu, ba ya naye ntlong ya moprisita ye mogolo. Peterose a latela a le kgolenyana. 55 Mara ho bo ba tshwereng Jesu ba gotsiye mollo lapeng ba dule ba wora, Peterose le yene a tjhutela a dula nabo. 56 Ngwannyana a mmona hone mollong. A mo lebelela gabutji ka bothina a re: “ Monna ye ke ho a na le Jesu”
57 Mara Peterose a ganetsa a re: “Mosadi, motho yene a ke mo tjibi.”
58 Ka morago ga nakonyana ye mongwana le yene a bona Peterose hala mollong a re: “Le wene wo ye mongwana wa bona.”
Peterose a fetola a re: “Monna, a ye nna!”
59 Ka morago ga iri, ye mongwana hala mollong a tiyisa a re: “Ke nnete mothaka ye ke ho a na le Jesu, ka gore ke Mogaleliya.”
60 Peterose a fetola a re: “Monna, a ke tjibi gore wo bolabola ka ying!” Ka yona nako yone ho Peterose a sa bolabola, kgogo ya phooko ya leka. 61 Jesu a sokologa a mo lebelela twii ka matlhong. Ke moka Peterose a gopola lentsu lo Jesu a le bolabodiyeng a re: “Pele kgogo ya phooko ye leka lehono,wo nyokoba wo ganne gararo wore a wo ntjibi.” 62 Peterose a tjwela ka tawong a lla ka maatla.
Baleti ba kwera Jesu
63 Banna bo ke ho ba letiye Jesu ba thoma go mo kwera le go mo teya. 64 Ba mo thiba matlho ba gapeletsa ba re: “Porofeta wo re botse gore wo teyiye ke mang?” 65 Ba bolabola le dilo tsa go tlala ba mo rogelela.
Jesu wo matlhong ya Pilato le Herode
66 Ho letjatji le tlhaba, lekgotla la bagolo ba setjhaba, baprisita ba bagolo le baruti ba molawo wa Moshe, ba kgobakana, Jesu a tlisiwa matlhong ya bona 67 Ba re ga Jesu: “Re botse ho wo le Kriste.” Jesu a fetola a re: “Ho nka le botsa le ka sa dumele,
68 ho nka le botsisa le ka sa fetole. 69 Mara go tloga gona byalo, Morwayi wa Motho wo nyokoba a dule letsogotsogong la maatla ya Modimo”
70 Ka moka ga bona ba botsisa ba re: “Naa ke wene Morwayi wa Modimo?” A fetola a re: “Le ya resa ho le re ke nna Morwayi wa Modimo.”
71 Ke moka ba re: “Re sa nyaka botlhatse bya ying? Re bo kwele go tjwa molomong wage.”