Moneyelo wa motlhologadi
21
Ho Jesu a lebelela a bona ka ho bahumi ba tjhelang moneyelo ya bona bobolokelong bya tempele. 2 A bona fote motlhologadi wa modidi a tjhela dipeperetlana ka dipedi tsa koporo. 3 Jesu a re: “ Ke le botsa nnete, motlhologadi ye wa modidi wo tjhediye go fetisa ka moka bo ke ho ba tjhela. 4 Batho ka moka ba tjhediye dimpho tsa bona go tjwa mahumong ya bona mara yene go tjwa bodiding byage wo ntshiye ka moka so ke ho a nyoko phela ka sona.Matshwawo ya nako ya bofelo
5 Ba bangwana ba barutiwa ke ho ba bolabola gabutji ka mokgwa wo moyago wa tempele ke ho wo kgabisiwuwe ka gona ka matlapa ya mabutji le dimpho tso ke ho di gafediwuwe Modimo. 6 Mara Jesu a re: “ Ka tso le di bonang ho, nako ye nyoko tla yo go ka sa shaleng le letlapa ka lloshi le dule gedimo ga le lengwana, ka moka matlapa a nyoko wesediwa fase.
7 Ba botsisa ba re: “ Moruti, naa dilo tso di nyoko makega leng. Le gona ke letshwawo lefe la go shupetsa gore di shele di nyoko makega?”
8 Jesu a fetola a re: “Tlhokomelaneng gore go sa be le ye a le tshokanyang. Ka gore ba go tlala ba nyoko tla ka lebitso laka ba temaka nkare ke bona Mesiya. Nako ye thina . Le sa ba shaleng morago. 9 Ho le yekwa ka ga dintwa le go tsogelana maatla ga mebusho, le sa tjhogeneng. Dilo tso di tshwanele ke go makega mara bofelo bo ka satle ka nako yonone.”
10 Jesu a re ga bona: “Setjhaba se nyoko tsogela se sengwana setjhaba maatla le mmusho wo nyoko tsogela wo mongwana mmusho. 11 Go nyokoba le ditjhikinyego tsa lefase tse dikgolo, ditlala, masetlapelo mafelong ya go tlala, ditiragalo tsa go tjhabisa le matshwawo go tjwa legedimong.
12 Mara pele dilo tso di makega, ba nyoko le tshwara ba le tlhorisa. Ba nyoko le yisa disenagogeng tsa bona le jele, ba le yisa matlhong ya dikgoshi le babushi, tso ka moka yele ka taba ya lebitso laka. 13 So se nyoko maka gore le be ditlhatse ga bona. 14 Mara le bone gore a le tshekele pele ga nako gore le ya go tetjhireletsa byang. 15 Ka gore ke nyoko le neya mantsu ya ga butji le botlhale bya gore go sa be le ka wuweshi wa manaba ya lune ye a ka kgonang go fetola kela go ganetsa. 16 Yishita le bo ba leng thina gago, batswadi, bobhute, mashaga le bommata ba lune ba nyoko le rekisa, ba ba bolaya le ba bangwana ba lune. 17 Le nyoko tlhoya ke batho ka moka ka taba laka. 18 Mara a gona le meriri ya lune tlhogong ye nyokogo loba. 19 Ka go yema le tiya le nyoko keraya bophelo.
20 Ho le bona Jerusalema ye dikanetsiye ke masole, le tjibeng gore tshenyego ya yona ye thina 21 Ke moka bo ba leng Juda ba tjhabele dithabeng, bo ba leng Jerusalema ba tjwe, bo ba leng nageng ba sa kene motjing 22 Ka gore ye nyokoba yele nako ya Modimo ya go patedisa melato le go phetagatsa tso di ngwadiwuweng. 23 Madimabe ye nyokoba basadi ba bayimana le bommane bo ba yangwisang! Go nyoko ba le masetlhapelo ya magolo lefaseng le go galefa ga batho. 24 Ba nyoko bolayiwa ka sabola kela ba romediwa byalo ka makgoba ditjhabeng ka moka tsa lefase. Jerusalema ye nyoko gatela ke Baditjhaba go segela nako ya Baditjhaba ye phetega.
25 Go nyokoba le matshwawo letjatjing, ngweding le ga dinanedi. Lefaseng ditjhaba di nyoko tlalela le go tlhakatlhakana ka go duma le go bilogana ga lewatle. 26 Batho ba nyoko yidibatsa ke letjhogo ho ba lemoga so se tlang lefaseng ka gore dibopego tsa legedimo di nyoko shikinyega. 27 Ka yona nako yone ba nyoko bona Morwayi wa Motho a tla ka leru a na le maatla le letago le legolo. 28 Ho dilo tso di thoma go makega, tsogang le lemoge ka gore pholosho ya lune ye shutele thina.”
29 Jesu a ba botsa setshwaniso a re: “ Lebelelaneng setlhare sa mogo le ditlhare ka moka. 30 Ho di tlhoga matlakala, le ya tjiba gore selemo se thina. 31 Le ho go le ka mokgwa wone, ho le bona dilo tso di makega, le tjiba gore mmusho wa Modimo wo thina.
32 Ke le botsa nnete, moloko wo wo ka sa fete dilo tso di so ko ba di makega. 33 Legedimo le lefase di nyoko feta, mara mantsu yaka a ka sa fete.
34 Tlhokomelaneng gore dipelo tsa lune di sa gogagogiwe ke menate ya lefase, la nwa la tlayila, le go tshekela tsa bophelo, letjatji lone la le wela gedimo go tshwana le sefu le sa nagana. 35 Ka gore le nyoko tlela batho ka moka bo ba yagiyeng lefaseng. 36 Dulaneng le letiye, le rapele gore le kgone go phonyoga ka moka tso di nyoko makegang, le gore le tle le yeme matlhong ya Morwayi wa Motho.”