Jesu wo botsisiwa ka matla yage
20
Ka letjatji le lengwana ho Jesu a tjhutisa batho a le malapeng ya tempele, a biye a rera Taba ye Butji, baprisita ba bagolo, baruti ba molawo le bagolo ba setjhaba ba tla gage ba botsisa ba re: 2 “Re botse, ke ka maatla ya mang ya wo makang dilo tso ka wona?”, ke mang a go neyiyeng maatla ya?”3 Jesu a fetola a re: Le nna ke nyoko le botsisa potsiso : 4 “Naa kolobetso ya Johanese Motlungwetsi ke ho yetjwa legedimong kela bathong?”
5 Ba bolabodisana bona beng ba re: “Ho re ka re: ‘Ke ho yetjwa legedimong’ wo nyoko re botsisa a re:’ Ke ying taba le sa ka la mo dumela?’ 6 Mara ho re ka re: “Ke ho yetjwa bathong’ batho ka moka ba nyoko re pshaya ka matlapa ka gore ba kgodile gore Johanese ke ho yele moporofeta.”
7 Ke moka ba fetola ba re: “A re tjibi gore ke ho yetjwa kaye.”
8 Ke moka Jesu a re: “Gona le nna nka sa le botse gore ke maka dilo tso ka matla ya mang”
Setshwaniso sa bahirisiwa
9 Jesu a ya matlhong a botsa batho setshwaniso so a re: “Monna wo gashiye ditereba tjhemong yage, a hirisa ba bangwana balemi tjhemo yone, a ya leyetong nako ye telele. 10 Ka nako ya go buna, a romela batlhanka bage ga bahirisiwa gore ba ba neye tse dingwana tsa diyengwa tsa tjhemo. Mara bahirisiwa ba teya motlhanka ba mo solotsa a sa tshwara selo. 11 A roma ye mongwana motlhanka, mara le yene ba mo teya, ba mo tjebisanya le go mo solotsa a sa tshwara selo. 12 Le ho go le byalo a roma motlhanka wa boraro, ba mo kwaletsa ba mo latlhela ka tawong ga tjhemo.
13 Ke moka mong wa tjhemo a re: ‘Ke make ying byalo? Ke nyoko roma morwayi waka ye ke mo ratang, motlhomongwana ba ka mo tlhompa’
14 Mara ho bahirisiwa ba bona morwayi wage, ba bolabola ba fetsa ka yene ba re: ‘Ye ke modyabohwa. Tlaneng re mmolayeng, bohwa bo nyoko tseya ke rune’ 15 Ke moka ba mo tshwara ba mo latlhela ka tawong ga tjhemo ba mmolaya. Ke ying so mong wa tjhemo a nyokogo se maka bahirisiwa?
16 Wo nyoko tla a bolaya bahirisiwa, a neya ba bangwana tjhemo.” Ho batho ba kwele tso ba re: “Tso di sa tsoge di makegiye!”
17 Jesu a ba lebelela a re:
“Byalo lengwalo lo le ngwadiwuweng le ra ying ho le re:
‘Letlapa lo bayagi ba le nyatsiyeng ye biye lona la mothewo wa sekhutlo.’
18 Ye mongwana le ye mongwana ye a welang letlapa lo, wo nyoko tlopogana a ba ditlopotlopo, mara ye le welang gedimo wo nyoko shilegana”
19 Baruti ba molawo le baprisita ba bagolo ba nyaka tsela ya go mo tshwara. Ka go yakgoswa ka ho ba tjibiye gore Jesu wo bolabola setshwaniso so kgatlhanong le bona. Mara ke ho ba tjhaba batho.
Go patela Mothelo wa Kesara
20 Ba nyakisisa lebaka la gabutji la go mo tshwara ka lona, ba romela ditlhodi ga Jesu tso di temakiyeng kare di tshepegiye di tshepiye gore di nyoko mo tshwara ka se sengwana satso a di bolabodiyeng gore batle ba moneyele matsogong ya mmushi ye a nang le matla. 21 Ditlhodi di botsisiye Jesu dya re: “Moruti, re ya tjiba gore wo bolabola ga butji yebeye wo tjhutisa tsa go loka, le gona a wo tseyatseye ke tso batho ba di bolabolang wo tjhutisa batho tsela ya Modimo ka nnete. 22 Bjalo re botse, naa go lokiye gore re patela mothelo ga Kesara kela a gwa loka?”
23 Jesu a bona botemakisi bya bona a re ga bona: 24 “Nshupetseng sepeperetlana sa tjheleta ya go patela ka yona mothelo.” Ho ba mo shupetsiye a re: “Ke setshwantsho sa mang go gatisiwuwe mang ho?”
25 Ba fetola ba re: “Ke tsa Kesara.” Jesu a re ga bona: “Gona faneng Kesara tso ye leng tsa Kesara, le Modimo le mo fe tso yeleng tsa Modimo.”
26 Ba shitegiye go mo tanya ka tso a ba botsiyeng tsona. Ba makatsa nka ho a ba fetodiyeng ka gona ba napa ba homolela.
Tsogo ya bahu le lenyalo
27 Ba bangwana ba Basaduseyi, bo ba reng a go na go tsoga ga bahu, batlile ga Jesu ka potsiso ba re: 28 “Moruti, Moshe wo re ngwalele a re ho monna a yehwa a shiya mosadi a se na bana, bhute wage wo tshwanele ke go nyala motlhologadi yene a be le bana bo ye leng ba bhute wage. 29 Byalo a re fore ke ho go nale bo bhute ba bashupa. Wa mathomo a nyala mosadi, a hwa ba sena bana. 30 Bhute wa bobedi a nyala mothlologadi yene, mara le yene a hwa ba sena bana. 31 Ke moka bhute wa boraro a mo nyala le yene. Ka mogwa wo none le ba la ba go latela ba monyala go segela ka wa boshupa le bona bahwa ba sena bana. 32 Mafelelong mosadi le yene a hwa. 33 Byalo gee, tsogong ya bahu mosadi ye nyokoba wa mang ka ho ba mo nyadiye ba le ba ba shupa?”
34 Jesu a fetola a re: “Lenyalo ke la batho ba ho lefaseng, 35 Mara bo ba kobang ba tsosiwuwe nakong yo ye tlang, ba ka sa nyale kela go nyadiwa, ba ka sa sa hwa fote, ka gore ba nyoko tshwana le mangeloyi. 36 Ke bana ba Modimo ka ho ye koba yele bana ba tsogo ya bahu. 37 Mara bjalo ho yele ka taba ya go tsoga ga bahu, le Moshe wo tiisiye taba yo ka so a se ngwadiyeng ka taba ya go dura ga sethokgwa, ka morago ga nako ye telele ho Aborahama, Isaka le Jakobo ba hwile wo bolabodiye ka ‘Modimo bjalo ka Modimo wa Aborahama Modimo wa Isaka le Modimo wa Jakobo.’ 38 Ka gore ka moka ba phela ho gage, ka gona a ye Modimo wa bo ba hwileng, ke Modimo wa bo ba phelang.”
39 Ba bangwana ba baruti ba molawo bo ke ho ba yemme hone ba re: “Wo bolabodiye gabutji moruti.” 40 Gwa sa be le ye a mmotsisang potsiso fote.
Naa, Kriste ke morwayi wa mang?
41 Ke moka Jesu a re ga bona: “Go tla byang ba re Kriste ke Morwayi wa Dafida? 42 Ka gore Dafida yenemong wo ngwadiye dipisalemeng a re:
“Morena wo yitse ga Morena waka:
‘Dula ka letsogotsogong laka
43 go segela ke maka manaba yago bogato bya mawoto yago.
44 Dafida wo mmitsiye Morena,’ Go tla byang gore ye be morwayi wage?”
45 Ho batho ka moka ba sa theyetsele, Jesu a re ga barutiwa bage: 46 “Tlhokomelaneng baruti ba molawo. Ba nyaka go sepela sepela ba yapere dikobo tse di telele le go nyaka go dumedisiwa mebarakeng le go ba le madulo ya kawone ka matla disenagogeng le mafelo ya go tlhompega menyanyeng. 47 Ba dya malapa ya batlhologadi, ba rapela dithapelo tse di telele gore ba bonagale. Banna bo ba nyoko wotliwa gobaba.”