Sakewu mopatedisi wa mothelo
19
Jesu a kena motjing wa Jeriko mara ke ho a fo feta ka gona. 2 Ke ho go na le monna gona hone lebitso lage ba re ke Sakewu, Ke ho yele ye mogolo ga bapatedisi ba mothelo, a humme. 3 A nyaka go bona gore Jesu ke mang, mara ka ho yebe yele monna ye mo kopana a sa kgone ka lebaka la leshaba. 4 Ke moka a tabogela pele ga leshaba a kalama setlhare sa mogo gore a bone Jesu, ka ho Jesu a nyoko feta gona hone.5 Ho Jesu a segele lefelong lone, a lebelela gedimo a re ga Sakewu: “Sakewu, yakgoswa wo phologe ke tshwanele ke go dula ntlong yago lehono”. 6 Ka go yakgoswa a phologa a tseya Jesu a mo yisa gaye gage ka go dyabola.
7 Batho ka moka ho ba bonne so ba thoma go ngunanguna ba re: “Wo yiye go ba moyeng wa modiradibe.”
8 Mara Sakewu a tlogamela a re ga Morena Jesu: “Bona, Morena! Gona byalo ke neya badidi seripa sa lehumo laka le ho ke ropiye ye mongwana selo, ke nyoko se busetsa gane.”
9 Jesu a re gage: “Lehono pholosho ye tlile ntlong yo, ka gore le yene ke morwayi wa Aborahama. 10 Ka ho Morwayi wa Motho a tlile go nyaka so se latlhegiyeng.”
Setshwaniso sa diponto tse lesome
11 Ho ba sa theyetsele tsone, Jesu a ya matlhong a ba botsa setshwaniso, ka ho a be a le thina le Jerusalema, batho ke ho ba naganne gore mmusho wa Modimo byalo wo ya go bonagala ka go yakgoswa. 12 Jesu a re: “Monna wa go tjwa lapeng la bogoshi wo yiye nageng ya kgole gore a tseye bogoshi ke moka a boye morago. 13 Ke moka a bitsa batlhanka bage ba lesome a ba neya diponto tse lesome a re: ‘Berekisaneng tjheleta go segela ke boya morago’
14 Mara bo a beng a nyoko ba busha ke ho ba mo tlhoyiye, ba roma batho go botsa bala ba kuwa a yang go tseya bogoshi ga bona ba re: ‘Monna yene a re nyake gore a be kgoshi ya rune.’
15 Le ho go le byalo a beyiwa go ba kgoshi, a boya gaye a bitsa batlhanka bage bala a ba neyiyeng tjheleta a nyaka go tjiba gore ba makiye bokaye ka yona.
16 Motlhanka wa mathomo a tla a re: ‘Mong waka, ke berekisiye tjheleta ke moka ke makiye tse dingwana diponto tse lesome.’
17 Mong wage a re: ‘Wo makiye gabutji motlhanka wa go loka. Wo tshepegiye dilong tse dinyana ka matla, lawola metji ye lesome.’
18 Wa bobedi le yene a tla a re: ‘Morena, tjheleta yago ye makiye tse dingwana diponto ka ditlhano.’
19 Mong wage a re: ‘Wo makiye gabutji motlhanka wa go loka. Wo tshepegiye dilong tse dinyana, lawola metji ye metlhano.’
20 Ke moka ye mongwana le yene a tla a re: ‘Morena, tjheleta yago ke yo, ke ye bolokiye, ka ye phutela ka swinelela ka llapi 21 Ke tjhabiye ka gore wo motho wa pelo ya go befa. Wo tseya ho wo sa beyang gona, wo buna ho wo sa gashang gona.’
22 Mong wage a fetola a re: ‘Ke nyoko go yatlhola go ya ka mantsu yago, wene motlhanka ye mobe! Wo tjibiye, eya, gore ke motho wa pelo ya go befa, ke tseya ho ke sa beyang gona, ke buna ho ke sa gashang gona. 23 Ke ying taba wo sa ka wa beya tjheleta yaka pankeng, gore ho ke boya, ke ho nko ye keraya ye yeketsegiye.’
24 Mong wa bona a re ga bo ke ho ba yemme hone thina: ‘Tseyaneng tjheleta yone hone gage, le feng yela wa go ba le diponto tse lesome.’
25 Ye mongwana a fetola a re: ‘Morena, yene wo shele a na le lesome la diponto’.
26 Mong wa bona a fetola a re: ‘Ke ya le botsa ye mongwana le ye mongwana ye a nang le selo wo nyoko neyiwa tsa go tlala, mara le ye a senang selo wo nyoko yamogiwa le so a nang naso.’ 27 Mara manaba yaka wo ke ho a sa nyake gore ke be kgoshi ya bona, ba tliseneng ho gaka le ba bolayeng ho matlhong yaka.”
Jesu wo kena Jerusalema ka go fenya
28 Ka morago ga ho Jesu a bolabodiye tso a ya matlhong, a rotogela Jerusalema. 29 Ho a le thina le Bethefage le Bethaniya mmotong wo wo bitsiwang Thaba ya Motlhware, a roma ka babedi ba barutiwa bage a re ga bona: 30 “Ariyeneng motjaneng wo wo leng matlhong ga lune, ho le sa kena ga wona, le nyoko keraya sepokolwana so se so kobang se kalamiwa. Se tlemolleng le se tliseng ho. 31 Ho ye mongwana a ka le botsisa a re: ‘Ke ying ntaba le tlemolla sepokolwana?’ Mmotseneng le re: ‘Morena wa se tlhoka.’”
32 Bo ke ho a ba romme ba yiye ba keraya go le ka wona mokgwa wo a ba botsiyeng ka gona. 33 Ho ba sa tlemolla sepokolwana, beng ba sona ba botsisa ba re: “Ke ying taba le tlemolla sepokolwana?”
34 Barutiwa ba fetola ba re: “Morena wa se tlhoka.”
35 Ba se tlisa ga Jesu. Ba kgapega dikobo tsa bona gedimo ga sepokolwana ba kalamisa Jesu. 36 Ho Jesu a kene a sepela ka sepokololwane, batho ba yatlala dikobo tsa bona pateng.
37 Ho a le thina le lefelo lo pata ye thewogang Thaba ya Metlhware, leshaba ka moka la balatedi bage la thoma go dyabola ka maatla ba reta Modimo ka taba la metlholo ye ba ye bonneng ga Jesu.
38 “Go shegofele kgoshi ye a tlang ka lebitso la Morena!
Khutjo legedimong le letago gedimodimong!”
39 Ba bangwana Bafaraseyi bo ke ho ba le leshabeng ba re ga Jesu: “Moruti, kgalema barutiwa bago!”
40 Jesu a re: “Ke ya le botsa, ho ba ka homolela, matlapa a nyoko gowelela.”
41 Ho a tjhutela Jerusalema a bona motji, a wo llela 42 a re: “Hala nkabe wo tjiba tso di nyokogo go tliselang khutjo lehono, mara di wutametsiwuwe matlhong yago. 43 Matjatji a nyoko go tlela ho manaba yago a nyokogo go yagelela ka legora mathoko ka moka. 44 Ba nyoko go rapola fase wene le ba lapa lago. Manaba yago ba ka sa shiye letlapa le ka lloshi le le gedimo ga le lengwana, ka gore a wa ka wa lemoga nako yo Modimo a go yeteleng ka yona.”
Jesu ka tempeleng
45 Ke moka a kena malapeng ya tempele a thoma go raka ka moka bo ke ho ba rekisa a re ga bona: 46 “Go ngwadiwuwe gore, ‘Ntlo yaka ye nyokoba ntlo ya thapelo, mara lune le ye makiye segola sa dikebeka.’