Sokologang kela le fedisiwe
13
Banna ba bangwana ba botsiye Jesu gore Pilato wo bolayiye batho ba bangwana ba go tjwa Galeliya bo ke ho ba maka ditlhabelo tempeleng. 2 Jesu a ba botsisa a re: “Le nagana gore Bagaleliya bone ke ho yele badiradibe go feta batho ka moka ba Galeliya, naa ke ka taba lone ba yiyeng ba tlhopega? 3 Awowa! A go ka mokgwa wone, le lune ka moka le nyoko fedisiwa, ho nkare a le sokologe la boyela ga Modimo. 4 Byalo lune le re ke ying ka banna bala ba lesomeseswayi bo ba hwileng hala ba wela ke tora kuwa Silome, naa ke ho yele badiradibe go fetisa batho ka moka bo ba dulang Jerusalema? 5 Awowa! Ke ya le botsa fote ho le sa sokologe le lune ka moka le nyoko fedisiwa.”Mogo wa go sa yengwe
6 Ke moka Jesu a ba botsa setshwaniso so a re: “Monna ke ho a na le setlhare sa mogo so se gashiwuweng tjhemong yage ya ditereba, a fela a yetla a se tlhola ho nkare se na le diyengwa, mara a sa keraye selo. 7 Mafelelong a re ga motlhokomedi wa tjhemo: ‘Ke ngwaga wa boraro byalo ke fela ke tla le boyelela ke nyaka seyengwa setlhareng so sa mogo mara a ke so ko keraye selo. Se reme, se wele fase! Ke ka baka la yeng re se lesetsa gore se tjwela pele se senya mobu?’
8 Monna a fetola a re: ‘Morena, se lesetsenyana ngwaga ka woweshi fote, ke nyoko yepa molete ke se dukuloga, ka se tjhela morole. 9 Ho se ka yengwa diyengwa ngwaga wo wo tlang, go nyokoba go lokiye! Ho se ka sa yengwe, ke gona re ka se remang.”’
Jesu wo fodisa mosadi wa mogolofadi ka Sabatha
10 Ka Sabatha ye nngwana ho Jesu a sa tjhutisa sinagogeng, 11 a bona mosadi ye ke ho a golofatsiwuwe ke moya wo mobe. Ke ho a wobegiye a sa kgone go wolologa le ka go nyana mengwaga ye lesomeseswayi. 12 Byalo Jesu a mmitsa a tla matlhong yage a re: “Mosadi, wo lokologiye bogolofading byago.” 13 Ke moka a mmeya diyatla, ka go yakgoswa mosadi a wolologa a reta Modimo.
14 Ka ho ba kwatisiye ke gore Jesu wo fodisiye motho ka Sabatha, molawodi wa sinagoge a re ga batho: “Go na le matjatji ya tshela ya go bereka, tlaneng ka wona le fodisiwe, yeseng ka Sabatha.”
15 Morena a mo yaraba a re: “Batemakisi tenang! Naa, ye mongwana le ye mongwana wa lune ka Sabatha a a tlemolle kgomo kela pokolo yage leshakeng a ya go ye fa meetji? 16 Byalo mosadi ye, yeleng morwediya wa Abrahama, ye Sathane a mo tlemmeng mengwaga ye lesomeseswayi, naa a tshwanela go lokologa ka letjatji la Sabatha?”
17 Ho a bolabodiye tso ka moka manaba yage a poyilega, mara batho ka moka ke ho ba djabolela tse dibutji tso a di makiyeng tsa go makatsa.
Setshwaniso sa pewu ya letlhoko le sa komelo
18 Ke moka Jesu a botsisa a re: “Naa, mmusho wa legedimo wo tshwana le ying? Nka wo lekanyisa le ying? 19 Wo tshwana le pewu ya letlhoko, yo motho a ye gashang serapeng sage. Ho ye godiye yeba setlhare, dinonyana tsa lefawufawu di ya yagela makaleng ya sona.
20 Jesu a botsisa fote a re: “Nka lekanyisa mmusho wa Modimo le ying? 21 Wo tshwana le komelo yo mosadi a ye thepanyang le folawa ya go tlala go segela ye bidisa folawa ka moka.”
Monyako wo mo sesane
22 Ke moka Jesu a tshelaganya metji le metjana a kene a tjhutisa a le tseleng ya go ya Jerusalema. 23 Ye mongwana a mmotsisa a re: “Morena, naa ye kaba ba go sa tlala bo ba nyoko go phologa?
24 Jesu a mo yaraba a re: “Leketsang ka maatla go kena ka monyako wo mo sesane Mmushong wa Modimo, ka gore ba go tlala ba nyoko leketsa go kena ga wona mara ba ka sa kgone. 25 Ho mong wa ntlo a tsoga a kwala monyako, le nyoko yema ka tawong le kokota le kgopela le re: ‘Morena re bulele monyako.’ Mara wo nyoko fetola a re: ‘A ke le tjibi, le ho le tjwang gona a ke go tjibi. Tloganeng ho gaka lune badiradibe!’
26 Ke moka le nyoko re: ‘Re dyele ra nwa nago, wa ba wa tjhutisa mapatlelong ya rune!’
27 Mara wo nyoko fetola a re: ‘A ke le tjibi, le ho le tjwang gona a ke go tjibi. Tloganeng ho gaka ka moka, lune badiradibe!’
28 Go nyoko ba le go lla le go lomaganya ga meno gona hone, ho le bona Abrahama, Isaka le Jakobo le baporofeta ka moka Mmushong wa Modimo, mara lune le latlhediwuwe ka tawong. 29 Batho ba nyoko tla ba tjwa botlhabela le bodikela, lebowa le borwa ba dula madulong ya bona monyanyeng wa Mmusho wa Modimo. 30 Ke nnete go na le bo yeleng ba mafelelo ye nyokobang ba mathomo, ba mathomo ye nyokoba ba mafelelo.”’
Jesu wo llela Jerusalema
31 Ka yona nako yone Bafaraseyi ba bangwana ba tlile ga Jesu ba re: “Tloga ho wo ye go gongwana, Herode wo nyaka go go bolaya.”
32 Jesu a fetola a re: “Ariyeneng le botseng mpsya yone le re: Ke nyoko raka mademone, ka fodisa batho lehono le ka motshwana, ka letjatji la boraro ke nyoko fetsisa morero waka. 33 Ee, ke tshwanele go tjwela pele ka leeto laka, lehono, ka motshwana le ka motsho, nnete yele gore moporofeta a a tshwanela go hwela ka tawong ga Jerusalema!
34 Joo Jerusalema, Jerusalema, wene wo bolayang baporofeta le go bolaya bo ba romiwuweng gago, ke ga kaye ke nyaka go kgobaketsa bana bago go tshwana le kgogo ho ye kgobaketsa ditjonyana tsa yona ka fase ga mafofa a yona, mara wene a wa nyaka. 35 Lebelela, ntlo yago ye shala yele leshupi. Ke ya go botsa, wo ka sa sa mpona fote go segela ho wo re: ‘Go shegofele ye a tlang ka lebitso la Morena!”’