Tjhabaneng Modimo yeseng batho
12
Ka yona nako yone leshaba la diketekete tsa batho ke ho le kgobakanne ba biye ba gatana, Jesu a thoma go bolabola le barutiwa bage a re: “Tlhokomelaneng komelo ya Bafaraseyi yo yeleng botemakisi. 2 A gona so se khurumetsiwuweng se ka sa khurumullweng kela sephiri so se ka sa tjibiwuweng. 3 Tso le di bolabodiyeng le le letshwifing di nyoko kwagala motshegare seyetjeng, tso le di bolabodiyeng ka go sebelana le le dikamareng, di nyoko gowelediwa gedimo ga ditlhaka tsa dintlo.4 Ke ya le botsa bommata, le sa tjhabe bo ba bolayang mmele, ka morago ga hone ba sa kgoneng go maka selo. 5 Mara ke nyoko le shupetsa ye le tshwaneleng go mo tjhaba, tjhabaneng Modimo ye a nang le maatla, ka morago ga ho a bolayiye mmele, a ba le maatla ya go go latlhela diheleng. Ee, ke ya le botsa, ke yene ye le tshwaneleng go mo tjhaba. 6 Naa dinonyana tsa botjetjee ka ditlhano di rekisiwa ka bokaye? Naa a di rekisiwe ka dipepetlana ka dipedi tsa koporo? Le ho go le ka mokgwa wone, Modimo a a lebale le ka yiyoshi ya tsona. 7 Yishita le meriri ya tlhogo ka moka Modimo wo ye badiye. Le sa tjhabe, le botlhokwa ka maatla go feta dinonyana tsa botjetjee tsa go tlala.
8 Ke ya le botsa, ye a mpolabolang matlhong ya batho, Morwayi wa Motho le yene wo nyoko mmolabola matlhong ya mangeloyi ya Modimo. 9 Mara ye a mphegang matlhong ya batho le yene wo nyoko phegiwa matlhong ya mangeloyi ya Modimo. 10 Ye mongwana le ye mongwana ye a bolabolang lentsu kgatlhanong le Morwayi wa Motho wo nyoko lebalediwa, mara ye a rogelelang Moya wo Mokgetwa a ka sa lebalediwe.
11 Ho ba le yisa disenagogeng le matlhong ya babushi le balawodi ba maatla go le sekisa, le sa belayeleneng gore le ko tetjhireletsa byang le nyoko bolabola ying, 12 ka gore Moya wo Mokgetwa wo nyoko le tjhutisa ka yona nako yonone so le tshwaneleng go se bolabola.”
Setshwaniso sa mohumi wa sephokophoko
13 Motho ye mongwana a gowelela a le gare ga leshaba a re ga Jesu: “Moruti, botsa bhute waka gore a nkarolele lehumo la papa.”
14 Jesu a mo fetola, a re: “Mmata, ke mang ye a mpeyiyeng go ba moyatlhodi kela moyemedi magareng ga lune?” 15 Ke moka, Jesu a re ga leshaba ka moka: “Phafoganeng! Tlhokomelaneng megabaru ya mehutahuta, bophelo bya motho a bo lawole ke dithoto tsa go tlala tso motho a nang natso.”
16 Ke moka a ba botsa setshwaniso so a re: “Monna ye mongwana wa mohumi ke ho a na le tjhemo, ka nako ya go buna, a buna mabele ya go tlala. 17 A tepotsa a re: ‘Ke ying so nka se makang? A ke na ho nka beyang mabele yaka gona.’
18 Ke moka a re: ‘Ke nyoko maka ka mokgwa wo. Ke nyoko wisa ditende tsaka, ka yaga tse dikgolo, gona hone ke nyoko beya mabele yaka le dithoto tsaka. 19 Ke nyoko dula fase ka tepotsa ka re: ‘Wo na le dilo tsa go tlala tso wo tepeyeleng tsona mengwagangwaga ye ye tlago. Byalo dula wo teketle! wo dye, wo nwe, wo dyabole.’
20 Mara Modimo a re gage: “Sephokophoko tena! Byona boshegong byo, wo nyoko hwa. Byalo, ke mang ye a nyoko shalang a yedya lehumo lo wo tepeyeleng lona?”
21 Ee, motho ke sephokophoko ho a tepeyela mahumo ho lefaseng, mara a se na segwera le Modimo.”
Le sa tshekeleneng
22 Ke moka Jesu a re ga barutiwa bage: “Ka gona ke ya le botsa ke re, le sa tshekele ka tsa bophelo bya lune, ka mmele wa lune gore le nyoko dya ying, kela le nyoko yapara ying. 23 Bophelo bo botlhokwa go feta tsagodya, le mmele wo botlhokwa go feta dikobo. 24 Lebelelaneng makuru, a a gashe kela go buna, a a na ho a beyang gona kela setende, mara Modimo wa a fepa. Lune le botlhokwa ga Modimo go fetisa dinonyana. 25 Ke mang ho ga lune ye a ka yeketsang iri ka yiyoshi bophelong byage ka go tshekela? 26 Ka ho le shitega go makaselo so se se senyana, ke ying taba le tshekela ka tse dikgolo?
27 Lebelelaneng ka mokgwa wo mablomu ya tlhaga a golang ka gona. A a bereke kela go terokela dikobo. Mara ke ya le botsa, yeshita le Solomone botjheping byage ka moka a a kgona go yapara go tshwana le ka lloshi la wona. 28 Ho yele gore ke ka mokgwa wo Modimo a yapesang byang bya naga, byo bo leng gona lehono, mara ka motshwana bya woma bya latlhediwa mollong, naa Modimo a ka sa le yapese go fetisa byang, lune ba tumelo ye nyana! 29 Le sa yiseneng felo ka gore le nyoko dya ying kela le nyoko nwa ying. 30 Ka gore le baheteng ba tabogela ka moka tsotsone, Papa wa lune wa legedimong wa tjiba gore le ya di tlhoka. 31 Mara nyakaneng mmusho wa Modimo gedimo ga dilo ka moka, ke moka tso tse dingwana tso le nyoko fiwa tsona.
32 Le sa tjhabeneng selo, lune motlhape wo monyana, ka gore Papa wa lune wo djabolela go le neya Mmusho. 33 Rekisaneng dithoto tsa lune le neye badidi. Tsone di nyoko maka gore lehumo la lune le bolokege kuwa legedimong, ho ba go yetswa ba ka sa kgoneng go kena ba yetswa le mmoto wo ka sa kgoneng go senya. 34 Ho lehumo lago le leng gona, ke ho pelo yago ye nyokobang gona.
Jesu wo ba yeletsa ka go boya gage
35 Dulaneng le yapere gabutji le telokisele go bereka, malampa ya lune a dule a dura, 36 Go tshwana le batlhanka ho ba letiye mong wa bona go boya monyanyeng wa lenyalo, gore ho a segela a kokota sekwalong, ba yakgoswe ba mmulela. 37 Go nyoko ba gabutji ga batlhanka bo mong wa bona a ba kerayang ba letiye ho a boya. Nyanese ke ya le botsa, wo nyoko yapara gore a kgone go ba tlhankela, a ba dudisa fase, ke moka a tla a ba fa tsagodya. 38 Go nyoko ba gabutji ga batlhanka bo mong wa bona a nyoko go ba kerayang ba telokisiye ho a boya, le ho a ka boya gare ga boshego kela matlagosa. Mara ho a segela wo nyoko ba putsa. 39 Mara kwisisang so, hala nkabe mong wa ntlo a tjibiye nako yo wa go yetswa a nyoko tlang ka yona, ke ho a ka sa dumele gore ntlong yage go psyayiwe. 40 Le lune le tshwanele go dula le lokiye, ka gore Morwayi wa Motho wo nyoko tla ka nako yo le sa mo letelang ka yona.
41 Peterose a botsisa a re: “Morena, setshwaniso so wo se botsa rune, kela batho ka moka?”
42 Morena a fetola a re: “Ke mang molawodi wa go tlhalefa le go tshepega, ye mong wage a beyang batlhanka bage ka tlase ga bolawodi byage, gore a ba fe tsagodya ka nako ye ye tshwaneleng? 43 Go nyoko ba gabutji ga motlhanka ye mong wage ho a boya a nyoko mo kerayang a maka tse dibutji. 44 Nyanese, ke ya le botsa, wo ko mmeya go ba molawodi wa dithoto tsage ka moka. 45 Mara, a re re, motlhanka wa tepotsa a re: 'Mong waka wo diyega go boya,' ke moka a thoma go teya batlhanka ba bangwana, ba banna le ba basadi, a dya, a nwa a tlayila. 46 Mong wa motlhanka yene wo nyoko boya ka letjatji lo motlhanka a sa mo letelang ka lona le ka iri yo a sa ye lemogeng. Mong wage wo nyoko mo tlopolanya a ba ditlopotlopo, a mo yisa tulong ya ba go sa dumele.
47 Motlhanka ye a tjibang thato ya mong wage mara a sa dule a lokiye kela a sa make tso di nyakang ke mong wage, wo nyoko teyiwa ka dipakela. 48 Mara ye a sa tjibing fote a maka tso di sa nyakegeng, wo nyoko teyiwa ka go nyana. Ye mongwana le ye mongwana ye a fiwuweng tsa go tlala, go nyoko nyakiwa tsa go tlala ho gage, ye a fiwuweng go lawola tsa botlhokwa tsa go tlala go fetisa, tsa go tlala di nyoko nyakiwa ho gage.
“A ke ya tlisa khutjo mara go yarolanya.”
49 “Ke tlisiye mollo lefaseng, ke nabela hala nkabe wo shele wo dura! 50 Mara ke na le kolobetso ya go baba yo ke tshwaneleng go feta ga yona byalo nka tlase ga kgatelelo ya gore nkabe ye shele ye phetagele! 51 Le nagana gore ke tlisiye khutjo lefaseng? Aowa, ke ya le botsa, ke tlisiye go yarolanya. 52 Go tloga gona byalo, go koba go na le batho ba batlhano ka lapeng ka lloshi ba yarogana magareng ga bona beng, ka bararo ba ko ba kgatlhanong le ka babedi, ka babedi kgatlhanong le ka bararo. 53 Ba ko yarogana, papa kgatlhanong le morwayi le morwayi kgatlhanong le papa, mmane kgatlhanong le morwediya le morwediya kgatlhanong le mmane, matsala kgatlhanong le ngwetji le ngwetji kgatlhanong le matsala.
Go kwesisa dinako
54 Jesu a bolabola le mashaba a re: “Ho le bona leru le nyarela thokong ya bodikela, ka go yakgoswa le re: ‘Pula ye nyoko na,’ ke moka ya napa ya na. 55 Ho phefo ya borwa ye tjutla, le re: ‘Go nyoko fisa,’ gwa napa gwa fisa. 56 Batemakisi tenang! Le tjiba go kwesisa mayemo ya lefase le lefawufawu. Byalo, go tla byang le shitega go kwesisa seyemo sa dilo tsa nako ya gona byalo?
57 Ke ying taba le shitega go yatlhola lune beng gore sa go loka ke sefeng? 58 Ho lenaba lago le go yisa ga maseterata, leketsa ka maatla go lokisa taba yago le lenaba lago le sa le tseleng, ho wo sa make ka mokgwa wone, lenaba lago le ko go gafela ga moyatlhodi, ke moka moyatlhodi a go gafela ga lephodisa, lephodisa la go latlhela jele. 59 Ke ya go botsa, wo ka sa tjwe go segela wo patele sente ya mafelelo.”