Jesu wo tjhutisa ka Thapelo
11
Ka letjatji le lengwana Jesu ke ho a rapela tulong ye nngwana. Ho a fetsiye, ye mongwana wa barutiwa bage a re: “Morena, re tjhutise go rapela, go tshwana le ka ho Johanese a tjhutisiyeng barutiwa bage go rapela.”2 Jesu a re ga bona:
“Ho le rapela le re:
‘Papa, lebitso lago a le kgetege.
Mmusho wago a wo tle.
3 Re neye lehono sekgwa sa rune sa matjatji ka moka.
4 ‘Re lebalele dibe tsa rune,
ka gore le rune re lebalela ba bangwana bo ba re makiyeng bobe.
Wo sa re yise molekong.’”
5 Byalo a re ga bona: “Nka fore ye mongwana wa lune wo na le mmata, a ya ho gage gare ga boshego a re: “Mmata, nkadime malofo ka mararo ya dikgwa, 6 ka gore mmata waka wo tlile, a ke na selo sa go mo tlhallela. 7 Ke moka ye a leng ka ntlong a fetola a re: ‘Wo sa ntlhope, ke shele ke kwadiye monyako ka gore ke boshego, le gona bana baka ba shele ba yetsele. Nka sa tsoge ka go neya selo.’ 8 Mara ke ya le botsa, le ho a ka sa tsoge a mo neya sekgwa ka ho yele mmata wage, wo nyoko tsoga go mo neya dilo ka moka tso a di tlhokang ka lebaka la go phegelela ga mokgopedi.
9 “Byalo ke re ga lune: Kgopelaneng le nyoko fiwa, nyakaneng le nyoko keraya, kokotaneng le nyoko bulediwa monyako. 10 Ka gore ye mongwana le ye mongwana ye a kgopelang wa yamogela, ye a nyakang wa keraya, le ye a kokotang sekwalong wa bulediwa
11 “Ke papa wofe, wa gore ho morwayi wage a kgopela tlhapi, a ka mo neyang noga sebakeng sa tlhapi? 12 Kela ho a kgopela lekata, a ka mo neyang makopelane? 13 Byalo ho lune le na le dipelo tsa go befa so, mara le tjiba go neya bana ba lune dinewo tsa gabutji, byalo le ra gore Papa wa lune wa legedimong a ka shitega go neya bo ba mo kgopelang Moya wo Mokgetwa?”
Jesu le Baletsibub
14 Jesu ke ho a raka ledemone la semumu. Ho ledemone le tjwele, monna ye ke ho a sa bolabole a thoma go bolabola, leshaba la makala. 15 Mara ba bangwana ba bona ba re: “Ka Baletsibub, kgoshi ya mademone, wo raka mademone, wo keraya matla ga Sathane” 16 Ba bangwana ba leketsa Jesu ka go kgopela letshwawo la mohlolo la gotjwa legedimong.
17 Jesu ka go tjiba menagano ya bona a re ga bona: “Mmusho wo mongwana le wo mongwana wo wo teyaroganyang ka bowona wo nyoko senyega, le lapa lo le teyaroganyang ka bolona le nyoko burama. 18 Ho Sathane le yene a teyaroganya ka boyene, mmusho wage wo ka tiya byang? Ka gore le nagana gore ke raka mademone ka Baletsibub. 19 Ho yele gore ke raka mademone ka Baletsibub, balatedi ba lune ba a raka ka mang? Byalo, ba nyoko ba bayatlhudi ba lune. 20 Mara ho yele gore ke raka mademone ka monwana wa Modimo, gona gora gore Mmusho wa Modimo wo tlile ga lune.
21 “Ho monna wa senatla, a tetlhamme, a leta ntlo yage, dithoto tsage ditjhireletsegiye. 22 Mara ho ye mongwana wa go ba le matjika go feta yene a ka motlhasela a motlhola, monna yene wo nyoko tseya digale tso a ditshepiyeng fote a yabelanya batho tso a motseyeleng tsona.
23 Ye a sa yemeng le nna wo lwa le nna, ye a sa kgoboketseng le nna wa tlalaganya.
24 “Ho moya wa dithila wo tjwa mothong, wo rubarubega le naga wo nyaka madulo, mara ho wo sa keraye madulo wone, wo re: ‘Ke nyoko boyela ntlong yaka yo ke tjweleng ga yona.’ 25 Ho wo segela wo kereya ntlo ye sowediwuwe ye lokisiwuwe gabutji. 26 Ke moka wo nyoko ya wa lata ye mengwana memoya ya dithila ye shupa ya go feta wona ka bobe, ke moka ya tla ya dula hone, byalo seyemo sa motho yene sa mafelelo se nyoko befa go feta sela sa mathomo.”
27 Ho Jesu a sa bolabola tsone, mosadi ye mongwana gare ga leshaba a bolabolela gedimo a re gage: “Modimo a shegofatse mmane ye a go belegiyeng fote a go fepiyeng!”
28 Mara Jesu a fetola ka gore: “Go shegofele bo ba kwang lentsu la Modimo ba le wobamela.”
Jesu wo kgalema ba go sa dumele
29 Byalo ho mashaba a yeketsega, Jesu a thoma go bolabola a re: “Moloko wo ke moloko wa dipelo tsa go befa, wo nyaka letshwawo la motlholo, mara a gona letshwawo la mohlolo lo ke nyoko ba neyang lona ho yese letshwawo la Jonase hela. 30 Byalo ka ho Jonase a biye letshwawo ga batho ba Ninibe, le ga Morwayi wa Motho go nyoko ba ka mokgwa wone ga moloko wo. 31 Kgoshigadi ya Sheba ye nyoko tsoga ya yema kgatlhano le banna ba moloko wo ka letjatji la katlholo ya wo latlha, ka gore wo tlile a yetjwa magomong ya lefase a tlela go theyetsela botlhale bya Solomone, byalo bonang, ye mogolo go feta Solomone wo ho. 32 Banna ba Ninibe ba nyoko yema kgatlhano le moloko wo katlholong ba wo latlha, ka ho ba sokologiye ho Jonase a rera, gona byalo ye mogolo ga Jonase ke ye ho.
Yamogelang seyetja ka teng ga lune
33 “A gona ye a tjhubang llampa a le wutetsa, kela a le beya ka fase ga kotana. Mara llampa le beyiwa gedimo setlhomelong sa lona, gore bo ba kenang ntlong ba bone seyetja. 34 Letlho lago ke llampa la mmele wago. Ho letlho lago le le ga butji, mmele wago le wona wo nyoko ba le seyetja sa gotlala. Mara ho di sa loka, le mmele wago wo nyoko tlala ka letshwifi. 35 Bonang gore seyetja so se leng ka teng ga lune a ye letshwifi. 36 Byalo, ho mmele wago ka moka wo tlele ka seyetja, a gona selo so se nyoko bang le letshwifi, mmele wago ka moka wo nyoko ba le seyetja sa go bonega ka gofelelela, byalo ka ho seyetja sa llampa se go bonegela.
Madimabe ya bayetapele ba bodumedi
37 Ho Jesu a fetsiye go bolabola, Mofaraseyi a mo rapa lapeng lage gore a tle a dye le yene, byalo a ya a dula tafoleng naye. 38 Mara Mofaraseyi a lemoga gore Jesu a a tlhape diyatla pele a yidya tsagodya, a makala.
39 Ke moka Morena a re gage: “Byalo ge, lune Bafaraseyi le tlhatswa dikomitji le ditja ka tawong hala ka teng le tlele ka megabaru le bobe. 40 Lune diphokophoko tenang! Le ra gore Modimo ye a makang tsa ka teng gore di yele a ka sa kgone go yedisa le tsa ka tawong? 41 Mara neyang ba go dila tso di ba tshwaneleng, dilo tsa lune ka moka di nyoko yela.
42 “Le ba madimabe lune Bafaraseyi! Ka gore le tlhokomela ka maatla go neya Modimo salesome sa dinuki, le digwere, mara le lesa go maka tsa go loka le lerato la Modimo. Ntshang salesome mara le sa lese go maka tsa bohlokwa go feta tsone.
43 Le ba madimabe lune Bafaraseyi, ka gore le nyaka ditulo tsa mayemo ya gedimo tsa go tlhompega disenagogeng le go dumedisiwa ho le sepela mebarakeng.
44 “Madimabe ga lune, ka gore le tshwana le mabitla wo a wutammeng dirapeng a sa merekiwang, wo batho ba sepelang gedimo ga wona ba a gatela ba sa tjibe gore ke mabitla.”
45 Ye mongwana wa setjibi sa molawo a mo fetola a re: “Moruti, wo re rogelele ka moka ga rune ka tso wo di bolabodiyeng.”
46 Jesu a fetola a re: “Lune ditjibi tsa molawo, madimabe ga lune, ka gore le rwesa batho merwalo ya go roba, yo ba shitegang go ye rwala, ye le lune le sa leketsing le go ye kgwata ka monwana go ba thusha.
47 “Madimabe ga lune, ka gore le yagela baporofeta matlapa ya digopotso mabitleng, hala yele bokokwane ba lune bo ba ba bolayiyeng botala. 48 Le fa botlhatse bya go tiya ka tso di makiyeng ke bokokwane ba lune, ba bolayiye baporofeta, lune le ba yagela le mabitla. 49 Ka taba la so Modimo wo bolabodiye ka botlhale a re: ‘Ke nyoko romela baporofeta le baapostola, ba bangwana ba bona ba nyoko bolayiwa ba bangwana ba nyoko tlhorisiwa.’ 50 Byalo moloko wo wo nyoko teyarabela ka taba la madi ya baporofeta wo le ya falatsiyeng go tloga mathomong ya lefase. 51 Ee, ke ya le botsa, wo nyoko teyarabela ga dilo ka moka, go tloga ka go falala ga madi ya Abele go segela ga madi ya Sakariya, ye ba mmolayiyeng gare ga aletara le sekgetwakgetweng.
52 “Madimabe ga lune ditjibi tsa molawo, ka lebaka la gore le tlosiye selo sa botlhokwa so se bulelang batho tsela ya go tjiba Modimo, le thibela ba go tlala go kena, hala le lune le sa kene.