Jesu ntlong ya Mofaraseyi
14
Ka Sabatha ye nngwana, Jesu wo yiye go ye dya tsagodya ntlong ya ye mongwana wa bayetapele ba Bafaraseyi, le batho ke ho ba mo lebeledisisiye ka tlhokomelo. 2 Hone matlhong ke Jesu go na le monna ye ke ho a rorogiye mawoto le matsogo. 3 Jesu a botsisa Bafaraseyi le ditjibi tsa molawo a re: “Naa go molawong go fodisa ka Sabatha kela a go molawong? 4 Mara ba fo homolela. Ke moka Jesu a tseya monna yela a mo fodisa, bjalo a re a ye gaye.5 Ke moka a ba botsisa a re: “Ke mang ho ga lune a sa berekeng ka letjatji la Sabatha? Ho morwayi wago kela kgomo yago ye wele moleteng ka letjatji la Sabatha, naa a wo yakgoswe wa ya wa ye ntsha? 6 Ba sa be le so ba ka se bolabolang.
Jesu wo tjhutisa ka go tekokobetsa
7 Ho a bona ba bangwana bayeng ba kgeta madulo ya go tlhompega tafoleng, a ba botsa setshwaniso so a re: 8 “Ho yemongwana a go rapiye go tla monyanyeng wa lenyalo, wo sa kgete madulo ya go tlhompega, ka gore motho ye mongwana wa go tlhompega go feta wene a ka fo ba a rapiwuwe le yene. 9 Ho wo ka maka ka mokgwa wone, mong wa monyanya ye a le rapiyeng ka babedi ga lune a ka tla gago a re: ‘Neya ye setulo sago.’ Ke moka, ka go tjeba wo tshwanele go neya ye mongwana setulo sago, ke moka wo tloge we dula setulong sa go nyatsega. 10 Mara ho wo rapiwuwe, dula madulong ya tlase gore ye a go rapiyeng ho a yetla, wo nyoko re gago: “Mmata, tlane wo dule ga madulo wo a go tlhompega. Ka gona wo nyokoba wo tlhompegiye matlhong ya bayeng ka moka bo ba rapiwuweng. 11 Ka gore ka moka bo ba tegodisang ba nyoko kokobetsiwa le ye a tekokobetsang wo nyoko godisiwa
12 Ke moka Jesu a re ga ye a mo rapiyeng: “Ho wo rapa batho tsagodyeng, wo sa rape bommata bago, bobhute wago kela mashaga kela bayagelane, ho wo maka tsone ba nyoko go rapa le wene, sone ye nyokoba moputso wago. 13 Mara ho wo na le monyanya, rapa batlhoki, bagolofadi le difofu, 14 ke moka wo nyoko shegofatsiwa. Le ho ba ka sa kgone go go rapa le wene, wo nyoko patediwa tsogong ya bahu.”
Setshwaniso sa Monyanya wo Mogolo
15 Ho ye mongwana wa bo ba leng tafoleng le Jesu a kwele tso a re: “Go shegofele motho ye a nyokogo dya monyanyeng wa mmushong wa Modimo.”
16 Jesu a fetola ka go tshwanisa a re, “Monna ye mongwana ke ho a lokisa monyanya wo mogolo, a rapa bayeng ba go tlala. 17 Ka nako ya monyanya a roma batlhanka bage go ye botsa bo ba rapiwuweng ba re: `Tlaneng, monyanyeng dilo ka moka byalo di lokiye.”`
18 Mara ka moka ga bona ba thoma go fa mabaka ya go sa tle. Wa mathomo a re: “Ke sa tjo reka tjhemo ke ya go ye boneng. Hle ntshwarele.”
19 Ye mongwana a re: “Ke sa tjo reka dipholo tsa sepane sa matjoko ka matlhano, ke tseleng ke ya go di leketseng. Hle ntshwarele.”
20 Le ye mongwana fote a re: “Ke sa tjo nyala mosadi ka gona nka sa tle!”
21 Motlhanka a boyela morago a begela mong wage. Ke moka mong wa ntlo a kwata a layela motlhanka a re: “Ariye kuwa mapatlelong le magatlhanong ya di tsela ka go yakgoswa wo rape batlhoki, bagolofadi le difofu wo tle nabo!
22 Motlhanka a boya a re: “Morena ke makiye tso wo mpotsiyeng tsona mara go sa na le ga go dula.
23 Ke moka mong wage a re ga motlhanka: “Ariye ditseleng le nageng wo botse batho ka moka ba tle gore ntlo yaka ye tlale. 24 Ke ya le botsa, a go na le motho ka weshi ga bo ke ho ba rapiwuwe mathomong, ba nyoko go latswa le ka go nyana monyanya waka.”
Go tura ga go ba Morutiwa wa Jesu
25 Leshaba le legolo ke ho le sepela le Jesu, a sokologa a re: 26 “Ho ye mongwana a nyaka go tla gaka, a sa rata papage, mmane wage, mosadi wage le bana bage, bobhute bage le dikgatjedi tsage le ho yele bophelo byage go feta nna, a ka sa be morutiwa waka. 27 Le ye a sa rwaleng sefapano sage a nlatela, a ka sa be morutiwa waka.
28 A re fore ye mongwana wa lune wo nyaka go yaga moyago wo mogolo. Naa a ka sa thome ka go balela tjheleta yage go bona gore ye ka lekana go fetsa moyago wone? 29 Ka gore ho a thomme mothewo mara a shitega go fetsa, ye a di bonang wo nyoko mopoyila a re: 30 Mothaka ye wo thomme go yaga byalo wo shitega go fetsa’
31 “Kela a re fore kgoshi wo nyaka go ya go lwa le kgoshi ye nngwana. Naa a ka sa thome ka go dula fase a lebeledisisa ho nkare ka masole yage ya dikete tse lesome a ka lwa le ye a nang le masole ya dikete tse masome ka mabedi? 32 Ho a ka sa kgone, wo nyoko romela lentsu ka batlhanka ga kgoshi yela ye sa le kgole go kgopela mabaka ya khutjo. 33 Ka wona mokgwa wone, ye mongwana wa lune ye a sa ntsheng ka moka tso a nang natso a ka sa be motlhanka waka.