Jesu wo roma barutiwa bage ba lesomepedi
9
Ho Jesu a bitsiye barutiwa bage go tla gage, wo ba neyiye tawolo le maatla ya go raka mademone ka moka le go fodisa malwele. 2 Ke moka a ba roma go rera mmusho wa Modimo le go fodisa balwele. 3 A ba botsa a re: “Le sa tseye selo ho leyetong la lune, le sa tseye thoka, sekhwama, sekgwa, tjheleta le ho yele dikobo tsa go tjhentjha. 4 Ntlo yo le kenang ga yona, dulang gona go segela ho le tloga motjing wone. 5 Ho batho ba sa le yamogele, rothothang lerole mawotong ya lune ho le tloga motjing wone, gore ye be botlhatse kgatlhanong le bona. 6 Ke moka ba tjwa, ba sepela ba kena metjaneng, ba rera ebangedi le go fodisa batho.7 Ho Herode mmushi wa Galeliya a kwele ka moka tso Jesu ke ho a di maka, a makala, ka ho ba bangwana ba re, Johanese Motlungwetsi wo tsosiwuwe bahung 8 Ba bangwana ke ho ba nagana gore Jesu, ke Eliya wo tlile, hala ba bangwana bona ba re ye mongwana wa baporofeta ba botala wo tsogiye bahung. 9 Mara Herode a re: “Johanese Motlungwetsi ke mo kopiye tlhogo. Bjalo, ke mang monna ye ke kwang dilo tso tse dikgolo ka yene?” A leketsa gore a mmone.
Jesu wo fepa ba dikete ka ditlhano
10 Ho baapostola ba boya, ba botsa Jesu ka moka tso ba di makiyeng. Ke moka Jesu a tseya barutiwa bage ba ya motjing wo ba wo bitsang Betsayida. 11 Mashaba a kwa gore wo yiye kaye, a mo shala morago. A ba yamogela, a bolabola le bona ka mmusho wa Modimo, a fodisa bo ke ho ba nyaka go fola.
12 Ho letjatji le ya go tlolela, barutiwa bage ba lesomepedi ba tla gage ba re: “Botsa batho bo ba ye go tenyakela tsagodya le ga go yetsela metjing, ka gore ho re leng gona ke kgole.”
13 Mara Jesu a re ga bona: “Lune ba feng tsagodya.” Bona ba fetola ba re: “Re fo ba le dilofo ka ditlhano tsa dikgwa le ditlhapi ka dipedi. Kela wo ra gore re tshwanele go ya go rekela leshaba le legolo lo tsagodya?”
14 Ke ho go na le banna ba go lekana dikete tse tlhano. Jesu a re ga barutiwa bage: “Ba botseng ba dule fase ka ditlhopa tlhopa tse masome a matlhano.”
15 Barutiwa ba maka ka mokgwa wone, batho ka moka ba dula fase. 16 Jesu a tseya malofo yala ka matlhano le ditlhapi tsela ka dipedi, a lebelela legedimong, a leboga Modimo, a di ngathanya. Ke moka a fa barutiwa go yabela batho. 17 Ba dya ka moka ga bona ba hora, ka morago ga hone, barutiwa ba kotela mawudu wo a sheleng ba tlatsa dimantji tse lesomepedi.
Peterose wo bolabola gore Jesu ke Kriste
18 Ka letjatji le lengwana Jesu ke ho a rapela ho go senang batho, mara a na le barutiwa bage hela. A ba botsisa a re: “Batho ba re ke nna mang?”
19 Ba mo fetola ba re: “Ba bangwana ba re ke wene Johanese Motlungwetsi, ba bangwana ba re ke wene Eliya, hala ba bangwana ba re ye mongwana wa baporofeta ba botala wo tsogiye bahung.”
20 Jesu a ba botsisa a re: “Byalo lune le re ke nna mang?” Peterose a fetola a re: “Wo Kriste, wa Modimo.”
Jesu wo wutulla tsa Lehu lage
21 Jesu a botsa barutiwa bage + \fr 9.21 \ft tsebe go kwa gore ba sa botse motho gore ke yene mang.
22 Ke moka a re: “Morwayi wa motho wo ya go tlhopiwa ka dilo tsa go tlala, a latlhiwa ke bagolo ba setjhaba, bapirisita ba bagolo le baruti ba molawo, wo nyoko bolayiwa, mara ka letjatji la boraro wo nyoko tsoga a phela.”
23 Ke moka a re ga bona ka moka: “Ho ye mongwana a nyaka go nlatela, wo tshwanele ke go tegana, a tseye sefapano sage matjatji ka moka a nlatele. 24 Ka gore ye mongwana le ye mongwana ye a nyakang go pholosa bophelo byage, wo nyoko bo loba, mara ye a latlhegelang ke bophelo byage ka lebaka laka, wo nyoko bo kereya. 25 Motho wo nyoko thushega ka ying, ho a ka ruwa lefase lo ka moka, mara a latlhegela ke bophelo byage? 26 Ho motho a ntjebela, a tjebela le mantsu yaka, Morwayi wa Motho le yene wo nyoko mo tjebela ho a boya ka letago lage le ka letago la Papage le la mangeloyi ya makgetwa.
27 Ke le botsa nnete, ba bangwana bo ba yemmeng ho, ba ka sa hwe pele ba bona mmusho wa Modimo.
Jesu wo fetoga sebopego
28 Ka morago ga matjatji wo ye ka bang ya seswayi, Jesu a tseya Peterose, Johanese le Jakobose, ba rotoga thaba go ya go rapela. 29 Ho a sa rapela, sebopego sa sefatlhego sage sa fetoga, dikobo tsage diya pekenya go tshwana le seyetja sa legadima. 30 Ka go yakgoswa, banna ka babedi, yeleng Moshe le Eliya ba nyarela ka letago le le kgetwa, ba thoma go bolabola le Jesu. 31 Ke ho ba bolabodisana ka go tloga ga Jesu ho lefaseng ka ho a be a shele a le thina le go phetagatsa tsa go bapodiwa gage kuwa Jerusalema. 32 Peterose le bo ke ho a le nabo ke ho ba kobola, ho ba phafoga, ba bona letago la Jesu le banna ka babedi ba yemme naye. 33 Ho Moshe le Eliya ba tloga ga Jesu, Peterose a re ga Jesu: “Morena, ke ho go butji ho re le ho, a re yageng mekhukhu ka meraro, ka woweshi ke wago, ka woweshi ke wa Moshe, ka woweshi ke wa Eliya. Ke ho a sa tjibi gore wo bolabola ying.
34 Ho a sa bolabola, leru la ba khurumetsa, ba tlala ka letjhogo. 35 Lentsu la kwagala le tjwa lerung, la re: “Ye ke Morwayi waka, ye ke mo kgetiyeng, mo theyetseleng.” 36 Ka morago ga ho lentsu le fetsiye go bolabola, ba lemoga gore Jesu wo shele a le ntoshi. Barutiwa bage ba sa botse motho ka yona nako yone tso ba di bonneng.
Go fodisiwa ga moshemanyana wa go ba le moya wo mobe
37 Ka letjatji lo le latelang, ka morago ga ho ba boyiye thabeng, Jesu a gatlhanetsa ke leshaba le legolo. 38 Monna ye mongwana hone gare ga leshaba, a botsa Jesu a re: “Moruti, ke go kgopela gore wo lebelele morwayi waka, ke yene ngwana a le ntoshi. 39 Wo tlhopa ke moya wo mobe, ka nako ye nngwana wa mo tshwara ke moka a gowelele, wo mo wisele fase a tlhagasela, a tjwa le diphushane ka ganong. Wo mo tlhopa ka maatla, a wo mo lese, wo nyaka go mmolaya. 40 Ke kgopele barutiwa bago gore ba wo rake mara ba shitegiye.”
41 Jesu a re: “Joo! Moloko wa go tlhoka tumelo le wa go senyega, ke nyoko dula le lune go segela neng? Tlisa morwayi wa go ho.”
42 Ho moshemanyana a sa tla, ledemone la mo wisela fase a tlhagasela. Mara Jesu a kgalemela moya wo mobe, a fodisa moshemanyana, a mmosetsa ga papage. 43 Batho ka moka ba makatsa ke bogolo le maatla ya Modimo. Ho batho ka moka ba sa makatsiye ke tso Jesu a di makiyeng, Jesu a bolabola le barutiwa bage a re:
44 “Theyetselang gabutji tso ke nyoko go le botsa tsona: ‘Morwayi wa Motho wo nyoko rekisiwa diyatleng tsa batho.’” 45 Mara ba sa kwesise gore so se ra gore keying, ke ho di ba wutamele, ba sa di kwesise, mara ba tjhaba go mmotsisa ka tsona.
Ye mogolo go nyoko ba mang
46 Gwa tsoga go ganetsana magareng ga barutiwa ba Jesu gore ye mogolo go nyoko ba mang. 47 Jesu ka go tjiba megopolo ya bona, a tseya ngwana ye monyana a mmeya gare ga bona thina naye. 48 Ke moka a re ga bona: “Ye a yamogelang ngwananyana ye ka lebitso laka, wo yamogela nna le gona ye a yamogelang nna wo yamogela ye a nrommeng. Ye yeleng ye monyana magareng ga lune ka moka ke yene ye mogolo.”
49 Johanese a re: “Morena, re bonne ye mongwana a raka mademone ka lebitso lago, ra leka go mo thibela, ka gore a ye ye mongwana wa rune.”
50 Jesu a re: “Le sa mo thibele, ka gore ye a sa lweng le lune ke wa lune.”
Batho ba Samariya ba ganetsa Jesu.
51 Ho nako yage yele thina ya gore a rotogele legedimong, Jesu a tekemisela go ya Jerusalema. 52 A roma batlhanka go mo yeta matlhong, bona ba kena motjing wa Samariya go mo lokisela dilo, 53 Mara batho ba Samariya a ba ka ba mo yamogela, ka gore ke ho a fetela Jerusalema. 54 Ho barutiwa bage yeleng Johanese le Jakobose ba bona so, ba botsisa Jesu ba re: “Morena, naa re ka bitsa mollo go tjwa legedimong gore wo ba tjhube wo ba bolaye?” 55 Jesu a sokologa a ba kgalema. 56 Ke moka yene le barutiwa bage ba ya motjing wo mongwana.
Go tura ga go latela Jesu
57 Ho ba sepela tseleng, monna ye mongwana a re ga Jesu: “Ke nyoko go latela kaye le kaye ho wo yang gona.”
58 Jesu a mo fetola a re: “Diphukubye di na le melete le dinonyana tsa lefawufawu di na le ditlhaga, mara ho yele Morwayi wa Motho a a na ho a ka sametsang tlhogo gona.”
59 Jesu a re ga ye mongwana: “Nlatele!” Mara yene a mo fetola a re: “Morena, yere ke thome ke ye boloka papa.”
60 Jesu a re gage: “Lesa bahu ba boloke bahu ba bona, mara wene ariye wo gowelele mmusho wa Modimo.”
61 Ye mongwana fote a re: “Ke nyoko go latela Morena, mara ndumelele ke thome ke ye go layela ba lapa laka.”
62 Jesu a mo fetola a re: “A gona motho ye a tshwarang letsepe, a lebelela morago, a lokeleng ke go bereka mmushong wa Modimo.”