Jesu wa tlotsiwa kuwa Bethaniya
14
Byalo ke ho go shele matjatji ka mabedi gore Paseka le monyanya wa sekgwa sa go sa womediwa di segele,
baprisita ba bagolo le baruti ba molawo ke ho ba nyaka tsela ya bohwirihwiri ya go tshwara Jesu le go mmolaya.
2 Ba re,
“Mara ye sa be ka nako ya monyanya,
ka gore batho ba ka tsosa mmudubudu.”
3 Ho a sa le Bethaniya,
a dule tafoleng ntlong ya monna ye a tjibegang ka la Simone wa lephera,
mosadi wo tlile a tshware lepotlela la mahura ya go ngkgela monate ya alabastere ya go tura.
A psyaya lepotlela a tshollela mahura tlhogong ya Jesu.
4 Ba bangwana ba bo ke ho ba le gona ke ho ba bolabodisana ba sola ba kwatiye ba re,
“Ke ying taba go senyiwa mahura wo?
5 Nkabe a rekisiwa ka tjheleta ya go feta mogolo wa ngwaga ke moka tjheleta ya gona ya fiwa bagodila.”
Ke moka ba mo kgalema ka go galefa.
6 Jesu a re:
“Mo leseneng,
le mo tlhopela ying?
Wo mmakele tsa go bafala.
7 Badidi le nyoko dula le le nabo,
le gona le ka ba thusha nako ye nngwana le ye nngwana ho le nyaka.
Mara le ka sa dule le na le nna nako ka moka.
8 Wo makiye so a ka se kgonang.
Wo tjhediye mahura ya go nkgela mmeleng waka pele ga nako go lokisela poloko yaka.
9 Nyanese ke ya le botsa,
go gongwana le go gongwana ho Ebangedi ye nyoko go reriwa gona lefaseng ka moka,
tso a di makiyeng go nyoko bolabodiwa ka tsona,
go mo gopola.”
10 Ke moka Judase Iskariote,
ye mongwana wa ba lesomepedi,
a ya ga baprisita ba bagolo go ye rekisa Jesu ga bona.
11 Ke ho ba thabiye go kwa tso ke moka ba mo tshepisa go mo fa tjheleta.
Ke moka a nyaka sebaka sa go mo gafela ga bona.
Selalelo sa Morena
12 Ka letjatji la go thoma monyanya wa sekgwa sa go sa womediwa,
ka ho ye be yele setlwayedi sa bona go tlhaba nku ya Paseka,
barutiwa ba Morena Jesu ba mmotsisa ba re:
“Ke kaye ho wo nyakang re ya go go lokisela go dya Paseka?”
13 Ke moka Jesu a roma barutiwa bage ka babedi,
a ba botsa a re:
“Areyeng kuwa motjing,
monna ye a rweleng pitsa ya meetji wo nyoko le gatlhanetsa.
Mo lateleng.
14 Botsang mong wa ntlo ya ye a kenang ga yona le re:
“Moruti wo re,
‘Kamara yaka ya boyeng ye kaye,
ho nka dyelang Paseka le barutiwa baka?’
15 Wo nyoko le shupa kamara ye kgolo ya ka gedimo ye na le phatlho ye lokisiwuwe.
Re lokiseleng gona hone.”
16 Barutiwa ba tloga,
ba kena motjing ba kereya dilo di le ka ho Jesu a ba botsiyeng ka gona.
Ke moka ba lokisa Paseka.
17 Ho ye shele ye le ka malobana,
Jesu a segela le Barutiwa bage ba lesomepedi.
18 Ho ba sa dule tafoleng ba yedya,
a re:
“Nyanese ke ya le botsa ye mongwana wa lune wo nyoko nrekisa,
ye a dyang le nna.”
19 Taba yo ya ba kgongwetsa,
ka weshi ka weshi ba re gage:
“Naa a ye nna?”
20 A fetola a re:
“Ke ye mongwana wa lune ba lesomepedi,
ye mongwana ye a yenelang sekgwa setjeng le nna.
21 Morwayi wa Motho wo nyoko sepela go ya ka ho go ngwadiweng ka yene.
Mara wa madimabe ke ye a rekisang Morwayi wa Motho!
Nkabe go le kawone hala nkabe a saka a belegiwa.”
22 Yare ho ba sa dya,
Jesu a tseya sekgwa,
a leboga a ngathanya a neya barutiwa bage,
a re:
“Tseyang wo ke mmele wa ka.”
23 Ke moka a tseya komitji,
a leboga a ba neya yona,
ka moka ba nwa ka yona.
24 A re ga bona:
“Wo ke madi ya ka ya kgwerano,
wo a falaleleng ba go tlala.
25 Nyanese ke ya le botsa,
nka sa sa nwa fote beyine ya seyengwa sa motereba go segela ka letjatji lo ke nyoko go yinwa ka bontshwa mmushong wa Modimo.”
26 Ho ba yepelele sefela ba tjwa ba ya Thabeng ya Metlhware.
Jesu wo wutulla go phega ke Peterose.
27 Jesu a ba botsa a re:
“Ka moka ga lune le nyoko wa,
go ngwadiwuwe gore,
‘Ke nyoko teya modisi,
Ke moka dinku di nyoko palakana.’
28 Mara ka morago ga ho ke tsogiye,
ke nyoko le yeta matlhong go ya Galeliya.”
29 Peterose a bolabola a re:
“Le ho ka moka ba ka wa nna nka sa we.”
30 Jesu a fetola a re:
“Nyanese ke ya go botsa lehono boshego byo pele ga ho kgogo ya phooko ye leka la bobedi wo nyoko ba wo yitse a wo ntjibi gararo.”
31 Mara Peterose a boyelela ka go gatelela a re:
“Le ho ke tshwanele go hwa nago nka sa go thlanogele.”
Le bala ba bangwana ba reyano.
Getsemane
32 Ba ya lefelong lo ba reng ke Getsemane,
Jesu a re:
“Dulang ho nna ke sa rapela.”
33 A tseya Peterose,
Jakobose le Johanese a ya nabo,
a thoma go kgongwela ka matla a tshwenyegiye.
34 A re ga bona:
“Moya wa ka wo tlalelanne ka matla ka go nyama go yisa lehung,
dulang ho le phafoge.”
35 A ya matlhongnyana a wela fase a rapela gore ho go kgonega nako yone ye mo fete.
36 A re:
“Abba,
Papa,
dilo ka moka diya kgonega gago.
Tlosa komitji yo ho gaka.
Le ho go le byalo go sa be ka thato ya ka,
mara go be thato yago.”
37 Ke moka a boyela ga barutiwa bage a kereya ba yetsele.
A re ga Peterose,
“Simone!
Wo yetsele?
Wo shitegiye go dula wo phafogiye iri ka yiyoshi?
38 Phafoga o rapele gore o sa wele melekong.
Moya wa nyaka mara nama ya fokola.”
39 Fote a boyela a rapela thapelo ye nela.
40 Ho a boya,
a ba kereya ba yetsele fote,
ka gore matlho ya bona ke ho a roba.
Ke ho ba sa tjibe gore ba ka re keying gage.
41 Ho a boya la boraro,
a re ga bona:
“Naa le sana le yetsele le ya khutsa?
Go lekanne!
Iri ye segele.
Bona,
Morwayi wa Motho wo rekisiwa diyatleng tsa badiradibe.
42 Tsogang!
Koriyeng!
Ye a nrekisang ke ye wa tla!”
Jesu wa tshwariwa.
43 Ho a sa bolabola,
Judase ye mongwana wa ba lesomepedi,
a nyarela.
Ke ho a na le leshaba ba tshwere dirogo le disabola ba romme ke baprisita ba bagolo le baruti ba molawo le bagolo ba setjhaba.
44 Byalo morekisi ke ho a lokisiye seshupo le bona a yitse,
“Ye ke mo khisang ke yene,
mo tshwareng le sepeleng naye le mo letiye.”
45 Judase a ya ga Jesu a re:
“Rabbi!”
Ke moka a mo khisa.
46 Banna bala ba tshwara Jesu ba mo tlema.
47 Ye mongwana ye ke ho a yemme thina a ntsha sabola a rema motlhanka wa moprisita ye mogolo a mo kopa tsebe.
48 Jesu a re “Naa ke yetiye batlhanogi matlhong,
ho le tla ka disabola le dirogo go ntshwara?
49 Matjatji ka moka ke ho ke na le lune ke tjutisa malapeng ya tempele mara a la ka la ntshwara.
Mara Mangwalo a tshwanele go phetagala.”
50 Ka moka ba shiya Jesu ba tjhaba.
51 Lesogana lo ke ho le tjwere llapi hela,
ke ho le latela Jesu.
Ho ba tshwara Jesu,
52 la tjhaba le sa tjwara le shiye llapi lela la lona.
Jesu lekgotleng la ba Sanhandriya
53 Ba tseya Jesu ba mo yisa ga moprisita ye mogolo,
baprisita ka moka ba bagolo,
bagolo le baruti ba molawo ba gatlhana.
54 Peterose a mo latela a le kgolenyana,
go segela ka teng ga kgoro ya moprisita ye mogolo.
Gona hone a dula le baleti a wora mollo.
55 Baperisita ba bagolo le lekgotla ka moka la Basanhandriya ke ho ba nyaka botlhatse kgatlhanong le Jesu gore ba mmolaye mara ba sa keraye selo.
56 Ba go tlala ba fa botlhatse bya matsaka kgatlhanong le yene mara ditaba tsa bona ke ho di sa kwane.
57 Ke moka ba bangwana le bona ba yema ba fa botlhatse bya matsaka kgatlhanong le yene ba re:
58 “Re mo kwele a re:
‘Ke nyoko psyatlhanya tempele yo ya go makiwa ke batho ka matjatji ka mararo ka yaga ye nngwana,
ya go sa makiwa ke batho.’”
59 Le ho go le byalo le bona botlhatse bya bona bya sa kwane.
60 Ke moka moprisita ye mogolo a yema matlhong ya bona a botsisa Jesu a re:
“Naa a wo nyake go fetola?
Ke bya ying botlhatse byo batho ba bo tlisang kgatlhanong nago?”
61 Mara Jesu a homolela a sa fetole.
Moperisita ye mogolo a mmotsisa fote a re:
“Naa ke wene Kriste,
Morwayi wa ye a Shegofatsiweng?”
62 Jesu a re:
“Ke nna,
Wo nyoko bona Morwayi wa motho a dule ka letsogotsogong la wa Matla a boya ka maru ya legedimo.”
63 Moperisita ye mogolo a gagola dikobo a ba botsisa a re:
“Le sa nyakela ying ditlhatse tse dingwana?
64 Le mo kwele ho a rogelela Modimo.
Le nagana ying?”
Ka moka ba re wo tshwanela ke lehu.
65 Ke moka ba go tlala ba thoma go mo tshwela ka mare,
ba mo kwala matlho ba mo kgitlanya ka dipakele ke moka bare:
“Porofeta!”
Baleti ba mo tseya ba mo teya.
Petrose wo gana gore wo tjiba Jesu
66 Hala Peterose a le tlase kgorong,
ye mongwana wa bannyana ba go tlhankela moprisita ye mogolo a tla hone.
67 Ho a bona Peterose a wora mollo,
a mo lebelela ka bothina a re:
“Le wene ke ho wo na le Monasarene,
Jesu.”
68 Petrose a gana a re:
“A ke tjibi fote a ke kwesise gore wo bolabola ka ying.”
A napa a tjwa ka monyako.
69 Ho ngwannyana wa go tlhankela a mmona fote,
a re ga bo ke ho ba yemme hone,
“Mothaka ye ke ye mongwana wa bona.”
70 Peterose a gana fote.
Ka moragonyana ga nako,
Bo ke ho ba yemme thina ba re:
“Ke nnete wo ye mongwana wa bona,
ka gore wo mo Galeliya.”
71 A thoma go tefeferetsa le go yena ga bona a re:
“Nna a ke mo tjibi motho yene le bolabolang ka yene.”
72 Ka go yakgoswa kgogo ya phooko ya leka la bobedi.
Byalo Peterose a gopola mantsu wo Jesu a bolabodiyeng gage a re:
“Pele kgogo ya phooko ye leka la bobedi wo nyoko ba wo yitse a wo ntjibi ga raro.”
A nyama a lla.