Jesu matlhong ya Pilato
15
Ye sa le ka boshego,
baprisita ba bagolo,
bagolo,
baruti ba molawo le lekgotla ka moka la Sanhandriya,
ba fetsa ba kwana.
Ba tlema Jesu ba tjwa naye ba mo gafela Pilato.
2 Pilato a mmotsisa a re,
“Naa ke wene kgoshi ya Bajuda?
Jesu a fetola a re:
“Ee,
ka wona mokgwa wo wo bolabolang”.
3 Baperisita ba bagolo ba mo phara ka dilo tsa go tlala.
4 Pilato a mmotsisa fote a re:
“Naa a wo nyake go fetola?
Bona gore ba go phara ka dilo tsa go tlala byang?”
5 Mara Jesu a sa fetole fote,
Pilato a makala.
6 Byalo ke ho yele setlwayedi gore ka letjatji la moyanya wa paseka ba lokolle sebotjhwa so batho ba se kgopelang.
7 Monna ye ba reng ke Barabase ke ho a le jele le batlhanogela mmusho bo ba bolayiyeng batho nakong ya mmudubudu.
8 Leshaba la tla ga Pilato gore a ba makele tso a felang a ba makela tsona.
9 Pilato a botsisa a re:
“Naa le nyaka ke le lokollele kgoshi ya Bajuda?”
10 Ke ho a tjiba gore ke ka tseba ho baprisita ba bagolo ba gafele Jesu gage.
11 Mara baprisita ba bagolo ba fetlha leshaba gore Pilato a ba lokollele Barabase bakeng sa Jesu.”
12 Pilato a ba botsisa a re:
“Byalo,
ke make ying ka ye le mmitsang kgoshi ya Bajuda?”
13 Ba gowelela ba re.
“Mmapole!”
14 Pilato a fetola a re:
“Ka ying?
Ke molato wofe wo a wo makiyeng?”
Mara ba gowelela le go fetisa ba re:
“Mmapole!
15 Ka go nyaka go kgotsofatsa leshaba,
Pilato a ba lokollela Barabase.
A re Jesu a teyiwe a mo gafela gore a bapodiwe.
Masole a kwera Jesu
16 Masole ba yisa Jesu paleyising (Prayitiriyamo) ba bitsa masole go kgobokana ka moka ga bona.
17 Ba mo yapesa kobo ya go bafala ya bogoshi ke moka ba loga mphapathlogo wa motlwa bamo rwesa tlhogong.
18 Ba thoma go mmitsa ba re:
“Phela,
kgoshi ya Bajuda!”
19 Ba mo teya ba boyelela ka lepara tlhogong le go mo tshwela ka mare.
Ba wa ka matolo ba mo kgotamela ka go mo tewola.
20 Ho ba mo kweriye,
ba mo yapola kobo ya bogoshi ba mo yapesa dikobo tsage ba tjwa naye ba ya go mmapola.
Jesu ba mmapola
21 Monna ye mongwana wa go tjwa Sirene,
Simone papa wa Alexandere le Rufase,
ke ho a feta a ye tjwa nageng ba mo gapeletsa go rwala sefapano.
22 Ba tlisa Jesu lefelong lo ba reng ke Golgotha,
ke gore Lefelo la Legata.
23 Ke moka ba mo fa beyine ye tlhakanisiwe le mira,
mara a sa ye nwe.
24 Ba mmapola.
Ba yarolelana dikobo tsage,
ba kgana matengwa go bona gore ye mongwana le ye mongwana wo keraya ying.
25 Ke ho yele nako ya senyane ka boshego ho ba mmapola.
26 Lengwalo la molato wage ke ho le balega ka mokgwa wo,
KGOSHI YA BAJUDA.
27 Ba bapodiye le basenyi ba bangwana ka ba bedi naye,
ye mongwana ka letsogotsogong lage ye mongwana ka letsogong lage la sepata.
28 Ya ba go phetagala ga lengwalo le le reng,
“Wo badiwuwe le badiradibe.”
29 Bo ke ho ba feta ka tsela ba mmosha ka maroga,
ba shikinya ditlhogo ba re:
“Eya!
Wene wo nyokogo senya tempele wa ye yaga ka matjatji ka mararo,
30 phologa sefapanong wo tepholose!”
31 Ka wona mokgwa wone baprisita ba bagolo le baruti ba molawo ba mo kwera ba re:
“Wo pholosiye ba bangwana,
mara wo shitega go tepholosa!
32 Yere Kriste ye,
Kgoshi yo ya Israyele,
ye phologe gona byalo sefapanong,
gore re bone re dumele.”
Bo ke ho ba bapodiwuwe naye le bona ba mo phara ka maroga
33 Ka nako ya lesomepedi motshegare go biye le letshwifi naga ka moka go segela ka nako ya boraro ka merithi.
34 Ka yona nako yo none Jesu a gowelela ka lentsu le legolo a re:
“Eloyi,
Eloyi,
lama sabagathani?”,
Ye ra gore “Modimo waka,
Modimo waka”,
wo nshiyele ying?
35 Ho ba bangwana bo ke ho ba yemme thina ba yekwa tso bare:
“Theyetselang wo bitsa Eliya.”
36 Monna ka wweshi a taboga a yenela sepontje ka beyineng ya go galaka a tlhomela phateng a fa Jesu gore a nwe.
Monna yela a re:
“Byalo mo leseng.
Re bone ho Eliya a ka tla a mo pholosa.”
37 Jesu a gowelela ka lentsu le legolo,
a neyela moya.
38 Legaredeng la tempele la tleroga go tloga gedimo go ya fase.
39 Ho ntona ya ba lekgolo ye ke ho a yemme matlhong ya Jesu,
a yekwa go lla ga Jesu a bona le ka ho a hwileng ka gona,
a re:
“Ka nnete monna ye ke ho yele Morwayi wa Modimo!”
40 Basadi ba bangwana ke ho ba lebelele ba le kgolenyana.
Gare ga bona ke ho go na le Maria Magadalena,
Maria mmane wa Jakobose ye mongwana le Josese,
le Salome.
41 Basadi bo,
ba mo latele go tloga Galeliya ba mo tlhokomela ka tso a di tlhokang.
Basadi ba bangwana ba go tlala bo ba tleleng naye Jerusalema le bona ke ho ba le gona.
Poloko ya Jesu
42 Ke ho yele Letjatji la go lokisa la pele ga ho Sabatha ye segela,
ho boshego bo shutela,
43 Josefa wa Arimatheya,
monna wa go tjibega setho sa Lekgotla,
ye ke ho a letele mmusho wa Modimo,
a ba le sebete sa go ya ga Pilato a kgopela mmele wa Jesu.
44 Pilato a makala go kwa gore Jesu wo shele a hwile.
A bitsa ntona ya ba lekgolo,
a mmotsisa ho yeba Jesu wo shele a hwile.
45 Ho a kwele ka ntona ya ba lekgolo gore Jesu wo shele wo hwile,
a fa Josefa mmele wa Jesu.
46 Josefa a reka malapi,
a ya a fegolla mmele wa Jesu,
a wo phutela ka malapi,
a wo beya lebitleng lo le betliwuweng letlapeng.
Ke moka a kgokolosa letlapa a kwala monyako wa lebitla.
47 Maria Magadalena le Maria mmane wa Josese ba bona ho a beyiweng gona.