Matshwawo ya nako ya bofelo
13
Ho Jesu a sa tloga tempeleng,
ye mongwana wa barutiwa bage a re gage:
“Bona,
Moruti!
Matlapa ya gore ke ya magolo byang!
Le meyago ya go bafala ka mokgwa wo!”
2 Jesu a fetola a re:
“Naa le ya ye bona meyago ye ka moka ye megolo?
A gona letlapa le ka lloshi lo le ko go shala le le gedimo ga le lengwana,
lelengwana le lelengwana le nyoko wesediwa fase.”
3 Ho Jesu a dule Thabeng ya Metlhware a lebanne le tempele,
Peterose,
Jakobose,
Johanese le Andreya ba mmotsisa thopeng ba re:
4 “Re botse,
gore dilo tso di nyoko makega leng?
Le gona ke matshwawo afe ya gore dilo tso ka moka di ya phetagala?”
5 Jesu a re ga bona:
“Tlhokomelang gore go sa be le ye a le tshokanyang.
6 Ba go tlala ba nyoko tla ka lebitso laka,
ba maka wo kare,
‘Ke nna’ ba nyoko tshokanya ba go tlala.
7 Ho le yekwa ka dintwa le mabarebare ya dintwa,
le sa gakanege.
Dilo tsone di tshwanele go makega,
mara bofelo bo sa nyoko tla.
8 Setjhaba se nyoko tsogela setjhaba se sengwana,
le mmusho wo nyoko tsogela wo mongwana mmusho.
Go nyoko ba le ditjhikenyego ditulong tsa go fapafapana,
le ditlala.
Tso ye koba yele mathomo ya leshoko.
9 Le tshwanele go dula le letiye.
Le nyoko yisiwa makgotleng ya setjhaba la teyiwa disinagogeng.
Le nyoko yema matlhong ya babushi le magoshi byalo ka ditlhatse ga bona ka lebaka laka.
10 Le Ebangedi ye tshwanele go thoma ye reriwa ditjhabeng ka moka.
11 Ho le tshwariwuwe ba le yisiye tshekong,
le sa tshekele pele ga nako ka tso le nyoko di bolabolang.
Le fo bolabola se sengwana le se sengwana so le fiwang sona ka nako yone,
ka gore ye ka sa be lune le bolabolang,
mara Moya wo Mokgetwa.
12 Ngwanabo motho wo nyoko rekisa ngwanabo go yisa lehung,
le papa wo nyoko rekisa ngwana wage.
Bana ba nyoko tlhanogela batswadi ba bona ba ba bolaya.
13 Batho ka moka ba nyoko le tlhoya ka lebaka laka,
mara ye a yemang a tiya go segela mafelelong wo nyoko pholosiwa.
14 Ho le bona ‘manyala wo a tlontlulwang kereke ya Morena Jesu a makiwa ho go sa tshwanelang,
a nke ye a balang a kwesise ke moka ye a leng Juda ba tjhabele dithabeng.
15 Ye a leng gedimo ga ntlo yage a sa phologe kela a kena ka ntlong yage go tseya selo.
16 A nke ye a leng tjhemong a sa boyele morago go tseya kobo yage.
17 Go nyoko ba tsa go tshosa ka matla ka matjatji wone ga basadi ba ba yimmeng le ga bo mmane bo ba yangwesang!
18 Rapelang gore dilo tso di sa makege marega,
19 ka taba la gore ye nyoko ba matjatji ya go tlalelana ya go sa bapetsiwe le ya mathomong,
ho Modimo a tlhodiye lefase,
go segela gona byalo,
a ka sa tsoge a bapetsiwuwe fote.
20 Hala Modimo a sa kopafatsa matjatji wone,
ke ho go ka sa phologe motho.
Mara ka taba la bo ba kgethiwuweng,
le bo ba tlhawodiwuweng,
wo wa kopafatsiye.
21 Ka nako yone ho ye mongwana a kare ga lune,
‘Bona,
Kriste ke ye!’
Kela,
‘Bona,
Ke yela!’
Le sa dumeleng.
22 Ka gore Bokriste ba matsaka le baporofeta ba matsaka ba nyoko nyarela ba maka matshwawo le metlholo,
gore ho go kgonega ba tshokanye le bo ba kgetiwuweng.
23 Byalo dulang le letiye,
ke le botsiye dilo ka moka pele ga nako.
Jesu wo bolabola ka go boya gage
24 Mara ka wona matjatji wone,
a latelang ditlalelo,
“letjatji le nyoko fifala,
le ngwedi wo ka sa bonegetse,
25 dinaledi di nyoko wa go tjwa lefawufawung,
le dibopego tsa legedimo di nyoko shikinyega.”
26 Ka yona nako yone batho ba nyoko bona Morwayi wa Motho a ye tla ka maru le ka matla ya magolo le letago.
27 Wo nyoko roma mangeloyi yage go kgoboketsa bakgetiwa go tjwa mathokong a mane ya lefase,
go tjwa mafelelong ya lefase go ya mafelelong ya legedimo.
28 Byalo tjhutang tjhutiso yo go tjwa setlhareng sa mogo,
ka nako ka yiyoshi ho matlhogedi a tlhogela le matlakala a tjwa,
le ya tjiba gore selemo se thina.
29 Ho go le byalo,
ho le bona dilo tso di makega,
le ya tjiba gore di thina,
di ho monyako.
30 Nyanese ke ya le botsa,
moloko wo wo ka sa fete dilo tso ka moka di so koba di makega.
31 Legedimo le lefase di nyoko feta,
mara mantsu yaka a ka sa fete.
Letjatji le nako a di tjibege
32 “A gona ye a tjibang ka letjatji lone kela nako,
ye shita le mangeloyi kuwa legedimong,
le ho yele Morwayi,
mara go tjiba Papa a le ntoshi.
33 Dulang le letiye!
Le phafoge!
A le tjibe gore nako yone ye nyoko tla leng.
34 Go tshwana le ho motho a tloga,
wo shiya ntlo ka tlase ga tlhokomelo ya bahlanka bage,
ye mongwana le ye mongwana a na le mmereko wage,
a botsa ye a leng monyako gore a dule a tlhokomele.
35 Ka gona tlhokomelang ka gore a le tjibe gore mong wa ntlo wo boya leng,
ye ka ba ka malobana,
kela gare ga boshego,
kela ho kgogo ya phooko ye leka,
kela matlagosa.
36 Ho a ka boya ka go yakgoswa,
a sa le keraye le yetsele.
37 Se ke le botsang sona,
ke botsa ye mongwana le ye mongwana,
‘Tlhokomelang!’”