9
Ke moka a re ga bona:
“Nyanese ke ya le botsa,
ba bangwana bo ba yemmeng ho ba ka sa bone lehu ba so koba ba bona mmusho wa Modimo wo tla ka matla.”
Jesu wo fetoga sebopego
2 Ka morago ga matjatji a tshelelang Jesu a tseya Peterose,
Jakobose le Johanese a ya nabo thabeng ye telele,
ho ke ho ba le ntoshi.
Gona hone Jesu a fetoga sebopego matlhong ya bona.
3 Dikobo tsage diya gadima ka boshweu,
boshweu byo go senang motho ho lefaseng a ka bo yedisang.
4 Gona hone go nyarele Eliya le Moshe bo ke ho ba bolabola le Jesu.
5 Peterose a re ga Jesu:
“Rabbi,
ke go go butji ho re le ho.
A re yageng mekhukhu ka meraro,
ka wowoshi ke wago,
ka wowoshi ke wa Moshe hala wo mongwana yele wa Eliya.”
6 Peterose ke ho a sa tjibi so a se bolabolang ka gore ke ho ba tjhogiye.
7 Ke moka leru la nyarela la ba khurumetsa,
lentju la tjwa lerung la re:
“Ye ke Morwayi waka,
ye Ke mo ratang.
Mo theyetseleng!”
8 Ka go yakgoswa ho ba lebelela ka mathoko ba sa sa bona motho ho yese Jesu hela.
9 Ho ba phologa thaba,
Jesu a ba laya tsebe go kwa gore ba sa botse motho so ba se bonneng go segela ho Morwayi wa Motho a tsogiye bahung.
10 Ba hupa taba yone,
ka bobona ba bolabodisana ka gore go “tsoga bahung” di ra gore ying.
11 Ke moka ba mmotsisa ba re:
“Ke ying taba baruti ba molawo ba re Eliya wo tshwanele go tla pele?”
12 Jesu a fetola a re:
“Go le botsa nnete,
Eliya wo nyoko tla pele,
ke moka a bosetsa dilo kamoka sekeng.
Ke ying taba byalo go ngwadiwe gore Morwayi wa Motho wo tshwanele go tlhopega ka matla a ba a ganiwa?
13 Mara ke ya le botsa,
Eliya wo tlile ba mo maka ka moka tso ke ho ba di nyaka byalo ka ho go ngwadiwuwe ka yene.”
Go fodisiwa ga moshemanyana wa go ba le moya wo mobe.
14 Ho ba boyela ga barutiwa bala ba bangwana,
ba bona leshaba le legolo le ba kgobakanele ke moka baruti ba molawo ba ganetsana le barutiwa ba Morena Jesu.
15 Ka go yakgoswa ho batho ba bona Jesu,
ba makala ka matla ba tabogela go mo dumedisa.
16 Jesu a ba botsisa a re:
“Le ganetsana ka ying le bona?”
17 Monna ye mongwana hone gare ga bona a fetola a re:
“Moruti,
ke tlisiye morwayi waka gago,
ye a kenneng ke moya wo wo mo yamogiyeng polabolo.
18 Ho wo mo kutulogela wo mo latlhela fase.
Wo tjwa mahwefe ka molomong,
a lomanya meno ke moka a womelela.
Ke kgopele barutiwa bago go raka moya,
mara ba shitegiye.”
19 Jesu a fetola a re:
“Yoo,
moloko wa go sa dumele!
Ke nyoko dula le lune go segela leng?
Ke nyoko ba le lune go segela leng?
Tlisang moshemanyana ho gaka.”
20 Ke moka ba mo tlisa.
Ho moya wo mobe wo bona Jesu,
wa yakgoswa wa tlhagasedisa moshemanyana.
A wela fase a kgokologa,
a tjwa lehwefe ka molomong.
21 Jesu a botsisa papa wa moshemanyana a re:
“Ke go tlogela leng a le ka mokgwa wo?”
Papa wa moshemanyana a fetola a re:
“Go tlogela bonyaneng byage.
22 Ke ho wo fela wo mo latlhela mollong kela meetjing wo nyaka go mmolaya.
Mara ho wo ka kgona go maka se sengwana,
re kwele go baba wo re thushe.”
23 Jesu a re:
“Ho wo ka kgona?
Se sengwana le se sengwana se ya kgonega ga ye a dumelang.”
24 Ka go yakgoswa papa wa ngwana a re:
“Ke ya dumela,
nthushe ke fenye go sa dumele gaka!”
25 Ho Jesu a bona gore mashaba a tabogela tukulogong yone,
a kgalemela moya wone.
A re:
“Wene moya wa sefowa le wa semumu,
ke ya go layela,
tjwang hone go yene wo sa sa boya wo kena hone gage.”
26 Moya wa gowelela,
wa mo tlhagasedisa wa tjwa.
Moshemanyana a bonagala nkare ke setopo ba go tlala ba re:
“Wo hwile.”
27 Mara Jesu a mo tshwara a mo yemisa ke moka a yemelela.
28 Ka morago ga ho Jesu a kenne ka ntlong,
barutiwa bage ba mmotsisa thopeng ba re:
“Ke ying rune re shitegiye go raka moya wone?”
29 Jesu a fetola a re:
“Moshaga wo wa moya a wo tjwe ho ye se ka thapelo hela.”
30 Ba tloga lefelong lone ba kgawola Galeliya.
Jesu a sa nyake gore batho ba di tjibe ho ke ho ba le gona,
31 ka ho a be a tjhutisa barutiwa bage.
Jesu a re ga bona:
“Morwayi wa Motho wo nyoko rekisiwa diyatleng tsa batho.
Ba nyoko mmolaya,
ke moka ka morago ga matjatji ka mararo wo nyoko tsoga.”
32 Mara a ba mo kwesisa gore ke ho a ra go re ying le gona ke ho ba tjhaba go mmotsisa ka tsona.
Ye mogolo ke mang?
33 Ba tla Kapernaume.
Ho Jesu a le ka ntlong a ba botsisa a re:
“Ke ho le phegisana ka ying ho le le tseleng?”
34 Mara ba fo homolela fela ka gore ho ba le tseleng ke ho ba phegisana ka gore ye mogolo ke mang?
35 Ho Jesu a dule fase a bitsa ba lesomepedi a re:
“Ho ye mongwana a nyaka go ba wa mathomo,
wo tshwanela ke go ba wa mafelelo,
ye be motlhanka wa ye mongwana le ye mongwana.”
36 Jesu a tseya ngwana ye monyana a mo yemisa gare ga bona.
A mo kakola,
a re ga bona:
37 “Ye a yamogelang ye mongwana wa bana bo ba banyana ka lebitso la ka wo yamogela nna,
fote ye a nkamogelang,
a yamogele nna wo yamogela ye a nrommeng.”
Ye a sa lweng le rune ke wa rune
38 Johanese a re:
“Moruti re bonne ye mongwana a raka mademone ka lebitso lago,
ke moka re mmotsiye gore a lese,
ka ho yese yemongwana wa rune.”
39 Jesu a re gage:
“Le sa mo lesise,
a go na ye a ka makang motlholo ka lebitso la ka,
a boya fote ka morago a bolabola tsa go befa ka nna.
40 Ye a sa lweng le rune ke wa rune.
41 Ke le botsa nnete,
ye mongwana le ye mongwana ye a go fang meetji ka komitji (mosorotwane) ka lebitso la ka ka ho wo le wa Kriste a ka sa lobe moputso wage.
Go makisiwa sebe
42 Le gona ho ye mongwana a maka gore ye mongwana wa bo ba banyana bo ba dumelang gaka go maka sebe,
go ka ba kawone ho lwala le ka tlemelediwa molaleng wage a foshediwa lewatleng.
43 Ho letsogo lago le go makisa sebe,
le kope.
Go kawone go kena bophelong wo golofele go na le go kena diheleng wo na le matsogo ka mabedi ho mollo wa go na wo sa timeng.
44 Ho seboko sa gona se sa hweng le mollo wa gona wo sa timeng.
45 Le gona ho lewoto lago le go makisa sebe,
le kope.
Go kawone go kena bophelong wo le mogolofadi gona le gore wo latlhediwe diheleng wo na le mawoto ka mabedi.
46 Ho seboko sa gona se sa hweng le mollo wa gona wo sa timeng.
47 Le gona ho letlho lago le go makisa sebe,
le gonye.
Go kawone go kena mmushong wa Modimo wo na le letlho ka lloshi gona le go latlhediwa heleng wo na le matlho ka mabedi.
48 Ho seboko sa gona se sa hweng le mollo wa gona wo sa timeng.
49 Ye mongwana le ye mongwana wo nyoko lekiwa ka mollo.
50 Letswayi le lokiye,
mara ho le latlhegela ke botswayi bya lona,
naa wo ka maka byang gore le boyele botswaying bya lona?
Yebang letswayi ka bo lune,
le be le khutjo ho gare ga lune.”