Jesu wo fepa ba dikete ka dine
8
Ka wona matjatji wone leshaba le lengwana le legolo la kgobakana.
Ka ho ba sena tsa godya,
Jesu a bitsa barutiwa bage a re:
2 “Ke ba kwela go baba batho bo,
ba shele ba fetsiye matjatji ka mararo ba na le nna ba sena tsa godya.
3 Ho nka ba romela gaye ba garele,
ba tshwere ke tlala,
ba nyoko wa tseleng,
ka ho ba bangwana ba tjwa kgole.”
4 Barutiwa bage ba fetola ba re,
“Mara ke kaye ho motho a ka kgonang go keraya dikgwa tsa go fepa batho re le kgole le meetji ka mokgwa wo?”
5 Jesu a ba botsisa a re:
“Le na le dikgwa ka dikaye?”
Ba fetola ba re:
“shupa”
6 Jesu a botsa leshaba gore le dule fase.
Ho a tsere dikgwa tsela tse shupa a lebogiye,
a ngathanya dikgwa a neya barutiwa bage gore ba di beye matlhong ya batho,
ke moka ba maka ka mokgwa wone.
7 Ke ho ba na le ditlhapi tse dinyana di sa hwala,
le ka tsona a leboga,
a botsa barutiwa gore ba yabele batho.
8 Batho ba dyele ba hora.
Ka morago barutiwa ba kotela mawudu wo a sheleng ba tlatsa dimantji tse shupang.
9 Ke ho go na le banna ba dikete ka dine.
Ho a botsiye leshaba gore le tloge,
10 a kena ka sekepeng le barutiwa bage ba ya tikologong ya Dalmanutha.
11 Bafaraseyi ba tla ba thoma go botsisa Jesu.
Go mo leketsa,
ba mo kgopela letshwawo go tjwa legedimong.
12 A yehugela gedimo a re:
“Ke ntaba moloko wo wo kgopela letshwawo la motlholo?
Ke le botsa nnete,
a go na letshwawo lo wo kogo fiwa wona.”
13 A napa a ba shiya,
a boyela morago sekepeng a tshelela ka mosekola wela.
Tlhokomela huwetso ya Bafaraseyi le Herode
14 Barutiwa ke ho ba lebele go tla le dikgwa,
ho ye se sekgwa ka soshi hela so ko ho ba le naso sekepeng.
15 Jesu a ba lemosa a re:
“Tlhokomelang,
lemogang dikomelo tsa Bafaraseyi le tsa Herode.”
16 Ba bolabodisana bona beng ba re:
“Ke ka lebaka la gore a re na sekgwa.”
17 Ka go tjiba polabodisano ya bona,
Jesu a ba botsisa a re,
‘Ke ying taba le bolabodisana ka go sa be le sekgwa?
Le gona byalo a le so bone la kwesisa?
Naa dipelo tsa lune di thatafatsewuwe?
18 Le na le matlho mara le shitega go bona,
le ditsebe mara le shitega go kwa?
Naa a le gopole?
19 Hala ke ngathanya dikgwa ka di tlhano go fa batho ba dikete ka di tlhano,
le tlatsiye dimantji ka di kaye tsa mawudu wo le ya koteleng?”
Ba fetola ba re:
“Lesomepedi.”
20 “Le hala ke ngathanya dikgwa tse shupa ga batho ba dikete ka dine,
le tlatsiye dimantji ka di kaye ka mawudu wo le ya koteleng?”
Ba fetola ba re:
“Tse shupa.”
21 A re ga bona:
“Le gona a le so kwesise?”
Go fodisiwa ga monna wa sefofu
22 Ba tla Betsayida,
batho ba ba ngwana ba tlisa monna wa sefofu ba kgopela Jesu gore a mo kgwate.
23 Jesu a tshwara monna wa sefofu ka seyatla a ya naye ka tawong ga mutji.
Ho a tshwele monna yene ka matlhong a mmeya diyatla a mmutsisa a re:
“Naa,
wo bona se sengwana?”
24 Monna a lebelela gedimo a re:
“Ke bona batho nkare ke ditlhare ba sepela sepela.”
25 Jesu a boyelela a mmeya diyatla matlhong.
Ke moka matlho a bulega,
go bona gage gwa boyela sekeng,
a bona dilo gabutji.
26 Jesu a mo romela gaye,
a re:
“Wo sa kene motjing.”
Peterose wo tiyisa gore Jesu ke Kriste
27 Jesu le barutiwa bage ba ya metjing ya Kesariya Filipi.
Ho ba le tseleng a botsisa a re:
“Batho ba re ke nna mang?”
28 Ba fetola ba re:
“Ba bangwana ba re ke wene Johanese Motlungwetsi,
ba bangwana ba re ke wene Eliya hala ba bangwana ba re ke wene ye mongwana wa baporofeta.”
29 A ba botsisa a re:
“Byalo lune le re ke nna mang?”
Peterose a fetola a re:
“Ke wene Kriste”
30 Jesu a ba laya tsebe go kwa a re ba sa botse motho.
Jesu wo wutulla tsa lehu lage
31 A thoma go ba tjhutisa gore Morwayi wa Motho wo nyoko tlhopega dilong tsa go tlala,
a latlhiwe ke bagolo,
baprisita ba bagolo le baruti ba molawo,
wo nyoko bolayiwa,
ka morago ga matjatji ka mararo wo nyoko tsoga fote.
32 Wo bolabodiye phatlalatsa ka tsone,
Peterose a mo gogela ka thoko a thoma go mo kgala.
33 Ho Jesu a sokologiye a lebelele barutiwa bage,
a kgalemela Peterose a re:
“Tloga morago gaka Sathane!
A wo nagane ka dilo tsa Modimo,
ho yese dilo tsa batho hela.”
34 A bitsa leshaba le barutiwa bage ba tla gage a re:
“Ho motho ye mongwana a nyaka go nlatela wo tshwanele go tegana,
a tseye sefapano sage a nlatele.”
35 Ye mongwana le ye mongwana ye a nyakang go tjhireletsa bophelo byage,
wo nyoko bo loba,
mara ye a lobang bophelo byage ka baka laka le ka baka la Ebangedi ya ka,
wo nyoko bo tjhireletsa.
36 Se sebutji ke sefe ho motho a kgobaketsa dilo tsa lefase ka moka,
mara a latlhagela ke moya wage?
37 Kela ke ying so motho a ka se fang go reka bophelo byage?
38 Ho motho a ntjebela ho molokong wo wa diwotswa le badira dibe,
Morwayi wa Motho le yena wo nyoko mo tjebela ho a boya a le letagong la Papage a na le mangeloyi ya makgethwa.”