Jesu wo tjhutisa ka go yela le go sa yele
7
Bafaraseyi le ba bangwana ba baruti ba molawo bo ke ho ba tjwa Jerusalema,
ba kgobakanela Jesu.
2 Ke moka ba bona barutiwa ba Jesu ba yidya ka diyatla tsa “go sa yela,”
ke gore,
tsa go sa tlhapiwa.
3 Bafaraseyi le BaJuda ka moka ke ho ba sa dye ho ba sa thoma ka go tlhapa diyatla go ya ka tirelo ya sedumedi,
ka ho ba tshwarelele setjong sa ba bagolo.
4 Ho ba tjwa mmarakeng a ba dye ba sa tlhapa.
Ba latela le ditjo tse dingwana tsa go tlala tsa go tshwana le go tlhatswa dikomitji,
digo le diketlele.
5 Bafaraseyi le baruti ba molawo ba botsisa Jesu ba re:
“Ke ying taba barutiwa bago ba sa latele setjo sa ba bagolo mara ba fo dya ka diyatla tsa ‘go sa yela?’”
6 Jesu a fetola a re:
“Jesaya ke ho a resa ho a porofetiye ka lune batemakisi,
ka ho go ngwadiwuwe go re:
‘Batho ba ntlhompa ka melomo,
mara dipelo tsa bona di kgole le nna.
7 Ba nrapela ka lefela,
ditjhutiso tsa bona ke melawo ya go tjhutisiwa ke batho.’
8 Le lesiye melawo ya Modimo le tshwarelele ditjo tsa batho.”
9 Jesu a re ga Bafaraseyi le baruti ba molawo:
“Le nagana gore le na le tsela ye butji ya go phagela melawo ya Modimo ka thoko,
gore le kgone go latela ditjo tsa lune!
10 Ka ho Moshe a yitse,
‘Tlhompa papago le mmane wago,
ye mongwana le ye mongwana ye a feferetsang papage kela mmane wage a bolayiwe.’
11 Mara lune le re motho ye a ka botsang papage kela mmane wage a re:
‘Thusho ye nngwana le ye nngwana yo nkabeng le ye kerayiye go tjwa ho gaka ke Korebane’ ke gore,
ke mpho ye ke ye gafeleng Modimo,
12 byalo a le sa dumelela motho go makela papage kela mmane wage tso ke ho a tshwanele go ba makela tsona.
13 Ke gona le fedisa lentsu la Modimo ka go tshwarelela setjo sa lune so le ba fileng sona.
Byalo le maka le tse dingwana tsa go tshwana natso.”
14 Jesu a bitsa leshaba fote a re,
“Ntheyetseleng,
lune ka moka,
le kwesise so.
15 A gona so se tjwang ka tawong se yang ka teng ga motho se ka mo ‘thilafatsang.’
Ho ye se,
so se tjwang ka teng ga motho se ya ka tawong se ka mo ‘thilafatsang.’
16 Ye a nang le tsebe a kwe.”
17 Ho a tlogiye leshabeng a kenne ka ntlong,
barutiwa bage ba mmotsisa ka setshwaniso so.
18 Jesu a ba botsisa a re:
“Naa le diphokophoko?
A le bone gore a gona so se tjwang ka tawong ga motho se ka mo ‘thilafatsang’?
19 Ka go re a se ye pelong mara se ya sekweleng sage,
sa fetsa se tjwele mmeleng wage.”
Ka go bolabola so,
Jesu wo ba botsiye gore tsagodya ka moka di “yediye.”
20 A ya matlhong,
“So se tjwang ka teng ga motho ke sona se mo ‘thilafatsang.’
21 Ka gore ka teng,
pelong ya motho,
go tjwa menagano ye mebe,
go tlhoka mayitshwaro ka tsa thobalano,
go yetswa,
go bolaya,
bowotswa,
22 dipawo,
lehufa,
matsaka,
go tlhoka mekgwa,
go nabela,
go poyila,
go tepona le boshilo.
23 Ka moka dilo tse dimpe tso,
di tjwa ka teng dya ‘thilafatsa’ motho. ”
Tumelo ya mosadi wa Mosorofenika.
24 Jesu a tloga lefelong lone a ya tikologong ya Tiro.
A kena ntlong a sa nyake batho ba di tjiba,
le ho go le byalo a sa kgone gore go ba gona gage ye be sephiri.
25 Ke moka,
ho mosadi ye morwediya wage ke ho a keniwuwe ke moya wo mobe a kwele ka Jesu,
a tla a wela mawotong yage.
26 Mosadi ye ke ho yele Mogerika,
a belegele Siriya Foneshiya.
A kgopela Jesu go raka ledemone morwediyeng wage.
27 Jesu a mmotsa a re:
“A go thome bana ba dye tso ba di nyakang,
a go ya loka go tseya sekgwa sa bana wa foshela dimpya tsa bona.”
28 Mosadi a fetola a re:
“Ee,
Morena,
dimpyanyana le tsona ka fase ga tafola di dya mawudu ya bana.”
29 Jesu a botsa mosadi a re:
“Ka yona karabo yo,
a riye gaye,
ledemone le tjwele morwediyeng wago.”
30 Mosadi a ya gaye a kereya morwediya wage a yetsele mpeteng,
ledemone le yiye.
Go fodisiwa ga monna wa sefowa le semumu
31 Ke moka Jesu a tloga tikologong ya Tiro,
a kgawola ka Sidone,
a thewogela lewatleng la Galeliya a kena Dekapolise.
32 Gona hone batho ba tlisa monna wa sefowa gage ye a beng a sa kgone go bolabola tsa go kwagala,
ba kgopela Jesu gore a mmeye diyatla.
33 Ka morago ga ho Jesu a mo tseyele ka thoko,
kgole le leshaba,
Jesu a kenisa menwana yage ka ditsebeng tsa monna yene.
Byalo a tshwela mare menwaneng ya ge a mo kgwata lleme.
34 Jesu a lebelela legedimong a yehuga,
a re gage:
“Efatha!,”
Ke go re,
“bulega!”
35 Ke moka monna a bulega ditsebe,
a rarologa lleme,
ke moka a thoma go bolabola tsa go kwagala.