Tlhalo
10
Jesu a tloga lefelong lone a ya tikologong ya Juda le go tshelela mosekola wa Jordane.
Leshaba la batho la tla gage fote,
ka ho yele setlwayedi sage,
a ba tjhutisa.
2 Ba bangwana ba Bafaraseyi ba tla go mo leketsa ka go mmotsisa ba re:
“Naa di molawong gore monna a tlhale mosadi wage?”
3 Jesu a fetola a re:
“Ke ying so Moshe a le layeleng sona?”
4 Ba re:
“Moshe wo dumelele monna go ngwalela mosadi wage lengwalo la tlhalo a mo rake.”
5 Jesu a fetola a re:
“Ke ho yele ka baka la go thathafa ga dipelo tsa lune ho Moshe a ngwadiye molawo.
6 Mara le mathomong ya tlholo,
‘Modimo wo makiye monna le mosadi.’
7 Ka lona lebaka lone monna wo nyoko shiya papa le mmane wage a gomarela mosadi wage,
8 ke moka ka babedi ga bona ba nyoko ba nama ka yiyoshi,
ba ka sa sa ba ka babedi,
mara nka woweshi.
9 Ka gona so Modimo a se tlhakannyeng,
go sa be le ye a se yaroganyang.’”
10 Ho ba le ka ntlong fote,
barutiwa ba botsisiye Jesu ka tsona tso.
11 Jesu a ba fetola a re:
“Ye mongwana le ye mongwana ye a tlhalang mosadi wage ke mokane a nyala ye mongwana wa wotswa kgatlhanong le mosadi wage.
12 Le gona ho mosadi a tlhala monna wage ke moka a nyala ke ye mongwana monna,
wa wotswa.”
Bana ba banyana le Jesu.
13 Batho ke ho ba tlisa bana ga Jesu gore a ba beye diyatla a ba shegofatse,
mara barutiwa ba ba kgalema.
14 Ho Jesu a bona tsone tsa sa mo tshware ga butji.
A re:
“Lesang bana ba tle gaka le se ke la ba thibela,
ka gore mmusho wa Modimo ke wa bona.
15 Ke le botsa nnete,
ye a sa yamogeleng mmusho wa Modimo go tshwana le ngwana a ka sa kene ga wona.”
16 Ke moka a kakola bana ka matsogo,
a ba beya diyatla a ba shegofatsa.
Lesogana la mohumi
17 Ho Jesu a thoma ka leyeto lage,
monna a mo tabogela a wa ka matolo matlhong yage.
A botsisa a re:
“Moruti wa go loka,
ke tshwanele go maka ying gore ke keraye bohwa bya bophelo byo bo sa feleng?”
18 Jesu a mo fetola a re:
“Ke ying wo mpitsa wa go loka?
A gona wa go loka,
ho ye se Modimo hela.
19 Wo tjiba molawo:
‘wo sa bolaye,
wo sa wotswe,
wo sa wutswe,
wo sa fe botlhatse bya matsaka,
wo sa make bohwirihwiri,
tlhompa papago le mmane wago.’”
20 Mohumi a bolabola ka go gatelela a re:
“Moruti,
tsone ka moka ke di makiye go tlogela ke sa le moshemanyana.”
21 Jesu a mo lebelela a mo rata a re:
“Go sa na le ka soshi so wo se tlhokang.
Ariye wo rekise ka moka tso wo nang natso wo fe badidi,
Ke moka wo nyoko ba le lehumo legedimong.
Ke moka wo tle,
wo nlatele.”
22 Ho monna a ye kwa tsone a yinamisa sefatlhego.
A tloga a nyamme,
ka ho a be a humme ka matla.
23 Jesu a lebelela ka mathoko a bolabola le barutiwa bage a re:
“Go wa thatafa gore mohumi a kene mmushong wa Modimo!”
24 Barutiwa ba Morena Jesu ke ho ba makele ka mantsu yage.
Mara Jesu fote a re:
“Bana,
gwa thatafa go kena mmushong wa Modimo!
25 Goba kaone ga kamela go kena ka leshuba la neleta gona le gore mohumi a kene mmushong wa Modimo.”
26 Barutiwa ba Morena Jesu ba makala le go feta,
ba bolabodisana ba re:
“Byalo ke mang a ka pholosiwang?”
27 Jesu a ba lebelela a re:
“Ga motho tso a di kgonege,
mara ye seng ga Modimo,
dilo ka moka di ya kgonega ga Modimo.”
28 Peterose a re:
“Rune re shiye dilo ka moka ra go latela!”
29 Jesu a fetola a re:
“Ke le botsa nnete,
a go na ye a shiyeng mutji kela bana ba gabo,
kela mmane kela papa kela bana kela mashemo ka lebaka la ka le ka lebaka la Taba ye Butji ya Modimo,
30 a ka shitegang go yamogela go fetisa tse lekgolo ka yona nako ye,
magaye,
bana ba gabo,
bommane,
bana,
le mashemo,
ka moka tso,
le ditlhoriso le ka nako ye ye tlang,
bophelo byo bo sa feleng.
31 Mara ba go tlala bo ba leng ba mathomo ye nyoko ba ba mafelelo,
ba mafelelo ya ba ba mathomo.”
Jesu wo wutulla tsa lehu lage fote
32 Ke ho ba se le ba le tseleng ya bona ya go rotogela Jerusalema,
Jesu ye le yene a ba yetiyeng matlhong,
barutiwa bage ba makele,
hala bo ba mo latelang ba tjhogiye.
A bitsela ba lesomepedi ka thoko fote a ba botsa tso di nyoko mo makegelang.
33 Jesu a re ga bona:
“Re rotogela Jerusalema,
ho Morwayi wa Motho a yang go rekisiwa ga baprisita ba bagolo le ga baruti ba molawo.
Ba nyoko mo yatlholela lehu ba mo gafela ga Baditjhaba,
34 bo ba nyoko go mo kwera le go mo tshwela ka mare ba mo teya ba mmolaya.
Ka morago ga matjatji ka mararo wo nyoko tsoga bahung.”
Kgopelo ya Jakobose le Johanese
35 Ke moka Jakobose le Johanese,
barwayi ba Sebediya,
ba tla ga Jesu.
Ba re:
“Moruti,
re nyaka wo re makele se sengwana le se sengwana so re se kgopelang.”
36 Jesu a ba botsisa a re:
“Le nyaka ke le makela ying?”
37 Ba fetola ba re:
“Maka gore ye mongwana wa rune a dule ka letsogong lago la setsogotsogo ye mongwana ka letsogong la sepata letagong lago setulong sa letago la bogoshi.”
38 Jesu a re:
“A le tjibi so le se kgopelang,
le ka kgona go sora komitjing yo ke sorang ka yona kela la tlungwetsiwa ka kolobetso yo ke tlungwetsiweng ka yona?”
39 Ba fetola ba re:
“Ee,
re ka kgona,”
Jesu a re ga bona:
“Le nyoko nwa komitjing yo ke sorang ka yona le kolobetso ye ke tlungwetsiweng ka yona,
40 Mara go dula ka letsogong la setsogotsogo kela la sepata a ye tsaka go le fa tsona.
Madulo wo ke ya bo ba lokisediweng wona.”
41 Ho barutiwa ba la ba ba ngwana ba lesemo ba yekwa tsone ba sa tshwarege ga butji ka Johanese le Jakobose.
42 Jesu a ba bitsa ka moka a re:
“Le tjiba gore bo ba reng ke babushi ba Baditjhaba ba ba busha ka go ba gatelela,
ba bagolo ba bona ba berekisa matla ya bona gedimo ga bona.
43 Go sa be ka mokgwa wone ga lune.
Sebakeng sa gore motho a nyake go ba ye mogolo,
wo tshwanele go ba motlhanka wa lune,
44 le gona ye a nyakang goba wa pele wo tshwanele go ba lekgoba la lune ka moka.
45 Yeshitang le Morwayi wa Motho a a tlela go tlhankediwa mara wo tlele go tlhankela,
le go neyela bophelo byage byalo ka topollo ya ba go tlala.”
Bartemeyo wo yamogela go bona gage
46 Ke moka ba segela Jeriko.
Ho Jesu a na le barutiwa bage le leshaba le legolo,
ba tloga hone motjing,
monna wa sefofu,
Bartemeyose,
Morwayi wa Temeyose,
ke ho a dule tseleng a kgopela.
47 Ho a kwele gore ke Jesu wa Nasareta,
a thoma go gowelela a re:
“Jesu,
Morwayi wa Dafida,
ng-gawugele!”
48 Batho ba mo kgadimola ba re a homolele,
mara a gowelela ka matla:
“Morwayi wa Dafida ng-gawugele!”
49 Jesu a yema a re:
“Mmitse” ke moka ba mmitsa,
ba mo tlhotlheletsa ba re:
“Beta pelo yemelela!
Wo wa go bitsa.”
50 A latlhela kobo yage ka thoko,
a tshela a tla ga Jesu.
51 Jesu a mmotsisa a re:
“Wo nyaka ke go makela ying?”
Monna wa sefofu a re:
“Rabbi,
ke nyaka go bona.”
52 Jesu a re:
“Ariye,
tumelo yago ye go fodisiye.”
Ka go yakgoswa a yamogela go bona gage a mo latela.