Jesu wo kgalema botemakisi bya Bafaraseyi
23
Ke moka Jesu a botsa mashaba le barutiwa bage a re:
2 “Bafaraseyi le Baruti ba molawo ba dule setulong sa Moshe.
3 Ka gona le ba kweng le makeng ka moka tso ba le botsang tsona.
Mara le sa make tso ba di makang,
ka gore a ba make tso ba di rereng.
4 Ba tlemelela merwalo ya go roba ba ye beya magetleng ya batho,
mara bonabeng a ba nyake le go ka yitikisa ka menwana ya bona.
5 Ka moka tso ba di makang ba makela go bona ke batho.
Ba yapara mapanta wo a ngwadiwuweng ditemana tsa Mangwalo a Makgetwa ho mopong le matsogong ya bona,
matjhakgatjhakga ya dikobo tsa bona ba a maka yeba ya bophara le ya matelele.
6 Ba nyaka madulo ya go tlhompega menyanyeng le disenagogeng.
7 Ba nyaka go dumedisiwa mapatlelong le go bitsiwa ke batho ka la ‘Moruti.’
8 Mara lune le sa dumele go bitsiwa ‘Moruti’ ka ho le na le Moruti ka woweshi,
lune ka moka le bana ba motho.
9 Le sa bitsi ye mongwana lefaseng la re ke ‘papa,’
ka ho lune le na le Papa wa lune wa legedimong.
10 Le sa bitsiwe ‘Moruti’ ka gore le na le Moruti ka woweshi ye leng Kriste.
11 Ye a nyakang go ba ye mogolo ho ga lune a be motlhanka wa lune.
12 Ka gore ye mongwana le ye mongwana ye a tegodisang wo nyoko kokobetsiwa,
ye a te kokobetsang wo nyoko godisiwa.
13-14 Madimabe ga lune baruti ba molawo le Bafaraseyi,
lune batemakisi!
Le kwalela batho mmusho wa legedimo.
Lune beng la sa kene,
la sa bulele le bo ba nyakang go kena.
Madimabe ga lune baruti ba molawo le Bafaraseyi lune batemakisi ka ho le yedya malapa ya batlhologadi le ba tshokanya ka dithapelo tse di telele,
molato wa lune katlholong ye nyokoba wo mogolo.
15 Madimabe ga lune baruti ba molawo le Bafaraseyi!
Le sepela le dinaga ka moka le lewatleng le nyaka go sokolosa motho ka woweshi,
ho a sokologiye la mo maka gore a be modiradibe go feta le lune beng.
16 Madimabe ho ga lune batlhatlhi ba difofu!
Le re ho ye mongwana a yena ka tempele,
a make selo,
mara ho a yena ka gawuta ya tempeleng le re wo te tlemme ka keno yage.
17 Lune difofu tsa diphokophoko!
Ke ying so yeleng se segolo,
ke gawuta kela tempele se se makang gawuta gore ye kgetege?
18 Fote le re:
“Ho motho a yena ka aletara le re a make selo,
mara ye a yenang ka mpho gedimo ga yona wo tetlemme ka keno yone.
19 Lune difofu!
Se segolo ke mpho kela aletara ye ye makang mpho gore ye kgetege?
20 Ka gona ye a yenang ka aletara wo yena le ka moka tso di leng ga yona.
21 Le ye a yenang ka tempele,
wo yena le ka Modimo ye a duleng ka teng ga yona.
22 Le ye a yenang ka legedimo,
wo yena ka setulo sa Modimo sa bogoshi le ka ye a duleng ga sona.
23 Madimabe ga lune baruti ba molawo le Bafaraseyi lune batemakisi!
Le ntsha sa lesome ga dinuki le dilo tse dinyana,
mara le shiya tsa botlhokwa molawong,
yeleng toka,
mogawu le botshepegi.
Ke ho le tshwanele go maka tso tsa mafelelo tsa bohlokwa mara le sa lebale go maka le tsela tsa mathomong.
24 Lune batlhatlhi ba difofu!
Le minya boshunyane mara la kgwesa tlowu.
25 Madimabe lune baruti ba molawo le Bafaraseyi,
lune batemakisi!
Le tlhatswa komitji le sitja ka tawong hala ka teng ga lune le tlele ka dipawo le go tenyakela tsa lune.
26 Bafaraseyi ba difofu!
Thomang ka go tlhatswa ka teng ga komitji le sitja,
ke ho le ka tawong go nyoko yelang.
27 Madimabe ga lune baruti ba molawo le Bafaraseyi,
lune batemakisi!
Le tshwana le mabitla wo a kgabisiweng ka boshwewu a bonagala a bafele ka tawong mara ka teng a tlele ka mashapo ya batho ba go hwa le dithila ka moka.
28 Ka wona mokgwa wonone ka tawong le bonagala bathong wo kare le baloki mara ka teng le tlele ka botemakisi le bobe.
29 Madimabe ga lune baruti ba molawo le Bafaraseyi,
lune batemakisi!
Le yagelela mabitla ya baporofeta la bafadisa mabitla ya baloki.
30 La re:
“Hala nkabe re phediye nakong ya bokokwane ba rune ba botala nkabe re sa ka ra kwana nabo ho ba tsholla madi ya baporofeta.
31 Ka go reyano le tiyisa gore ke lune ditlogolwana tsa bo ba bolayiyeng baporofeta.
32 Feleletsang byalo sebe sa bokokwane ba lune ba botala.
33 “Lune dinoga tenang!
Bana ba marabe!
Le nyoko phologa byang go yatlholediwa dihele?
34 Ka gona ke le romela baporofeta le ba botlhale le baruti ba molawo,
ba bangwana ba bona le nyoko ba bolaya la ba bapola,
ba bangwana le nyoko ba teya disenagogeng tsa lune,
la ba lelekisa go tloga metjing go ya metjing ye mengwana.
35 Byalo gedimo ga lune go nyoko nyakiwa madi ka moka ya baloki wo a falaleleng fase,
go tloga ka madi ya Abele moloki go ya ga Sakariya morwayi wa Berekiya ye ba mmolayiyeng gare ga tempele le aletara.
36 Ke le botsa nnete,
ka tlholo ye nyoko tla gedimo ga moloko wo.
37 Wene Jerusalema,
Jerusalema,
wene ye wo bolayeng baporofeta le go pshatla ka matlapa bo ba romiwuweng gago,
ke ga kaye ke nyaka go kgobaketsa bana bago go tshwana le kgogo ho ye koramela ditjiyonyana tsa yona ka mafafela mara a wa nyaka.
38 Bona,
ntlo yago ye shele yele leshupi!
39 Ka gona wo ka sa sa mpona go segela ho wo nyoko re:
“Go shegofele ye a tlang ka lebitso la Morena.”