Setshwaniso sa monyanya wa lenyalo
22
Jesu a bolabola le bona fote ka ditshwaniso.
2 A re:
“Mmusho wa legedimo wo tshwana le kgoshi yo ye lokisiyeng monyanya wa lenyalo la morwayi wa yona.
3 A roma batlhanka ba yona bo ba rapiweng ba ba botse go tla monyanyeng mara ba gana go tla.
4 Ke moka ya roma ba bangwana ba go feta bala ba mathomo batlhanka a re:
“Botsang bo ba rapiweng gore ke lokisiye tsagodya,
ke tlhabiye dikgomo tsa ditshadi le dipholo tsa go nona,
dilo ka moka di lokiye,
tlaneng monyanyeng!
5 Mara ba sa ba theyetsele ba tloga,
ye mongwana a ya tjhemong yage,
ye mongwana a ya mmerekong wage
6 Ba bangwana ba tshwara batlhanka ba ba tlhorisa ba ba bolaya.
7 Kgoshi a galefa.
Ya roma masole a ya a bolaya le go fetsa babolayi bala,
ba tjhuba le metji ya bona.
8 Ke moka a re ga batlhanka ba yona ba bangwana:
‘Monyanya wo lokisiwe mara bo ba rapiwuweng a ba nyaka go tla.
9 Ariyeneng ditseleng le rape ye mongwana le ye mongwana ye le mo kerayang.”
10 Batlhanka ba ya ditseleng,
ba kgobakanya ka moka batho bo ba ba kerayiyeng ba go loka le ba go sa loka,
ntlo ya monyanya ya tlala ka bayeng.
11 Mara ho kgoshi a tla a bona bayeng,
ya bona motho ye ke ho a sa yapara kobo ya monyanya.
12 Ya mmotsisa ya re:
“Mmata,
wo kenne byang ho wo sa yapara kobo ya monyanya?
Motho yela a sa fetole.
13 Byalo kgoshi ya botsa bathushi ba a yona ya re:
“Mo tlemeneng matsogo le mawoto le mo latlheleng ka letshwifing tawong ho go nang le go golola le go lomaganya ga meno.”
14 Ka gona ba go rapiwa ba tlele mara ba go kgetiwa a ba tlala.
Mothelo wa Kesara
15 Ke moka Bafaraseyi ba ya go feka mano gore ba tanye Jesu ka mantsu yage.
16 Ba romela barutiwa ba bona le ba lekgotla la Herode ga Jesu.
Ba re:
“Moruti,
re tjiba ho wo le motho wa nnete,
le gona wo tjhutisa tsela ya Modimo go ya ka nnete.
A wo gogagoge ke batho,
a wo ye ka gore motho yene ke mang.
17 Byalo re botse,
wo re ke ying,
go lokiye go patela mothelo wa Kesara kela a go wa loka?”
18 Mara Jesu wo tjibiye mano ya bona ya mabe a re:
“Lune batemakisi tenang,
ke ying taba le leketsa go nyaka go ntanya?
19 Ntjhupetseng sepeperetla sa tjheleta ya go patela mothelo.”
Ba tlisa tjheleta.
20 A ba botsisa a re:
“Ke setshwantsho le lebitso la mang tso di gatisiweng ho?”
21 Ba fetola ba re:
“Ke tsa Kesara” A re ga bona:
“Gona neyang Kesara so ye leng sa Kesara le Modimo le mo neyeng so yeleng sage.”
22 Ho ba kwele tso,
ba makala.
Ba mo shiya.
Tjhutiso ka lenyalo ho bahu ba tsoga
23 Ka lona letjatji lone go tlile Basaduseyi ga Jesu,
bo ba reng a go na go tsoga ga bahu.
24 Ba mmotsisa ba re:
“Moruti,
Moshe wo re botsiye gore ho monna a ka hwa a se na bana,
bhute wage a kenele motlhologadi yene ka lenyalo,
a belegele bhute wage bana.
25 Byalo go biye le banna bo ke ho yele bana ba motho ba ba shupang ho gare ga rune.
Wa mathomo wo nyadiye a hwa,
a sa shiya bana,
a shiya mosadi wage le bhute wage.
26 Go makegiye ka mokgwa wone le go wa bobedi le wa boraro go segela le ga bona ka moka ba shupa.
27 Mafelelong mosadi le yene a hwa.
28 Byalo gee,
ka tsogo ya bahu,
mosadi ye nyokoba wa mang ka ho ba mo nyadiye ka moka ga bona?”
29 Jesu a fetola a re:
“Phosho ya lune ke gore a le tjibi Mangwalo ya Makgetwa,
le maatla ya Modimo.
30 Ka tsogo ya bahu batho ba ka sa nyale le ho yele go nyadiwa,
ba nyoko ba byalo ka mangeloyi ya legedimo.
31 Mara ka tsogo ya bahu,
naa a le ya bala so Modimo a le botsiyeng a re:
32 ‘Ke nna Modimo wa Aborahama,
Modimo wa Isaka le Modimo wa Jakobo.
A ye Modimo wa bahu mara ke wa bo ba phelang.”
33 Ho mashaba a kwele tso,
a makatsa ke tjhutiso yage.
Molawo wo mogolo
34 Ho Bafaraseyi ba kwele gore Jesu wo kwadiye Basaduseyi molomo,
ba kgobakana fote go mmotsisa dipotsiso tse di ngwana.
35 Ye mongwana wa bona,
setjibi sa molawo a leketsa Jesu ka potsiso a re:
36 “Moruti,
Molawo wo mogolo ke wofe ga melawo ya Moshe?
37 Jesu a fetola a re:
“Rata Morena Modimo wago ka pelo yago ka moka,
le ka moya wago ka moka le ka monagano wago ka moka.
38 Wo ke molawo wa mathomo wona wo mogolo.
39 Wa bobedi wo tshwana le wona wo re:
“Rata moyagisane wago byalo ka ho wo terata.
40 Molawo ka moka le baporofeta go yemme yona ye ka mmedi.”
Kriste ke Morwayi wa mang?
41 Hala Bafaraseyi ba kgobakanne Jesu wo ba botsisiye a re:
42 “Le nagana ying ka Kriste,
ke morwayi wa mang?”
Ba fetola ba re:
“Ke morwayi wa Dafida.”
43 Jesu a re ga bona:
“Go tla byang ho Dafida a bolabodiye ka Moya wa Modimo a mmitsa Morena?
Ka ho a yitse:
44 “Morena wo yitse ga Morena waka:
“Dula ka letsogotsogong laka go segela ke beya manaba yago ka fase ga mawoto yago.”