Jesu wo kena Jerusalema ka go fenya
21
Ho ba le thina le Jerusalema ba le Bethafage Thabeng ya Metlhware,
Jesu a roma barutiwa bage ka babedi a re:
2 “Ariyeng motjing wo le lebanneng nawo,
ho le sa kena le nyoko keraya pokolo le pokolwana di tlemiwuwe go na hone.
Di tlemolleng le di tliseng ho gaka.
3 Ho ye mongwana a le botsisa,
mmotseng le re Morena wo wa di tlhoka,
wo nyoko le neya tsona.
4 So se makegiye go phetagatsa tso di bolabodiwuweng ke moporofeta ho a re:
5 “Botsang batho ba Jerusalema le re:
‘Bonang kgoshi ya lune ye tla ga lune
ye tekokobetsiye ye kalamme pokolo le pokolwana ngwana wa pokolo.’”
6 Barutiwa ba ya ba maka ka ho Jesu a ba botsiyeng ka gona.
7 Ba tlisa pokolo le pokolwana,
ba kgapega dikobo tsa bona gedimo ga pokolwana,
Jesu a ye kalama.
8 Leshaba le legolo la yatlala dikobo tsa lona fase tseleng,
hala ba bangwana ba roba mphogo wa ditlhare ba yatlala tseleng.
9 Mashaba wo ke ho a mo yetiye matlhong le bo ke ho ba mo shele morago ba gowelela ba re:
“Hosanna ga Morwayi wa Dafida!”
“Go shegofele ye a tlang ka lebitso la Morena!”
“Hosanna kuwa gedimodimo!”
10 Ho Jesu a kena Jerusalema,
motji ka moka wa huduwega ba botsisana ba re:
“Ke mang ye?”
11 Mashaba a fetola a re:
“Ye ke Jesu,
moporofeta wa go tjwa Nasareta ya Galeliya.”
Jesu ka tempeleng
12 Jesu wo kenne wo kenne tempeleng a raka bo ke ho ba reka ba rekisa.
A tekolanya ditafola tsa bo ke ho fetolelana ditjhelete le ditulo tsa bo ke ho ba rekisa mayeba.
13 A re ga bona:
“Go ngwadiwuwe gore:
‘Ntlo yaka ye nyokoba ya thapelo,’
mara lune le ye makiye segola sa dikebeka.”
14 Difofu le ba go sa sepele le ba go tlhotsa ba tla gage ka tempeleng a ba fodisa.
15 Mara ho baprisita ba bagolo le baruti ba molawo ba bona methlolo yo ke ho a ye maka,
le bana bo ke ho ba gowelela bale ka lapelang la tempeleng ba re:
“Hosanna ga Morwayi wa Dafida!”
Baprisita ba bagolo le baruti ba molawo ba galefa.
16 Ba botsisa Jesu ba re:
“Naa,
wa di kwa tso bana bo ba di bolabolang?”
A ba fetola a re:
“Naa,
a le ya bala?
‘Go tjwa melomong ya bana le maseya wo beyiye theto.’”
17 A tjwa a ba shiya a ya Bethaniya a yetsela gona.
Mogo wa go pona
18 Ye sale ka boshego ho a boyela Jerusalema a kwa tlala.
19 A bona setlhlare sa mogo thoko ga tsela,
a ya ga sona mara a sa keraye selo ho yese matlakala hela.
Ke moka a re ga mogo:
“Wo sa sa tsoga wo yengwa diyengwa fote!”
Ka go yakgoswa setlhare sa mogo sa pona.
20 Ho barutiwa ba bona tso,
ba makala.
Ba botsisa ba re:
“Go makegiye byang gore setlhare so sa mogo se ponne ka go yakgoswa?”
21 Jesu a ba fetola a re:
“Ke le botsa nnete,
ho wo na le tumelo wo sa dikadike,
ye ka sa be fela go maka tso di makegiyeng ga setlhare so sa mogo,
mara wo ka kgona go ra ga thaba ye wa re:
‘Ariye,
wo telathlele lewatleng,’
di nyoko makega.
22 Ho wo dumela wo nyoko yamogela se sengwana le se sengwana so wo se kgopelang ka thapelo.”
Jesu wo botsisiwa ka maatla yage
23 Jesu a kena malapeng a tempele,
ho a sa tjhutisa,
baprisita ba bagolo le ba bayetapele ba setjhaba ba tla gage ba mmotsisa ba re:
“Wo maka dilo tso ka maatla a fe?
Le gona ke mang a go neyiyeng maatla ya?”
24 Jesu a fetola a re:
“Ke nyoko le botsisa potsiso ka yiyoshi.
Ho le ka mfetola ke nyoko le botsa gore ke ka matla ya mang ya ke makang dilo tso ka wona.
25 Kolobetso ya Johanese ke ho yetjwa kaye?
Ke ho yetjwa legedimong kela bathong?
Ba bolabodisa bona beng ba re:
“Ho re ka re yetjwa legedimong,
wo nyoko re botsisa gore:
‘Byalo ke ying taba le sa ka la mo dumela?’
26 Mara ho re ka re:
‘Yetjwa bathong,
re tjhaba batho ka ho ba dumele gore Johanese ke ho yele moporofeta.’’’
27 Ke moka ba fetola ba re:
“A re tjibi.”
Jesu a fetola a re:
“Le nna nka sa le botse gore ke maka dilo tso ka maatla ya mang.”
Setshwaniso sa barwayi ka babedi
28 “Le nagana ying ka so?
Ke ho go na le barwayi ba motho ka babedi.
Monna a ya ga morwayi wa mathomo a re:
‘Morwayi,
ariye lehono wo bereke tjhemong yaka ya ditereba’
29 Morwayi a fetola a re:
‘Nka sa ye’,
mara ka morago a fetola monagano wage a ya.
30 Ke moka papage a ya ga ye mongwana morwayi a bolabola ka mokgwa wola a bolabodiyeng le morwayi wa mathomo.
Yene a fetola a re:
‘Ke nyoko ya motlhompegi,’
mara a sa ye.
31 Ke mang ga bo ka babedi a makiyeng tso papa wa bona ke ho a di nyaka?”
Ba fetola ba re:
“Ke ye wa mathomo” Jesu a re ga bona:
“Ke le botsa nnete,
bapatedisi ba mothelo le ba go rekisa mmele ba kena mmushong wa Modimo pele ga lune.
32 Johanese Motlungwetsi wo tlile ga lune a le shupetsa tsela ya toko a le yaka la mo dumela mara bapatedisi ba mothelo le ba go rekisa mmele ba dumele.
Le ho ka morago le bonne tso a le yaka la sokologa la mo dumela.”
Setshwaniso sa bahirisiwa
33 Theyetselang se sengwana setshwaniso.
Ke ho go na le mong wa tjhemo ye a gashiyeng ditereba.
A yaga lepharo la go dukulogela tjhemo,
a yepa botlhotlhelo bya beyine,
a yaga le tora ya boletelo,
ke moka a hirisa tjhemo yone ga ba bangwana balemi a tloga a tseya leyeto.
34 Ho nako ya go buna ye segele,
a roma batlhanka bage go ya go tseya diyengwa ga bahirisiwa.
35 Bahirisiwa ba tshwara batlhanka bage,
ye mongwana ba mo teya,
ye mongwana ba mmolaya,
wa boraro ba mo psaya ka matlapa.
36 Ke moka a roma ba bangwana batlhanka ba go feta bala ba mathomo,
le bona bahirisiwa ba ba thlorisa ka mokgwa wela.
37 Mafelelong a roma morwayi wage a re:
“Ba nyoko tlhompa morwayi waka.”
38 Mara ho bahirisiwa ba bona morwayi,
wa mong wa tjhemo ba bolabodisana ba re:
“Ye ke modyalefa tlaneng re mmolayeng re tseye lefa lage”.
39 Ke moka ba mo tshwara ba mo latlhela ka tawong ga tjhemo ba mmolaya.
40 Byalo ho mong wa tjhemo a boya,
wo nyoko maka ying ka bahirisiwa bone?”
41 Ba fetola ba re:
“Wo nyoko ba fedisa,
a fetsa ka babe bone,
a hirisa ba bangwana bo ba nyokogo mo neya karolo ka moka ya puno ya diyengwa nakong ya go buna.
42 Jesu a re ga bona:
“Naa,
a le ya bala Mangwalong ya Makgetwa na?
‘Letlapa lo bayagi ba le nyatsiyeng
ye biye lona la mothewo wa sekhutlo,
Morena wo makiye tso,
diya makatsa matlhong ya rune.”
43 Ka gona ke ya le botsa Mmusho wa Modimo wo nyoko tseyiwa ho ga lune wa neyiwa bo ba nyoko go tshweletsa diyengwa.
44 Ye a nyokogo wela gedimo ga letlapa lo,
wo nyoko pshayegana,
mara ye le nyoko go mo wela wo nyoko shilagana.”